• usd 476.71

  • eur 467.03

  • rub 8.36

  • cny 67.1

30 قىركۇيەك, 20:55:28
الماتى
+6°

18 ماۋسىم, 2019 بيزنەس

كايدزەن جانە مەنەدجمەنت

جاسامپاز جاپون جۇيەسىنىڭ جايىن, تاريحىن, الەمدەگى ءھام ەلدەگى قولدانىس اياسىن ءبىرشاما ۋاقىتتان بەرى جازىپ كەلەدى, ايتىپ كەلەدى. بىرنەشە سۇحبات پەن اۋدارما, ساراپتامالىق ماقالالاردىڭ ناتيجەسىندە ءبىزدىڭ وقىرماندار دا وسى ءبىر تارتىپكە, ىلگەرىلەۋگە نەگىزدەلگەن جۇيەمەن بەلگىلى ءبىر دارەجەدە تانىس بولدى دەپ ويلايمىز.

hashllp.com

بۇگىنگى ماقالامىزدا كايدزەننىڭ باسقارۋ ىسىندە, ياعني, مەنەدجمەنتتە كومپانيانىڭ, مەكەمەنىڭ جۇمىسىنا قانشالىقتى اسەر ەتە الاتىنى تۋرالى جازباقپىز.

جاپون تىلىندە "كايدزەن ءسوزى" شەكسىز دامۋ, ىلگەرى ۇمتىلىس دەگەن ماعىنالاردى بەرەدى. ەڭ قىزىعى, كايدزەن جۇيەسى ىشكەرىلەندىرىلگەن مەكەمەدە باسشىلىقتىڭ ءرولى ەسكى جۇيەدەگىدەي بولمايدى. ويتكەنى, ءار ادام ءوز ىسىنە جاۋاپتى. ءوز جۇمىسىن, ءوز جۇمىس ورىنىن, ءبىلىمىن, بىلىكتىلىگىن, كاسىبيلىگىن ءاردايىم, ءسات سايىن دامىتىپ, ۇشتاپ وتىرۋى ءتيىس.

كايدزەن ىشكەرىلەندىرىلگەن مەكەمەدە باسشى ءرولى ءالسىز دەگەنىمىزبەن, كىشى بولىمدەردى باسقارۋ, جالپى باسقارۋ سياقتى مەنەدجمەنت تەتىكتەرىنىڭ بولۋى زاڭدىلىق. باسقارا ءبىلۋ &ndash؛ ونەر. باسقارا الماۋ &ndash؛ ماسقارا.

جۇك اۋىرلاعان سايىن باسشىلىقتاعى شارۋا, باسشىلىقتىڭ جۇمىس ارتا بەرمەك. كايدزەندى قولداناتىن باسشىلاردىڭ كوپشىلىگى باسقارۋدىڭ جاڭا فورماسىن كورسەتۋگە, وزگە باعىتىن اشۋعا ۇمتىلىس جاسايدى. جانە وسى ارەكەتتەرىمەن ءوندىرىس اۋقىمىن, كاسىپ اۋماعىن ۇلعايتۋدى كوزدەيدى.

بىر عانا مىسال كەلتىرىپ وتەيىك. الەمدى كەزگەن جاپون جۇيەسىنىڭ ومىرگە كەلۋىنە تىكەلەي ىقپال ەتكەن كومپانيالاردىڭ ءبىرى toyota مەنەدجمەنت قاعيدالارىن بەلشەدەن باسپاي, ونىڭ ۇستىنە كايدزەن تالاپتارىن ەنگىزە بىلگەن.

toyota كومپانياسىنىڭ العاشقى جىلدارىندا-اق باسشىلىق كوپ ءونىم الىپ, از ۋاقىت جۇمساۋدى كوزدەگەن ەدى. ءدال سول ۋاقىتتا, 1970 جىلدارى كومپانيادا تاييتي ونو ەسىمدى تالانتتى توپ-مەنەدجەر جۇمىس جاساعان.

ول ارنايى جوسپار ءتۇزىپ, وندىرىستەگى قىزمەتكەرلەردەن ساعاتىنا 100 ءونىم جاساۋدى تالاپ ەتەدى. ەڭ قىزىعى, 100 ءونىم جاساۋدى تالاپ ەتىپ, 90 ءونىمنىڭ عانا شيكىزاتىن, تاۋارىن بەرەدى.

ماقسات &ndash؛ قىزمەتكەرلەردىڭ تاپسىرمانى ورىنداۋعا ۇمتىلىپ, ۇنەمدەي ءبىلۋدى ۇيرەنۋىن قالىپتاستىرۋ. ال ساپانىڭ تومەندەمەۋى &ndash؛ بۇل كومپانياداعى ەڭ ءبىرىنشى شارت. ول شارتتىڭ بۇزىلمايتىندىعىنا نىق سەنىمدى باسشى وسى قادامعا بارعان. راس, العاشىندا 100 ءونىم جاساۋ قيىنعا سوعادى. ءبىراق ءبىرشاما ۋاقىت بويى جۇرگەن ۇزدىكسىز جۇمىس جاساعان ۇمتىلىس ناتيجە بەردى.

