كايدزەن - ۇزدىكسىز دامۋ جۇيەسى

كايدزەن &ndash؛ «؛كاي+دزەن»؛, ياعني ۇزدىكسىز دامۋ ماعىناسىن بىلدىرەتىن جاپون فيلوسوفياسى. ءوزىڭدى تۇلعا جانە مامان رەتىندە, جۇمىسىڭ مەن ءوندىرىس پروسەسىن, كليەنتتەرمەن قارىم-قاتىناستى, تۇتاستاي العاندا اينالاداعى ءبارىن ۇزدىكسىز دامىتۋ.

العاش رەت 1947 جىلى جاپونيادا پايدا بولدى. ەكىنشى دۇنيەجۇزىلىك سوعىستان سوڭ بۇل ەلدىڭ ەكونوميكاسى قۇلدىراپ, جاپونيادا وندىرىلگەن تاۋارلاردىڭ ساپاسى ناشارلادى. امەريكا جاپون كاسىپكەرلەرىنە لەكسيا وقىپ, تاجىريبەسىمەن بولىسۋگە وزدەرىنىڭ ەڭ مىقتى ينجەنەرلەرىن جىبەرەدى. ولاردىڭ اراسىندا زاماناۋي ساپا قوزعالىسىنىڭ جەتەكشىسى ۋ.ەدۆاردس دەمينگ تە بار بولاتىن.

دەمينگ ءوندىرىستى قالاي دامىتىپ, جۇمىستى قالاي جولعا قويۋ كەرەگىن ۇيرەتتى. جاپونداردىڭ دەمينگ يدەيالارىن تۇگەل مەڭگەرىپ العانى سونشا, ون جىلدان سوڭ امەريكالىقتار كەلىپ, جاپونداردىڭ تاجىريبەسىمەن تانىسادى. اتاقتى اۆتوموبيل كومپانياسىنىڭ يەسى گەنريح فورد تا جاپونداردان ۇيرەنگەنىن پايدالانادى. امەريكالىق بيزنەسمەندەر بۇل ءادىستى لين-جۇيە دەپ اتادى. ءبىراق ولار ءدال كايدزەن ءادىسىن ەنگىزە المادى.
كايدزەندى بارلىق سالادا قولدانۋعا بولادى. ەڭ العاش 1947 جىلى toyota كومپانياسىندا قولدانىلىپ, دامىعان. الەمدىك كولىك كومپانيالارى سوعىستان سوڭ toyota-نىڭ تەز ءوتىپ كەتكەنىنە تاڭ-عالا باستادى. كەيىنىرەك, 1980-جىلدارى ماسااكي ءيمايدىڭ «؛كايدزەن: جاپوندىق كومپانيالاردىڭ جەتىستىككە جەتۋ كىلتى»؛ اتتى ەڭبەگى شىقتى. وسى كىتاپتان سوڭ بۇكىل الەم كايدزەندى تانىدى. كايدزەن بويىنشا باسقارۋ باتىستاعى باسقارۋ تاسىلدەرىنە مۇلدە ۇقسامايتىن. جاپونيادا باستى نازاردى ادامدار مەن ءوندىرىس پروسەسىنە اۋدارادى. ال باتىستا كومپانيا باسشىلىعى ءونىم مەن ناتيجەگە كوپ ءمان بەرەدى.

ادامدارمەن تەز ارالاسىپ كەتۋ بۋحگالتەردىڭ قولىنان جاقسى كەلەدى. ونىڭ اداممەن ءتىل تابىسا كەتۋى سانداردى ەسەپتەۋىنەن دە جاقسى. دەمەك, باسشىلىق ول ادامدى ماركەتينگ سياقتى شەشەندىك قابىلەتتى كوبىرەك تالاپ ەتەتىن قىزمەتكە اۋىس-تىرۋى كەرەك. وكىنىشكە قاراي, ءبىزدىڭ باسقارۋ ىسىندە شەكتەۋ كوپ. قارجىگەر دەگەن ديپلومىڭ بولسا, تەك وسى سالادا عانا جۇمىس ىستەي الاسىڭ. ال ودان دا مىقتى قابىلەتتەرىڭ ەسكەرىلمەيدى. ءار قىزمەتكەردىڭ جۇمىستى جاقسارتۋ جايىندا جەكە ويى بولادى. باسشىلىق سول ويدى تىڭداۋ ارقىلى مۇنداي ۇلكەن شىعىننان قۇتىلا الادى.

سونىمەن قاتار, كايدزەن جۇيەسى جەمقورلىققا جول بەرمەيدى. كايدزەن جوعارىداعى سەگىز شىعىنعا جول بەرمەيدى. ءقازىر ەلىمىزدە بيىل سالىنعان جولدى كەلەسى جىلى جوندەپ جاتادى. نەمەسە از-ماز جەرى كەتسە بولدى, قايتادان تەندەر جاريالايدى. دۇرىس جولدى قىرىپ, ۇستىنە جاڭاسىن توسەيدى. ال بۇرىنعىسىنىڭ سالىنعانىنا ءالى ءبىر جىل دا تولعان جوق. مۇنىڭ بارلىعى ىسىراپ ەكەنىن سەزىپ وتىرسىز. مۇنداي ىستەردىڭ ارتىندا ادەتتە جەمقورلىق تۇرادى. جاپونيادا ءبىر رەت سالىنعان جولعا 70 جىلدىق كەپىلدىك بەرىلەدى. ال جاپوندار سالعان ءۇي 8 بالدىق جەر سىلكىنىسىنە توتەپ بەرەدى. الماتىنىڭ «؛العاباس»؛ اۋدانىنداعى ۇيلەردىڭ بىرنەشە جىل وتپەي جاتىپ قيسايعانىن ەستىدىك. دەمەك, ساپاسىز سالىنعان. ساپاسىز جول مەن ءۇيدى سالۋعا رۇقسات الۋ مەن رۇقسات بەرۋدىڭ اراسىندا جەمقورلىق جاتىر. ەگەر مەملەكەتتىك باسقارۋعا كايدزەن سەكىلدى باعدارلاما ەنگىزسە, ىسىراپ پەن جەمقورلىققا جول بەرىلمەس ەدى.

"قازاق &ndash؛ جالقاۋ حالىق" دەگەن كەڭەس وداعىندا تاڭىلعان ءجاي ءسوز عانا. ەگەر ءبىز جالقاۋ بولساق, كەز كەلگەن جاعدايدا ءومىر ءسۇرىپ كەتە الماس ەدىك. كايدزەندى مەڭگەرسەك, جاپونداردان دا اسىپ كەتۋىمىزگە دە بولادى.