نۇرلان نوعاەۆ: اباتتاندىرۋ جۇمىستارى ەلدىمەكەننىڭ دامۋ جوسپارىنا سايكەس ءجۇرۋ كەرەك

ايماق باسشىسى جۇمىس ساپارى بارىسىندا مايكومگەن اۋىلىنا بارىپ, "يگىلىك" باعدارلاماسى اياسىندا سالىنعان ەكى نىساندى ارالادى. ولار ؛&ndash؛ 100 ورىنعا ارنالعان "بايشەشەك" بالاباقشاسى جانە سىيىمدىلىعى 270 ادامدىق, اۋدانى 740 شارشى مەتر دەنە شىنىقتىرۋ-ساۋىقتىرۋ كەشەنى.

سونىمەن قاتار, وبلىس اكىمى اۋدان ورتالىعىنداعى كوشەلەردىڭ جارىقتاندىرىلۋى مەن جول قۇرىلىسىمەن تانىستى.

2019 جىلى جىلىوي اۋدانىندا ۇزىندىعى 22 كم 36 كوشەگە اسفالت توسەلەدى, ءمجا اياسىندا ۇزىندىعى 80 شاقىرىم بولاتىن 118 كوشە جارىقتاندىرىلادى.

نۇرلان نوعاەۆ قۇلسارى قالاسىنداعى 100 پاتەرلىك 3 كوپقاباتتى تۇرعىن ءۇيدىڭ قۇرىلىسىن تەكسەردى. بولاشاقتا بۇل جەردە ءۇي كەزەگىندە تۇرعاندارعا ارنالعان ءارقايسىسى 100 پاتەرلىك 12 تۇرعىن ۇيدەن تۇراتىن كەشەن بوي كوتەرەدى.

&ndash؛ ينفراقۇرىلىم جۇرگىزۋ جۇمىستارى ەلدىمەكەننىڭ دامۋ جوسپارىنا سايكەس ءۇزىلىسسىز جاسالۋى كەرەك, &ndash؛ دەدى قۇلسارى قالاسى تۇرعىندارىمەن كەزدەسكەن نۇرلان نوعاەۆ. &ndash؛ ءبىر جەلىنى ساقتاي وتىرىپ ارەكەت ەتسەك قانا قۇلسارىنى اباتتاندىرۋ بويىنشا بەلگىلەنگەن جوسپارلاردى تولىق ىسكە اسىرا الامىز. بۇل كوپ ەڭبەكتى, ۋاقىتتى تالاپ ەتەتىن جۇمىس, سوعان قاراماستان وڭ ناتيجەلەر بار.

جۇمىس ساپارىنىڭ قورىتىندىسى بويىنشا ايماق باسشىسى جىلىوي اۋدانىنىڭ الەۋمەتتىك-ەكونوميكالىق دامۋىنا قاتىستى ناقتى تاپسىرمالار بەردى.