16 شىلدە, 2019 news
شىمكەنتتە كوپبالالى انا بالالارىن اكىمشىلىككە تاستاپ كەتتى
«وزدەرىڭ قامتاماسىز ەتىپ الىڭدار!» - دەگەن ول.
شىمكەنت قالاسىندا كوپبالالى انا كەزەكتەن تىس پاتەر الا الماعانىنا ىزالانىپ, ءوزىنىڭ بالالارىن اكىمشىلىك عيماراتىنا قالدىرىپ كەتكەن دەپ جازادى qamshy.kz اقپارات اگەنتتىگى.
بەس جانە جەتى جاستاعى بالالار قۇقىق قورعاۋ ورگانى وكىلدەرى ولاردىڭ اناسىمەن ءتۇسىندىرۋ جۇمىستارىن جۇرگىزىپ بولعانشا, اباي اۋدانىنىڭ اكىمشىلىك عيماراتىندا بولدى. 40 جاستاعى جالعىزباستى ايەل كامەلەت جاسىنا تولماعان ءتورت بالاسىمەن جالدامالى پاتەردە تۇرادى ەكەن.
وسى سەبەپتى دە جالعىزباستى ءارى كوپبالالى انا اكىمشىلىكتەن كەزەكتەن تىس پاتەر بەرۋدى تالاپ ەتۋگە بەل بۋعان.
«؛كوپبالالى انا مەملەكەتتەن اتاۋلى الەۋمەتتىك كومەك الادى. دەمەك, اي سايىن ءتورت بالاسىنىڭ ءاربىرى ءۇشىن 21 تەڭگە تولەنۋدە. ول قولىنا تۇسكەن قاراجاتتىڭ كوپ بولىگى جالدامالى پاتەردىڭ اقىسىن تولەۋگە كەتەتىنىن ايتتى. ءبىز وعان تۇرعىن ءۇي ينسپەكسياسىنا بارىپ كەزەككە تۇرۋعا كەڭەس بەردىك.
ارتىنشا ول كەزەكتەن تىس پاتەر بەرۋدى تالاپ ەتە باستادى. «؛وندا وزدەرىڭ قامتاماسىز ەتىپ الىڭدار»؛ دەپ بالالارىن تاستاپ, شىعىپ كەتتى.
اۋداندىق پوليسيا بولىمىندە اكىمدىك قىزمەتكەرلەرى ايەلمەن ءتۇسىندىرۋ جۇمىستارىن جۇرگىزدى. ناتيجەسىندە ول قايتا كەلىپ, بالالارىن الىپ كەتتى»؛, - دەيدى اباي اۋدانىنىڭ اكىمى بۇحارباي پارمانوۆ. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر