مارزيا بەكايدار: 14 جاسىمنان ايەل باقىتىنىڭ كىلتىن ىزدەدىم

مارزيا بەكايدار: «؛وتباسى قۇندىلىعى, شاڭىراق بەرىكتىگى, جانۇياداعى ەر مەن ايەلدىڭ ورنى &ndash؛ ءوز ماڭىزدىلىعىن جويماعان تاقىرىپتاردىڭ ءبىرى بولىپ قالا بەرمەك»؛, - دەيدى. تابيعاتىنان جاراتىلىسى نازىك ايەل زاتىنىڭ وتباسىداعى ورنى شىن مانىندە ەرەكشە. بالا كۇتىمى, ەر ازاماتىنىڭ جۇرەگىنە جول تابۋ, اتا-ەنەنىڭ كوڭىلىنەن شىعۋ, ءوز اتا-اناسىنا قارايلاسۋ, قوناق كۇتۋ, ءوز كاسىبىن دوڭگەلەتۋ &ndash؛ بارلىعى ايەل زاتىنىڭ ءبىر-اق كۇندە اتقاراتىن شارۋاسى. ءىسىن دوڭگەلەتە شارۋالاردىڭ ورتاسىندا ءجۇرىپ ءوز-وزىن كۇتىپ, ءوزىن ادەمى قالپىندا ساقتاي ءبىلۋ دە تەك ايەل ادامنىڭ عانا قولىنان كەلەتىن ىسپەتتى. وسى سىندا تاۋسىلماس تاقىرىپتارعا ارقاۋ بولعان ايەلدىڭ قوعامداعى ورنىن تىزبەكتەي بەرۋگە بولادى. qamshy.kz اقپارات اگەنتتىگى دە ايەلدەرگە ارناپ كەڭەس بەرىپ, تالاي نازىك جاننىڭ وتباسىنا بەرەكە سىيلاپ جۇرگەن پسيحولوگ مارزيا بەكايداردىڭ «؛ايەل جولى»؛ اتتى سەمينارىنا قاتىسقان ەدىك.

اربىر ايەل ادامنىڭ ىشكى جان دۇنيەسىندە كىشكەنتاي قىز ءومىر سۇرەدى, - دەيدى مارزيا بەكايدار. سول كىشكەنتاي قىز اينالاسىنداعى ادامداردىڭ جىلۋلىعى مەن ماحابباتىنا ءزارۋ. كىشكەنتاي كەزىنەن وتباسىندا ماحابباتقا بولەنىپ, ەركىن وسكەن ادام ەسەيگەندە ءوزىنىڭ قوعامدا ايتارلىقتاي ورنى بار ەكەنىن تولىق سەزىنە الادى. وز-وزىنە سەنىمدى بولادى. سول سەبەپتى جانۇيادا جىلۋلىق بولۋ كەرەك.

اكەمنىڭ سوزدەرى كۇش سىيلايدى

بىزدىڭ وزىمىزگە سەنىمدى بولىپ وسۋىمىزگە اكەمنىڭ ىقپالى كۇشتى بولدى. باسىمىزدا ءبىر جاعداي بولا قالسا, بىزبەن ۇزاق ۋاقىت اڭگىمەلەسەدى. اڭگىمە كەم دەگەندە ءۇش ساعاتقا سوزىلادى. ءالى كۇنگە دەيىن سولاي. ءبىز جاقسىلاپ جايعاسىپ, ەركىن اڭگىمە-دۇكەن قۇرامىز. مەنىڭ ساباق ۇلگەرىمىم ناشارلاپ كەتكەن كەزدە دە اقىلىن ايتىپ, ساباعىمدى تۇزەۋگە قايراعان ادام دا سول كىسى. مەن ءومىر بويى وقىپ كەلە جاتىرمىن. كەيدە جالقاۋلىعىم ۇستاسا اكەمنىڭ ايتقان سوزدەرىمەن وزىمە كۇش جيناپ الامىن. اكەمنىڭ ايتقان اقىلدارى مەن ءۇشىن ومىرلىك ساباق. ءبىزدى كىشكەنتاي كەزىمىزدەن ەركىن ءوسىردى. ايتقىمىز كەلگەنىن ايتاتىنبىز, ىستەگىمىز كەلگەندى ىستەيتىنبىز. ياعني, اتا-انامىز بىزگە بارىنە رۇقسات بەردى. ەركىن ءوسۋ دەگەن بارىنە بىردەي رۇقسات ەتىلەدى دەگەن ءسوز ەمەس. ءبىزدى دە تاربيەلەدى, ءبىراق تاڭداۋ قۇقىعىن وزىمىزگە بەردى. مەن 20 جاسىمدا تۇرمىس قۇردىم. كۇيەۋىم وزىمەن 10 جاسقا ۇلكەن. ارى قاراي مەنى كۇيەۋىم تاربيەلەدى. اكەسىنىڭ ەركە قىزىنان بىردەن اقىلدى ايەلگە اينالۋ وڭاي بولعان جوق. اللاعا شۇكىر ءقازىر 3 بالامىز بار.

14 جاسىمنان باستاپ اقىل-كەڭەس بەرەتىنمىن

مەن ادامدارعا كومەكتەسكەندى جاقسى كورەمىن. وزگەلەرىڭ ىشكى سىرلارىن تىڭداپ, ولارعا بىلگەن اقىل-كەڭەسىمدى ايتقىم كەلەدى. 14 جاسىمنان باستاپ اقىل-كەڭەسىمدى ايتاتىنمىن. دوستارىم, اپكە-سىڭلىلەرىم, اپكەلەرىمنىڭ قۇربىلارى, قۇربىلارىمنىڭ قۇربىلارى مەنەن اقىل سۇراپ كەلەتىن. سوندا مەنىڭ جاسىم 14-تە, ولار 25-26 جاستا بولاتىن. وتباسى قۇندىلىقتارى مەن قىز بەن جىگىتتىڭ قارىم-قاتىناسى جايلى تاقىرىپتاردا سويلەسەتىنبىز. باسىندا قورقىنىش سەزىمى بولدى. جاسىم كىشكەنتاي, ءوزىم تۇرمىس قۇرماسام دا وتباسى ماسەلەلەرىن شەشكەندى ۇناتاتىنمىن. مەنىڭ ايتقان كەڭەستەرىم ولارعا شىن مانىندە كومەكتەسە باستادى. ولاردى وتىرعىزىپ قويىپ سويلەسەتىنمىن, بارلىعىن تۇسىندىرەتىنمىن. قۇربىلارىممەن جينالعاندا كوبىنە مەن سويلەيتىنمىن. ارتى شاعىن سەمينارعا ۇلاساتىن. قۇربىلارىم تۇرمىس قۇرسا بولدى مەنەن كەڭەس سۇرايتىنىن بىردەن سەزەتىنمىن. ؛

مىقتى ايەل قانداي بولادى؟

اللانىڭ قۇدىرەتىندە شەك جوق. ول تابيعاتتىڭ زاڭدىلىعىن بىر-بىرىنە باعىنىشتى ەتىپ جاراتقان. بۇل ومىردە ءاربىر جاراتىلىستىڭ ءوز ورنى, ءوز قىزمەتى بار. ءقازىر xxi عاسىردىڭ ايەلدەرى وتە بەلسەندى. سول دا سەبەپ بولسا كەرەك, اجىراسۋ سانى دا ارتىپ كەلەدى. اجىراسۋ جونىنەن ءبىز الەم بويىنشا 10-شى ورىندا تۇرعان مەملەكەتپىز. بۇل وتە وكىنىشتى جاعداي. ءاربىر ونىنشى وتباسى اجىراسىپ جاتىر. وتباسىندا قانداي جاعداي بولماسىن ەڭ ءبىرىنشى ايەل ادامعا بايلانىستى. ءبىز ايەل ادامدار وتباسىندا كوبىندە اتا-انانىڭ رولىنە كىرىپ الامىز. اقىل ايتىپ, اقىلدى بولىپ كورىنگىمىز كەلەدى. سوسىن «؛ايەل زاتى مىقتى كەلەدى»؛ دەگەندى ءجيى ەستيمىز. بۇل شىندىق... ءبىراق ايەلدىڭ مىقتىلىعى جيىرما كەلىلىك ازىق-تۇلىكتى جالعىز ءوزى كوتەرگەنمەن ولشەنبەيدى, ايەلدىڭ مىقتىلىعى كۇيەۋىنەن قالاعانىنا قول جەتكىزگەن كەزدە بايقالادى. مىقتى ايەل &ndash؛ ءوزىنىڭ ىس-ارەكەتىنىڭ 100% دۇرىس ەكەنىن بىلە تۇرا, ۇندەمەي قالۋعا تىرىسادى. مىقتى ايەل &ndash؛ ەرىنىڭ قولىنان كەلمەي تۇرعان ءىستى ءوزى وڭاي ىستەي السا دا, ؛ ەر ازاماتىنىڭ ىستەۋىنە مۇمكىندىك بەرەدى. مىقتى ايەل &ndash؛ ەرىنىڭ جاقسىلىعىن اسىرىپ, جاماندىعىن جاسىرادى. مىقتى ايەل &ndash؛ ەرى وزىنەن از اقشا تاپسا دا, تابىسىن ماقتاپ, قولداۋ بىلدىرەدى. مىقتى ايەل &ndash؛ ءوزى قينالىپ تۇرسا دا, «؛بىزدە ءبارى جاقسى بولادى, مەن سەنەمىن»؛ دەپ قولداۋ بىلدىرۋگە كۇش تابادى.

ال ەر-ازاماتتىڭ رازىلىعى دەگەن نە؟ ونىڭ ايەل ادامنىڭ رازىلىعىنان ايىرماشىلىعى كوپ. ەر ادامنىڭ رازىلىعى &ndash؛ شەكسىز. ەگەر ايەل ادام ەرىنىڭ رازىلىعىن السا, ول بارلىعىنا قول جەتكىزەدى دەگەن ءسوز. ايەل باقىتتى بولادى, قادىر-قاسيەتى ارتادى. سول سەبەپتى مەن ءاربىر نازىك جاندى ايەلدىڭ ەرىنىڭ رازىلىعىنا بولەنگەنىن قالايمىن.

بارلىعى ۋاقىتشا

سىز ومىردە بارلىق ءىستىڭ باسى مەن اياعى بار ەكەنى تۋرالى ويلاندىڭىزدار ما؟ يا, بارلىعىمىز سانامىزبەن سولاي ەكەنىن سەزىنەمىز, ءبىراق جۇرەگىمىزگە ءالى جەتكەن جوق. بارلىعى وتكىنشى... ءبىزدىڭ ءومىرىمىز دە الما-كەزەك. 365 كۇننىڭ 24 ساعاتىندا تەك كۇن جارقىراپ تۇرادى, اۋا-رايى تاماشا بولىپ, اسپان شايداي اشىلىپ تۇرمايدى. ونىڭ دا قارى, جاڭبىرى, جەلى, بورانى بار. ءبىزدىڭ ءومىرىمىز دە سولاي. ؛ ءاردايىم كۇن اشىق بولعانىن قالايتىن ادام, جاڭبىردىڭ كەرەمەتىن ۇعۋدىڭ, جەلدىڭ باعىتىن سەزىنە ءبىلۋدىڭ ورنىنا بارلىق كۇش-جىگەرىن تەك قانا كۇننىڭ اشىق بولۋىنا جۇمسايدى. ولاي بولا بەرمەيدى عوي. سول كەزدە ادامنىڭ ساعى سىنىپ, ومىردە جولىم بولمايدى, بارلىعى جامان دەگەن وي تۇيەدى. الايدا بارلىعى ۋاقىتشا. ادامداردىڭ ارا-قاتىناسى دا سونداي. كوپشىلىگى اپتاسىنا 7 كۇن, تاۋلىگىنە 24 ساعات جاقسى كورۋگە, ۇناتۋعا تىرىسادى. وعان تىرىسپاۋ كەرەك. ەگەر ولاي ەتسەڭىز كوڭىلىڭىز قالۋى ابدەن مۇمكىن. اللا ءار ءىستىڭ قايىرىن بەرەدى. سەنىم ارتىپ ۇيرەنىڭىز. ءبىزدىڭ ومىرىمىزدە ورىن الىپ جاتقان جاعدايدىڭ بارلىعى ءدال قازىرگى ساتتە ءسىز ءۇشىن ەڭ قايىرلىسى. ويتكەنى اللانىڭ امىرىنە ەشكىم قارسى كەلە المايدى.

جانىڭدا ءجۇر جاقسى ادام

وزىڭىزگە جاقىن 5 ادامدى اتاپ بەرە الاسىز با؟ ەگەر سول جانىڭىزداعى ؛ ادامدار وتە جاقسى بولسا, وندا ءسىزدىڭ ىشكى جان دۇنيەڭىزدىڭ جاقسى بولعانى. ال سول 5 ادامعا كوڭىلىڭىز تولماسا, وندا ءوزىڭىزدى وزگەرتىڭىز. ءار ادامنىڭ جاقسى جامان جاعى بار. تەك جامان نەمەسە تەك جاقسى ادام بولمايدى. ال ادامنىڭ اۋليەسى مۇلدەم جوق. ؛ كەز كەلگەن اۋليە ادامدى الىپ كەلىڭىزشى كەم دەگەندە ونىڭ بويىنان بەس كەمشىلىك تابۋعا بولادى. مىسالى, كىسى ولتىرگەن قاراقشىنىڭ دا بويىندا جاقسى قاسيەتتەرى بار. ءبىر ادامدار ءسىزدىڭ تەك قانا اشۋىڭىزدى كەلتىرسە, دەمەك ءسىز ول ادامنىڭ بويىنان تەك سول اشۋ تۋدىراتىن تۇسىن عانا كورەسىز دەگەن ءسوز. ءسىزدىڭ ادام تۋرالى پىكىرىڭىز قالاي بولسا, ول سونداي بولۋعا تالپىنادى. ەگەر ەنەڭىز جامان بولسا, وندا ءسىز ساناڭىزعا سونداي باعدارلاما ورناتىپ العانسىز. ياعني ءسىزدىڭ ەنەڭىز ءسىز ءۇشىن جامان بولىپ قالادى. سوسىن, «؛ەنەم ابىسىنىما جاقسى قارادى, ماعان دەگەن نيەتى ءتۇزۋ ەمەس»؛ دەپ شىعاسىز. ادام ساناسى ارقىلى بارلىعىن وقي الادى. ءسىز ادامدى قانداي دەپ ويلاساڭىز, ول ءسىز كۇتكەندەي بولادى ءسىز مىنەزىڭىزدى وزگەرتسەڭىز, ول ادام دا وزگەرە باستايدى. اينالاڭىزداعى ادامداردى وزگەرتۋ ءۇشىن الدىمەن ساناڭىزدى وزگەرتىڭىز. سوندا جانىڭىزدا تەك جاقسى ادامدار جۇرەتىن بولادى.

تۇرمىس قۇرعاندا جۇرەك قالاۋىنا جۇگىنىڭىز

مەن قالاي ءساتتى تۇرمىسقا شىعۋعا بولادى دەگەن تاقىرىپتى قوزعاعىم كەلمەيدى. ويتكەنى ءار ادامنىڭ ءوز جولى, ءوز قالاۋى, ءوزىنىڭ پارامەترلەرى بار. مەن كۇيەۋىن ۇزاق ۋاقىت ءجۇرىپ تاڭداپ, ءمىنسىز جىگىتكە شىققان قىزداردى كوردىم. سىرتتاي باقىلاپ وتىرىپ, قانداي باقىت, قانداي جاراسىمدى جۇپ دەپ ويلايسىڭ. ءبىراق سول ءمىنسىز جىگىت ۋاقىت وتە كەلە وزگەرە باستايدى. سوسىن مەن كىمگە تۇرمىسقا شىقتىم دەپ ويلانادى. سول سەبەپتى مەن مىناداي جىگىتكە تۇرمىسقا شىعۋ كەرەك دەپ اقىل ايتپايمىن. مەنىڭ ويىمشا ايەل زاتى كىمگە تۇرمىسقا شىقسا دا, مەيلى ول ءمىنسىز ەمەس بولسىن, قارىم-قاتىناس ورناتا الاتىن بولسا تۇرمىستا باقىتتى بولادى. ول ومىردەگى ەڭ كەرەمەت جىگىتكە تۇرمىسقا شىقسا دا, ءبىراق قارىم-قاتىناس ورناتا بىلمەسە باقىتسىزدىققا ۇشىرايدى. سول سەبەپتى جۇرەك قالاۋىنا ەرىك بەرگەن دۇرىس. ارى قاراي شاڭىراقتىڭ بيىك بولۋى ءوز قولىڭدا. تەك جۇرەك قالاۋىمەن تۇرمىسقا شىققان ايەل ومىردە ءمىنسىز سەرىگىن تابادى.

ومىردە بارلىعى ءبىر اللا ءۇشىن, اللانىڭ رازىلىعى ءۇشىن جاسالسا, الىنبايتىن قامال, باعىندىرمايتىن بەلەس جوق. تەك اللانى ءسۇيۋ ارقىلى ومىرگە وزگەشە كوزقاراسپەن قارايتىن بولاسىڭ. جالقاۋلىعىڭدى جەڭۋ دە, وزىمشىلدىگىڭنەن ارىلۋ دا &ndash؛ بارلىعى ءوز قولىڭدا.

p.s. مارزيا بەكايداردىڭ قىز-كەلىنشەكتەرگە ارنالعان «؛ايەل جولى»؛ سەمينارىندا ايتىلعان ويلاردىڭ بارلىعى قىز-كەلىنشەكتەردىڭ ومىرىنە ۇلكەن ساباق بولعانىن, نازىك جاندىلاردىڭ كوزدەرىنەن اڭعارۋعا بولادى. ويتكەنى سەمينارعا كەلگەن ءاربىر ارۋ كوكەيىندە جاتقان ساۋالدارىن جولداپ, وزدەرىنە ۇتىمدى جاۋاپ الدى. ءاربىر ايەلدىڭ وتباسى باقىتى ءۇشىن جاساعان تالپىنىستارى شىندىعىندا كوڭىل قۋانتادى. سەمينار بارىسىندا تەك قانا ەر مەن ايەل قاتىناسى عانا ەمەس, اتا-انانىڭ بالالارىمەن قارىم-قاتىناسى جونىندە دە اڭگىمە ءوربىدى.

بۇل جيىندا تەك ايەل ادامداردىڭ جانىن جادىراتار شابىتتى سوزدەر عانا ايتىلعان جوق, سەميناردان تۇسكەن قاراجات مەشىت قۇرىلىسىنا, ساۋاپتى ىسكە جۇمسالدى. ء«؛بىر جاقسىلىق ىستەگەن ادام ون ەسە ساۋاپقا يە بولادى»؛ ء(6.انعام-160) دەيدى. اللا جولىندا بەرىلگەن ءناپاقانىڭ ەسەسىن اللا تولتىرادى.

دايىنداعان: مارجان سابەت