مۇنىمەن ونو توقتاپ قالمادى. جۇمىسشىلار 90 ءونىمنىڭ شيكىزاتىنان 100 ءونىم جاساپ شىقتى. ونو وسى ءساتتى پايدالانا وتىرىپ, ءبىر ءوندىرىس وشاعىنداعى 10 پايىز جۇمىس كۇشىن باسقا ءوندىرىس ورىنىنا اۋىستىرىپ, قالعان جۇمىسشىلاردان تاعى دا 100 ءونىم ساعاتىنا جاساۋدى تالاپ ەتتى. مىنە, بۇگىندە ءوندىرىس وشاعى, ءونىم جاساۋ جىلدامدىعى جاعىنان الدىنا قارا سالمايتىن, ونىمدەرى قازاق جەرىندە ءورىپ جۇرگەن كومپانيانىڭ جەتىستىككە جەتۋ قۇپياسى, باسقارۋ فورماسى وسىنداي بولعان.

ەندى اڭگىمە اۋانىن باسقا ارناعا بۇرىپ كورەلىك. كايدزەندى ىشكەرىلەندىرۋدەن كەيىنگى ناتيجەلەر قانداي بولماق؟

قازىرگى زاماننىڭ ەڭ كوپە ءسوز بولاتىن, ەڭ كوپ تالقىلاناتىن ترەندتى تاقىرىبى (كاسىپكەرلەر اراسىندا) &ndash؛ باسەكەلەستەردىڭ ارتۋى, تۇتىنۋشى تالابىنىڭ قاتايا ءتۇسۋى. بۇل ءۇردىس كۇن سايىن, ۇنەمى, توقتاۋسىز ءوسىپ كەلەدى. نە ىستەمەك كەرەك؟

كايدزەندى ىشكەرىلەندىرگەن كومپانيانى ۇزاق جىلدار بويعى ءۇزىلىسسىز دامۋ كۇتىپ تۇر. باسەكەلەستەردەن وزۋ ءۇشىن, ۇمتىلىستان ناتيجە كورسەتۋ ءۇشىن كەشە, بۇگىن, ەرتەڭ, كۇن سايىن, اي سايىن, جىل بويى دامۋ ۇدەرىسىن توقتاتپاۋ شارت.

ەگەر 100 پايىزدىق كورسەتكىشكە ۇمتىلىس جاسايتىن مەكەمە بولسا, ۇمتىلىستى بارلىق ۇجىم جاسايتىن بولسا, بىرنەشە ون جىلدان كەيىن بۇل كومپانيا ليدەرلەر قاتارىندا كوش باستاپ تۇرماق.

كايدزەننەن قانداي جاعدايدا ناتيجە كورىنەدى؟

  1. قىزمەتكەرلەردىڭ احۋالى. ەگەر مەكەمەدە قىزمەت جاسايتىن جۇمىسشىلاردىڭ تۇرمىستىق احۋالى تومەن ءارى الاتىن جالاقىسى شىعىندارىن جابۋعا جەتپەسە, ول ەكىنشى جاقتان قوسىمشا جۇمىس جاساۋدى كوزدەيدى. ويتكەنى, ول ءبىر ءۇيدلىڭ اسىراۋشىسى بولۋى مۇمكىن. ەكىنشىدەن, كوڭىلىندە ۋايىم بار ادام جۇمىسقا تولىق بەرىلە المايدى.
  2. سىياقى. كايدزەندى ىشكەرىلەندىرسەڭىز, تالاپ قويا ءبىلىڭىز جانە مول اقشا تولەۋگە داعدى الىڭىز.
  3. قىزمەتكەرلەردى قامتاماسىز ەتۋ. جۇمىسشىلاردىڭ جۇمىس پروسەسى بارىسىندا قاجەتتى قۇرالى نەمەسە كولىگى بولماي قالۋ &ndash؛ كەرى اسەر تيگىزەتىن جايت.

قۇرمەتتى وقىرمان, وسى ماقالانى تولىق وقىپ شىققان بولساڭىز, وسىنداي تاماشا, مامىراجاي, بەرەكەلى جۇيە ءبىزدىڭ ەلدە بار ما دەگەن سۇراق تۋىنداۋى مۇمكىن كوكەيىڭىزدە.

قازاقستانعا كايدزەن جۇيەسى كەلگەلى دە ونجىلدىقتار اينالىپ كەتتى. مىنە, سوڭعى جىلدارى الماتى قالاسىنداعى كايدزەن ورتالىقتىڭ ماماندار دايارلاۋمەن, كايدزەندى كاسىبي دەڭگەيدە ۇيرەتۋمەن اينالىسىپ جاتقانىنىڭ ارقاسىندا قارقىن ارتىپ كەلەدى.

جاپون جۇيەسىنىڭ جاقسىلىعىن كورگەن ادام وزگە جۇيەنى كورگىسى دە كەلمەس, ءسىرا! ەڭبەكتەن, تابىس تاپ!

ادىلەت مادەنيەت

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر