بىلال قۋانىش. قاسىم-جومارت توقاەۆقا حات! بوساعا مىقتى بولسىن دەسەك...

قادىرمەندى قاسىم-جومارت كەمەلۇلى!

ەل تىزگىنىن قولىڭىزعا العان ەرەكشە كەزەڭمەن ءوزىڭىزدى قۇتتىقتايمىن! بيلىك پەن حالىق اراسىندا «؛التىن كوپىر»؛ بولامىز دەپ قولىمىزعا العان «؛قامشى»؛ ءدال قازىرگى ۋاقىتتا «؛بىلاي تارتسا وگىز ولەتىن, بىلاي تارتسا اربا سىناتىن»؛ جاعدايدا تۇر. ءبىز عانا ەمەس مەملەكەتشىل, ۇلتشىل ازاماتتار مەن بارلىق قازاق ءباسپاسوزى وسى كۇيدى كەشىپ وتىر دەسەم, ارتىق ايتقاندىق بولماس. جەر-جەردە حالىق تولقۋلارى بولىپ جاتقانىن كوزىڭىز كورىپ, قۇلاعىڭىز ەستىپ وتىر دەپ سەنەمىن. سوندىقتان وسى حاتتى جازۋ ارقىلى تومەندەگى بىرنەشە ماسەلەگە نازارىڭىزدى اۋدارعىم كەلەدى.  ؛

نازارباەۆقا 30 جىل تىزگىن ۇستاتقان - قازاق

قازاق ءالميساقتان مەملەكەتتىك يدەولوگيانى قانىنا سىڭىرگەن, حانعا باعىنعان حالىق. 30 جىل بويى وسى بيلىكتىڭ مىزعىماي تۇرۋى &ndash؛ مەملەكەتقۇرۋشى ۇلتتىڭ گەنىندەگى سول قاسيەتتىڭ ارقاسى. عاسىرلار بويى ەن دالانى ەركىن جايلاعان قازاق بوداندىقتىڭ قامىتىن شەشكەن سوڭ تاۋەلسىزدىكتىڭ بۋىنى بەكۋىن كۇتتى. جەيتىنگە نان, كيەرگە كيىم تاپپاعان قيىن كەزەڭدەردى مەملەكەتپەن بىرگە باسىنان وتكىزدى. ساتىمپاز شەنەۋنىگىنە سابىرلىق تانىتتى. جاقسى كۇننىڭ كەلەرىنە سەندى. نارىقتىق ەكونوميكانىڭ مەيىرىمسىز زاڭدىلىقتارىنا كوندى. اربا سۇيرەسە دە, الا دوربا ارقالاسا دا ءۇمىتىن ۇزگەن جوق. وزگە جۇرتتا كەزدەسە بەرمەيتىن تۋىستىق قارىم-قاتىناس تا ءوز پايداسىن تيگىزدى. ەسىن جيعان اعاسى باۋىرىن, قالتاسى قالىڭداعان ناعاشىسى جيەنىن سۇيرەدى... مەشىتتەر كوبەيدى, ءدىن كۇشەيدى, يمان بەكەمدەلدى. ۇلتتىق ءانى, ءبيى, كۇيى, مەرەكەسى كوبەيىپ, بەرەكەسى ارتتى. كوز جازىپ قالعان كوپ قۇندىلىقتارىنىڭ ورالعانىنا شۇكىرشىلىك ەتتى. شارۋاعا جۇيرىك, قولىنان ءىس كەلەتىن ءبىراز قازاقتىڭ اۋزىنان اق ماي اققانىن دا كوردى... سول باياعى قوڭىر تىرشىلىگىمەن الدىنداعى ەكى سيىرىن ساۋىپ, قارتتارىنىڭ زەينەتاقىسىن تالعاجاۋ ەتكەن قاراپايىم جۇرتتا ادال, اڭعال, سەنگىش كۇيىنەن تانعان جوق. ەندىگىسى نە بۇلىك؟ نە رەنىش؟ نازارباەۆ باسقارعان بيلىك ەشتەڭە جاساعان جوق پا؟

ەلباسى ەلىنە نە ىستەدى؟

قازاقستان رەسپۋبليكاسى 30 جىلدان بەرى ءوز تاۋەلسىزدىگىن ساقتاپ كەلدى. ەلباسىنىڭ ەڭ باستى جەتىستىگى وسى. ەگەمەن ەل رەتىندە كورشى مەملەكەتتەردىڭ بارىمەن شەكاراسىن تايعا تاڭبا باسقانداي سىزىپ, تەرريتورياسىن بەكىتتى. كەز كەلگەن ۋاقىتتا ءقاۋىپ اكەلەتىن يادرولىق قارۋدى الاش توپىراعىنان الاستاتتى. تەرريتوريانىڭ سىرتىندا قالعان بار قازاقتى اتاجۇرتقا شاقىرىپ, وسى ۋاقىتقا دەيىن ميلليون قازاقتىڭ وتانىنا ورالۋىنا جاعداي جاسادى. تاۋەلسىز مەملەكەتتىڭ جاڭا استاناسىن سالىپ, قازاقتىڭ تابانىنا جەتىمسىرەپ وتىرعان سولتۇستىك ءوڭىردىڭ مارتەبەسىن كوتەردى. «؛بولاشاق»؛ ستيپەندياسىن تاعايىنداپ, مىڭداعان قاراكوزدىڭ شەتەلدەن ءبىلىم الۋىنا مۇمكىندىك بەردى. بۇل ايتىپ وتىرعاندارىمىز, نۇرسۇلتان ءابىشۇلىنىڭ جەكە باسىنا ءتان ليدەرلىك قارىم-قابىلەتىنىڭ كورىنىسى. ال نارىقتىق ەكونوميكانى جولعا قويىپ, حالىقتىڭ ءال-اۋقاتىنىڭ ارتۋىنا جول اشۋى, كوڭىلگە ورنىققان «؛كوپۇلتتى»؛ جۇرتتىڭ بىرلىگىن ساقتاۋى, مەكتەپ سالىپ, اۋرۋحانا كوبەيتۋى &ndash؛ ول كەز كەلگەن ەل باسشىسىنىڭ اتقارۋعا ءتيىستى مىندەتى. ونى دا قال-قادىرىنشە قالىپتاستىرىپ ۇلگەردى. ؛ سونىڭ ارقاسىندا اسىپ-تاسىعان كۇپىرشىلىگى باسىم ازداعان وليگارح پەن قارىنىنىڭ تويعانىنا ءماز شۇكىرشىلىگى باسىم كوپشىلىك پايدا بولدى. مۇندايدى جولىن تاۋىپ, ەڭبەگىن ساتا العاندار باي بولاتىن, اۋىزى اشىلىپ, ەبىن تاپپاعاندار ەڭىرەپ قالاتىن ەسەپتى قوعام دەپ اتاۋعا دا بولادى. بىلاي قاراساڭ, ءبارى كەرەمەت! ال سول قورعانسىز جۇرت پەن كوزى اشىق كوپ نە ءۇشىن رەنجۋلى؟ نە ءبۇلىندى؟ نە جەتپەي جاتىر؟

نازارباەۆ بيلىگىندەگى سىزداۋىقتىڭ سىرى نەدە؟

سىزداۋىق دەگەن اۋرۋ بار. ونى شيقان دەپ تە اتايدى. دەر كەزىندە ەمدەمەسە كوپ جەرگە تارالىپ, ۋاقىتى جەتكەندە جارىلادى, قاندى ءىرىڭ اعادى... قازاقتىڭ قازىرگى كۇيى سول. سىزداۋىقتاي سىزداپ تۇر. ەڭ ۇلكەن تراگەديا &ndash؛ ۇلت بىرلىگى, ۇلتتىق يدەولوگيا ۇعىمدارىنىڭ ماقسات-مۇراتسىز ساپىرىلىسۋى. شىن مانىندە وسى ۇعىمدار عانا مەملەكەتتى, ۇلتتى كەز كەلگەن قيىن-قىسپاقتان الىپ شىعاتىن تەمىرقازىق ەدى. ال قايتا ورالعان ءدىن قازاقتىڭ جۇرەگىن سيىردىڭ بۇيرەگىندەي ەتىپ بولشەكتەدى. سالافيتتەر, ءداستۇرلى دىندەگىلەر, سوپىلار, تاڭىرشىلدەر... ت.ب كوزگە ايقىن كورىنە بەرمەيتىن, ءبىراق ەشقانداي ىمىراعا كەلمەيتىن ىرىلداسقان توپتار قالىپتاستى. قايتا ورالعان ءتىل مارتەبەسىن تاپقانىمەن, ءمانىن تابا المادى. مەملەكەت مەملەكەتقۇرۋشى ۇلتتىڭ تىلىندە سويلەمەگەندىكتەن, جاپپاي نارازىلىق كوڭىل-كۇي بارلىق ءقازاقتىلدى قاۋىمنىڭ اشۋ-ىزاسىن تۋدىرىپ وتىر. قازاق ءتىلىن بىلمەسەڭ دە كەز كەلگەن كرەسلوعا لايىقسىڭ! ال ورىس ءتىلىن بىلمەسەڭ, وندا بيلىكتىڭ تابالدىرىعىنان اتتاتپايدى! قالتاعا تۇسكەن قاراجات تا سول, باي مەن كەدەيدىڭ اراسىن اسپان مەن جەردەي الىستاتتى. باسقاسىن ايتپاعاندا وسى فاكتىلەردىڭ ءوزى «؛قولىنا زاكون قۋاتى تيسە»؛, ءدۇرداراز دوپ ءبىر-بىرىن اياۋسىز جانىشتايتىنداي ايار جاعدايعا اكەلدى. 30 جىل بويى بيلىك ءۇشىن ەل تىنىشتىعىن ساقتاۋ &ndash؛ قازاقتى ىشتەي ءىرىتىپ, باس كوتەرگەننىڭ باسىن قاعىپ, اۋىز اشقاننىڭ قولىنا كىسەن سالىپ, تۇرمەگە توعىتۋمەن, بىر-بىرىنە «؛جاۋ پيعىل»؛ قالىپتاستىرۋ جولىمەن ءجۇردى. ناتيجەسىندە ءدىني توپتاردان باسقا جۇرت كىمگە سەنىپ, كىمنىڭ ءسوزىن تىڭدارىن بىلمەيتىن «؛باسسىز»؛ كۇيدە. «؛ەلى سۇيگەن, ەلىن سۇيگەن»؛ كوپ جاقسىنىڭ ءبىرازى &ndash؛ تۇرمەدە. «؛ەركىندىكتى»؛ تاڭداپ, ەل ورتاسىندا جۇرگەندەرى بيلىكتىڭ لاس ساياساتىمەن ءبىرى «؛ساتقىن»؛, ءبىرى «؛شپيون»؛ اتانىپ, بەدەلى بەس تيىنعا تۇرمايتىن «؛ارزان ادامدارعا»؛ اينالدى. ەسەسىنە ەلدىڭ قارىنى توق, كويلەگى كوك, مەملەكەتىمىز باي دەيتىندەر بار. ەندى سوعان توقتالايىق.

ميلليونداردىڭ قايعىسى &ndash؛ «؛ميللياردتار»؛

2018 جىلعى مالىمەتتەر بويىنشا قازاقستاننىڭ سىرتقى قارىزى 164 ميلليارد دوللار. ال حالىقتىڭ ءوزى قازاقستانداعى قارجى ۇيىمدارىنا 15 ميلليارد دوللاردان (6 تريلليون تەڭگە) استام قارىز. يبرگايموۆ, ماشكەۆيچ, شوديەۆ, تيمۋر, دينارا قۇلىباەۆتار, بايسەيىتوۆ, سۇبحانبەردين, كيم, وتەمۇراتوۆ باستاعان قازاقستاننىڭ ەسەبىندەگى ميللياردەرلەردىڭ بايلىعى 2019 جىلعى مالىمەتكە سايكەس 10 ميلليارد دوللاردان اسادى. «؛بايدىڭ اسىن بايعۇس قىزعانىپتى»؛ دەپ قازاقتىڭ ءوزى جاقتىرماي ايتادى. دەگەنمەن ابايدىڭ قيسىنىمەن بۇل ماقالدىڭ دا كۇنى وتكەن سياقتى. ويتكەنى حالىق وسى بايلاردىڭ ەسەبىنەن بايعۇس بولىپ, ال بايلار وسى بايعۇستاردىڭ ەسەبىنەن باي بولىپ وتىرعانى كوزىقاراقتى جۇرتقا ايدان انىق. ەگەر قانداي دا ءبىر «؛apple»؛, «؛samsung»؛, «؛toyota»؛ سياقتى ءوندىرىستىڭ ەسەبىنەن بايىپ, تىم قۇرىسا «؛facebook»؛ سياقتى الەۋمەتتىك جەلىنىڭ اسەرىمەن قالتاسى قامپايىپ وتىرسا ءسوز بولەك. ال بايلىقتىڭ قاينارى &ndash؛ اتام زاماننان قازاقتىڭ اتا-باباسى قورعاپ كەلگەن جەردىڭ, كەننىڭ, مۇنايدىڭ, قازىرگى ۇرپاعى اسىراپ وتىرعان «؛بانكتىڭ»؛ ەسەبىنەن بولسا شە؟ وكىنىشكە قاراي, ءدال سولاي بولىپ تۇر! حالىق ءوز مۇنايىن وزگەدەن ساتىپ الىپ, بار اقشاسىن سوعان شاشىپ وتىرعانىن قايتەرسىڭ؟!

«؛بايدىڭ»؛ كوپ بولعانى, «؛بايعۇستىڭ»؛ از بولعانى بارىنە جاقسى

قازاق بارعا قاناعات, جوققا سالاۋات ايتاتىن حالىق. ميلليون جۇرتتىڭ سونشا ميللياردەردى «؛قۇشاعىنا»؛ سىيدىرىپ وتىرعانى دا سوندىقتان. اققۋ كوككە, شورتان كولگە تارتقان الماعايىپ جىلداردا باعى جانىپ, باسىپ قالعان بولار... بيلىكتى ۇستاۋعا, تاۋەلسىزدىكتى قورعاۋعا كەرەك بولعان شىعار... ايتەۋىر كەڭپەيىل قۇداي قانداي دا ءبىر سەبەپپەن سولارعا بەرگەندى قۇپ كوردى عوي.. قانشا جەردەن قانى قارايىپ, كوزى بۇلدىراسا دا قاراپايىم حالىق 30 جىل بويى وسىنداي ۋاجدەرمەن ءوزىن ءوزى «؛الداپ»؛ كەلدى. ءبىراق بۇل الداۋ ەندى جاقسىلىققا اكەلمەيدى. «؛كەدەي باي بولسام دەيتىن, باي قۇداي بولسام دەيتىن»؛ پيعىل ەندى ەشقانداي جاسىرۋعا كەلمەيتىن كۇنگە جەتتى. جوعى تۇگەندەلمەي «؛جانى جارالانعان»؛ قازاق ەندى اناۋ-مىناۋعا ىرىق بەرمەيتىنىن ناقتى كورسەتتى. ەل بۇرىن «؛قارا قىتاي قاپتاسا, سارى ورىس اكەڭدەي كورىنەر»؛ دەپ بولاشاقتى بولجاپ ايتسا, ءقازىر سونى كوزىمەن كورىپ وتىر. كومپانيالارىمەن بىرگە قىتايدىڭ ءوزى دە قاپتادى. حانزۋلارمەن قانشا كەلىسىمشارتتىڭ بولىپ جاتقانىنان بىلايعى جۇرت بەيحابار. شىڭجاڭداعى قانداستارىمىزعا ىستەپ جاتقان قىتاي بيلىگىنىڭ قيتۇرقى ساياساتىن اتتانداعان ايقايمەن ەمەس, ورتاداعى ارىپتەستىك كەلىسىمدەرمەن-اق رەتتەۋگە ابدەن بولار ەدى. «؛اۋزىندا تالقانى بار وتىر دەي المايدى»؛ دەپ, كورشىمەن كەرەمەت سىيلاستىق, ستراتەگيالىق ارىپتەستىكتىڭ دە بەتپەردەسى اشىلدى.  ؛ال ورىسپەن اراداعى ەۋرازيالىق ەكونوميكالىق وداقتىڭ ەل ەكونوميكاسىن وتقا سۇيرەپ بارا جاتقانى باسقا ەمەس, ەڭ الدىمەن بيزنەسپەن اينالىسىپ وتىرعان كاسىپكەر اعايىننىڭ تىنىسىن تارىلتتى. اينالاسىنا نان تاۋىپ بەرىپ وتىرعان ىسكەر ازاماتتاردىڭ تىنىسى تارىلسا, قوس قولىمەن ءناپاقاسىن تاۋىپ جۇرگەن جۇرت تۇنشىعىپ ولۋگە تايادى. ايتەۋىر قازاقستاندا قازاقتان باسقا ۇلتتىڭ ۇپايى تۇگەل. ؛ مۇنىڭ ءبارىن حالىق بۇرىن «؛قورقىپ»؛ قانا ايتاتىن بولسا, ءقازىر كەكتەنىپ ارەكەت جاساۋعا دايىن. سول ارەكەتتىڭ ءبىر كورىنىسى &ndash؛ ءار جەردە بولىپ جاتقان حالىق تولقۋلارى, ميتينگىلەر...

ميتينگىنىڭ سەبەپشىسى &ndash؛ ءابليازوۆ ەمەس,  ؛پارلامەنت

ميتينگ &ndash؛ الەمدەگى بارلىق وركەنيەتتى ەلدەردە حالىقتىڭ مەملەكەت بيلىگىنە نارازىلىعىن جەتكىزەتىن ءبىر ادىسىنە اينالعان. ال ونىڭ قازاقستانداعى اتاۋى &ndash؛ بۇلىك. ناقتىلاپ ايتقاندا, بيلىكتىڭ كوزىمەن ء«؛ابليازوۆتىڭ ايتاعىمەن الاڭعا شىققان اقىماق حالىقتىڭ ارەكەتى»؛. ەلدىڭ كۇشتىك قۇرىلىمدارى ءقازىر تەك ميتينگىنى باسىپ, جانىشتاۋدى عانا ادەتكە اينالدىردى. قيت ەتسە, ينتەرنەتتى توقتاتىپ, الەۋمەتتىك جەلىنى بۇعاتتاۋ &ndash؛ ماسەلەنى شەشپەك تۇگىلى بارعان سايىن ۋشىقتىرا تۇسەدى. ەلدى قورعاۋعا ءتيىس ؛ پوليسيانىڭ قىزمەتى «؛ەلدەن قورعانۋعا»؛ اۋىستى. تۇتقىندالعان باسقا ەمەس ءوز قازاعى, تۇتقىنداعان باسقا ەمەس &ndash؛ ءوز قازاعى. قازاق قازاققا جاۋشا شاۋىپ وتىر.. سونداي الاساپىراندا «؛يت جوقتا شوشقا ۇرەدى قوراعا, بي جوقتا قۇل جۇرەدى جوراعا»؛ دەپ, كىم كورىنگەن «؛كوسەم»؛. ەڭ وكىنىشتىسى, ءبىر اۋىز جىلى سوزگە ءزارۋ بولعان قاراشا جۇرت ولارعا دا «؛بارەكەلدى»؛ دەمەسكە شاراسى جوق. «؛حالىق ءابليازوۆتىڭ ايتقانىنا كونە كەتەتىن سونشا اقىماق پا؟ الاڭعا شىعىپ, نە ايتقىسى كەلەدى؟ وسىنشا نارازىلىقتىڭ ءتۇپ تامىرى نەدە؟»؛ بۇل سۇراقتاردىڭ جاۋابىن تاۋىپ, شەشىمىن جاساۋ قازىرگە قازاق بيلىگىنىڭ ماڭدايىنا جازباي تۇر. احمەت بايتۇرسىنوۆتىڭ ءسوزىن پايدالانىپ, «؛پارلامەنت &ndash؛ حالىقتىڭ كوزى, قۇلاعى ءھام ءتىلى»؛ دەپ ايتساق, ارتىق بولماس. شىن مانىندە باستى مىندەتى زاڭ شىعارۋ مەن بيلىكتىڭ قىزمەتىن باقىلاۋ بولىپ سانالاتىن پارلامەنتتىڭ ەڭ ءبىرىنشى ميسسياسى &ndash؛ مەملەكەتتىڭ ءاربىر ءىس ارەكەتىنە حالىقتىڭ كوزىمەن قاراپ, حالىقتىڭ قۇلاعىمەن تىڭداپ, حالىقتىڭ تىلىمەن دات ايتۋ بولۋى كەرەك! ال قازاقتىڭ پارلامەنتى وسى ميسسياسىن اتقارىپ وتىر ما؟ اتقارسا, حالىق شىرىلداپ نەگە كوشەدە ءجۇر؟ الاشتىڭ مۇڭ-زارى پارلامەنت مىنبەرىندە ەمەس, نەگە الاڭدا ايتىلۋى كەرەك؟ «؛اقوردا ايتسا بولدى, ۇكىمەت ايتسا كوندى»؛ بولىپ وتىرعان پارلامەنتتى كىم جونگە سالادى؟

اقورداعا بەتىمەن بەرىلگەن شەنەۋنىك حالىققا ارتىمەن قارايدى

قالىپتاسقان «؛قارابەت»؛ ادەتتىڭ ءبىرى &ndash؛ قازاق شەنەۋنىكتەرى ءوزىن اقوردانىڭ قىزمەتكەرى, حالىقتىڭ قوجاسى سەزىنەدى. «؛سەندەرگە سول دا جەتەدى»؛ دەيتىن ۇعىم بۇگىنگى بيلىك وكىلدەرىنىڭ قاتىپ قالعان قاعيداسى. قازاق ايتقان, قازاق ىستەگەن, قازاق جاساعان كوپ دۇنيەگە «؛اۋىزىڭدى اشپاي, ازعا قاناعات قىل»؛ دەيتىن يتكە سۇيەك لاقتىرعانداي قوجايىندىق مىنەز بار. راس. جۇرت بولعان سوڭ ساقالىن ساتقان كارى بار, ەڭبەگىن ساتقان جاسى بار... ءبىراز جۇرتتىڭ ءال-اۋقاتى ايتارلىقتاي جاقسى. ءبىراق ءبىزدىڭ قازاق 7 اتاسىن عانا تۇگەندەمەيدى, 7 ۇرپاعىنىڭ قامىن ويلايتىن ۇلت. بۇگىنگى توقتىق, ەرتەڭگە ۇرپاققا «؛جوقتىق»؛ اكەلسە, تاريحتىڭ بەتى, اللانىڭ سوتى تارازىعا سالاتىنىن ەشقاشان ۇمىتپايدى. ءيا, شەنەۋنىكتەردە &ndash؛ قازاقتىڭ ءوز بالاسى. ىشىندە الاسى بار, قۇلاسى بار. دەگەنمەن ۇلتتىڭ ءسوزىن سويلەگەن بولىپ ءجۇرىپ, بيلىك باسپالداعىنا ىلىنگەن, سىرت كوزگە قازاقتىڭ قايعى-مۇڭىن قولىندا زاكون قۋاتى بارلارعا جەتكىزۋشى بولىپ كورىنىپ جۇرگەندەر دە بار. ؛ ال سولاردىڭ ساۋداعا سالىپ جۇرگەنى قازاقتى قالاي ىدىراتۋدىڭ, اۋزىنا قاقپاق قويۋدىڭ جولىن ۇيرەتۋ بولسا شە؟ ونداي «؛ىشتەن شىققان شۇبار جىلاندار»؛ ەشكىمگە جاقسىلىق اكەلمەيدى. ەسەسىنە بيلىككە حالىق قالاۋىن تىڭداتا السا, ايتقانىن ورىنداتا السا, وندا «؛ەلشىبەكتەردىڭ»؛ ەڭبەگىنىڭ جانعانى, اسىنىڭ ادال بولعانى... وسى جولعى سايلاۋدىڭ «؛سايقالدىعىن»؛ كورگەن كوزى اشىق ەل سونداي «؛ەلشىبەكتەردىڭ»؛ سەنارييىن تانىپ, ءبىلىپ وتىر.

«؛قۇنانباي ءسوزى»؛ جانە «؛بوساعا پرەزيدەنت»؛

ەلدىڭ اۋىزىندا «؛قۇنانباي ايتىپتى»؛ دەيتىن بىرنەشە ۇلاعاتتى اڭگىمە بار. سونىڭ ءبىرى &ndash؛ قۇنانبايدىڭ ابايعا ايتقان ءسوزى. جۇرتتىڭ ەرەكشە ىقىلاسىن بايقاپ, وزىنشە «؛بولدىم-تولدىم»؛ دەگەن اباي بىردە اكەسىنە: - «؛اكە, مەن سىزدەن اسقان شىعارمىن»؛, - دەپتى. سوندا قۇنانباي: - «؛بالام مەنەن اسام دەسەڭ, وزىڭنەن اساتىن ۇل تۋدىر»؛, - دەگەن ەكەن. قۇنەكەڭنىڭ سول ءسوزىن قارا ورمان قازاق 30 جىل توبەسىنە كوتەرگەن نازارباەۆقا ايتقىسى كەلەدى. ەگەر نۇرسۇلتان ءابىشۇلى جۇرت ماقتاعانداي, وزىنە كوڭىلى تولعانداي, بۇگىن عانا ەمەس, ەرتەڭگى ۇرپاق تا «؛ۇلت كوشباسشىسى»؛ دەپ شىن مويىندايتىنداي كەرەمەت ەلباسى بولسا نەمەسە ءسىز «؛قازاقتىڭ قايعىسىن سەيىلتەم»؛ دەگەن كەرەمەت پرەزيدەنت بولساڭىز, وندا ەل-جۇرتقا ءابىشۇلىنان ارتىق قىزمەت ەتۋگە, ادال ەڭبەكپەن اسىپ تۇسۋگە ءتيىستىسىز. ويتكەنى قازاقستان دەيتىن قارا شاڭىراق ءۇشىن ءسىز ءقازىر بوساعاسىز, بوساعادا تۇرسىز. شاڭىراق شايقالماۋ ءۇشىن ەڭ الدىمەن بوساعا مىقتى بولۋى كەرەك. ەسىكتەن جاقسىلىق كىرىپ, جاماندىق شىقسا, 30 جىل قوردالانعان ماسەلەلەر اقىرىنداپ قوقىسقا لاقتىرىلسا, ەسىكتىڭ سىرتىندا قالعان ەل ءۇمىتى تورگە وزسا, وندا «؛بوساعانىڭ»؛ مىقتى بولعانى! سونشا جىل كەرەگە مەن ۋىق بولىپ كەلگەن حالىق شاڭىراقتىڭ شايقالماۋى ءۇشىن ءالى دە بەكەم بولۋعا دايىن. كەرىسىنشە ىشتەگى ءىرىڭ مەن سىرتتاعى سىزداۋىق قيناعانىن قويماسا, وندا «؛بوساعانى»؛ ءوز قولدارىمەن اۋىستىرۋعا دا دايىن.

بۇل حات - ءسىز ايتقان «؛ديالوگتىڭ»؛ باستاۋى

30 جىل قوردالانعان «؛مىڭ قايعىنى»؛ &ndash؛ ءبىر حاتتىڭ جۇگى كوتەرمەيدى. سول ءۇشىن قاداۋ-قاداۋ ويلاردى عانا قاۋزاپ وتىرمىن. بۇل جازعاندارىم بۇكىل حالىقتىڭ اتىنان سويلەگەنىم ەمەس, حالىقتىڭ ءبىر وكىلى, ەلمەن قاتار ازدى-كەم جۇمىس جاساعان اقپارات اگەنتتىگىنىڭ جەتەكشىسى رەتىندە ءوز بىلگەن-تۇيگەندەرىمدى نازارىڭىزعا ۇسىنۋ. «؛نارازى توپپەن اشىق ديالوگ ورناتۋعا دايىنمىن»؛ دەگەن ءسوزىڭىز وسى حاتتى جازۋعا تۇرتكى بولدى. ەگەر التىن ۋاقىتىڭىزدى قيىپ وقىپ جاتساڭىز, پاراسات-پايىمىڭىزبەن جاۋاپ بەرىپ جاتساڭىز تەك مەن ءۇشىن ەمەس, ەل ءۇشىن قۋاناتىن قادام. ال «؛ديالوگقا دايىن ەمەسپىن»؛, «؛جاستىڭ داتىنا جاۋاپ بەرەر ۋاقىتىم جوق»؛ دەپ جاتساڭىز وعان دا ماقۇل. ءوز ءسوزىم &ndash؛ وزىمدىكى. باستىسى - باباسىنىڭ وسيەتىن, قانىنىڭ قاسيەتىن جوعالتپاعان قازاق ەڭ ۇلى قۇندىلىعى «؛تاۋەلسىزدىكتەن»؛ ايىرىلىپ قالعىسى كەلمەيدى. سول «؛تاۋەلسىزدىكتىڭ»؛ باس ءجىبىن اللانىڭ قالاۋى, الاشتىڭ تاڭداۋى سىزگە بەرىپ وتىر. ەندەشە, اداسپاس جول, انىق باعدار كورسەتىپ, اشىق قوعام قۇرۋ &ndash؛ ءسىزدىڭ قولىڭىزدا! ؛ قىزمەتىڭىزگە ساتتىلىك!

قۇرمەتپەن, «؛قامشى»؛ اقپارات اگەنتتىگىنىڭ جەتەكشىسى ءبىلال قۋانىش

 ؛

 ؛