ۇيشىكتىڭ ءبىرىن تاڭداڭىز: ءسىزدىڭ وتباسىڭىزدى نە كۇتىپ تۇر؟ (پسيحولوگيالىق تەست)

الدىڭىزداعى سۋرەتتەگى ۇيشىكتەردىڭ ءبىرىن تاڭداپ, ءسىزدىڭ وتباسىڭىزدى جاقىن ارادا نە كۇتىپ تۇرعانىن ءبىلىڭىز. ؛

سۋرەتتەرگە اسىقپاي زەر سالىپ قاراڭىز, وزىڭىزگە ۇناعان ۇيشىكتى تاڭداڭىز. ءسىز تاڭداعان ۇيشىك وتباسىڭىزدا جاقىن ارادا بولاتىن جاڭالىقتىڭ جارشىسى بولماق. ؛

ەسكەرتۋ! بۇل تەك پسيحولوگيالىق بولجام عانا. اقيقاتى تەك اللاعا عانا ايان ەكەنىن ۇمىتپاڭىز. جاقسى ءسوز - جارىم ىرىس!

№1 ۇيشىك

بىرىنشى ۇيشىك كوزىڭىزگە وتتاي باسىلسا, ءسىزدىڭ وتباسىڭىزدىڭ مۇشەلەرى وتە قاراپايىم جاندار. سول سەبەپتى دە ەشكىمدى قارالامايتىن, ادامداردى الالامايتىن جاقسى قاسيەتتەرى بار. ۇلكەندەردى سىيلاۋ, وتباسىلىق قۇندىلىقتاردى باعالاۋ ءسىزدىڭ وتباسىڭىزداعى باستى ۇعىم. الداعى ۋاقىتتا وتباسىڭىزدا بولاتىن جاقسى جاڭالىقتاردىڭ ءبىرى دە - ۇيىڭىزدەگى ۇلكەندەردىڭ بىرىنە قاتىستى بولماق. بالكىم ول جاقسى جاڭالىق ايتادى, نە بولماسا ۇلكەن ۇتىس يەگەرى اتانۋى مۇمكىن. ايتەۋىر جاقىن ارادا جانىڭىزعا جاعاتىن جاقسى جاڭالىعىمەن بولىسەتىنىن ۇمىتپاعايسىز. سونداي-اق, ۇيدەگى بالالارعا كوبىرەك كوڭىل ءبولىڭىز. ءقازىر ولار ءسىزدىڭ قامقورلىعىڭىزعا ءزارۋ.

№2 ۇيشىك

سىزدىڭ وتباسىڭىزدا ءدال قازىرگى ساتتە ۋاقىتشا قيىندىقتار بولىپ جاتىر. الايدا مۇنىڭ ۋاقىتشا ەكەنىن ۇمىتپاعايسىز! ءسىز وسى ۇيشىكتى تاڭداعان ەكەنسىز, دەمەك ءسىزدىڭ وتباسىڭىزدىڭ ادامدارى ءبىر ورىندا تۇرۋدى بىلمەيتىن, ۇنەمى ىزدەنىس ۇستىندە جۇرەتىن جاندار. كەيدە ءتىپتى, بىر-بىرلەرىڭىزدى ءتۇسىنۋ قيىنعا سوعادى. الايدا وتباسىڭىز وتە بەرەكەلى. وتباسىڭىزدىڭ اربىرىندە مىنەز بولعاندىقتان قيىندىقتار بولىپ تۇرادى. الايدا سىزدەر قيىندىقتى بىرگە جەڭەسىزدەر! جاقىن ارادا وتباسىڭىزدا ۇلكەن توي بولادى. دايىندالا بەرىڭىزدەر! ؛

№3 ۇيشىك

سىزدەردىڭ وتباسىلارىڭىزدا اركىم ءوز بەتىنشە ءومىر ءسۇرىپ جاتىر. ءبىراق بۇل سىزدەرگە كەدەرگى ەمەس, ويتكەنى سىزدەر ءبارىبىر ءبىر وتباسى ەكەندىكتەرىڭىزدى جاقسى بىلەسىزدەر. اركىمنىڭ ءوز الەمى بولسا دا, سىزدەر ءبىر اۋلەتتىڭ ادامدارىسىزدار. وتباسىلارىڭىزدا بولعان كيكىلجىڭدەردى اقىلمەن شەشۋگە تىرىساسىزدار. ويتكەنى سابىرلىلىق سىزدەردىڭ قاندارىڭىزدا بار. ارالارىڭىزداعى ەركەلەرىڭىزدى دە كەشىرە سالۋعا بارسىزدار. جاقىن ارادا جۇرەك تۇكپىرىندە جاتقان ورىندالماستاي كورىنگەن ارماندارىڭىز جۇزەگە اسادى. بالكىم, وتباسىلىق كاسىپ اشىپ, تابىستارىڭىز ورگە قاراي دومالايتىن بولار!

№4 ۇيشىك

سىزدەر ناعىز وزگەلەرگە ۇلگى بولاتىن وتباسىسىزدار! وزگەلەر سىزدەرگە قىزىعا دا قىزعانا دا قارايدى. قىزىعا قارايتىنداردان گورى قىزعانا قارايتىندار كوپ سياقتى. الايدا ۋايىمداۋعا نەگىز جوق! دەمەك سىزدەر ناعىز يدەالسىزدار. تاربيە, ءتارتىپ, وزگەلەردى سىيلاۋ ءسىزدىڭ وتباسىڭىزدىڭ ۇرانى. ءاردايىم وزگەلەر سىزدەردەن اقىل سۇراپ كەلىپ جاتادى. ۇيلەرىڭىزدەن قوناق ۇزىلمەيتىنى دە سوندىقتان. جاقىن ارادا وتباسىلارىڭىز تولىعادى. دۇنيەگە ءسابي كەلۋ مۇمكىن نەمەسە كەلىن ءتۇسۋى عاجاپ ەمەس. الداعى ۋاقىتتا قۋانىشتارىڭىز ەسەلەنەتىنى انىق!

دايىنداعان مارجان سابەت