18 ماۋسىم, 2018 car news
قازاقستاندىق اۆتوكولىك نارىعىندا toyota كوش باستاپ تۇر
قازاقستاندىقتار جىل باسىنان بەرى سۋ جاڭا جەڭىل اۆتوكولىك پەن جۇك كولىكتەرىن جانە اۆتوبۋس ساتىپ الۋعا 48,2 ميلليارد تەنگە قاراجات جۇمساعان.
2018 جىلدىڭ مامىرىندا رەسپۋبليكا اۋماعىنداعى رەسمي ديلەرلەر 5263 جەڭىل اۆتوكولىك ساتقان, دەپ حابارلايدى qamshy.kz اقپارات اگەنتتىگى.
كورسەتكىش ءساۋىر ايىنا قاراعاندا 15,3 پايىزعا وسكەن.
قازاقستاندىقتار مامىر ايىندا سۋ جاڭا جەڭىل جانە جۇك كولىكتەرىن, سونىمەن قاتار اۆتوبۋس ساتىپ الۋعا 48,2 ميلليارد تەنگە قاراجات جۇمساعان. ال قاڭتار-مامىر ايلارىنداعى جەڭىل اۆتوكولىكتەردىڭ ورتاشا باعاسى 8 156 522 تەڭگەنى قۇراعان. وتكەن جىلعى مامىر ايىمەن سالىستىرعاندا بۇل كورسەتكىش 35 پايىزعا كوپ.
قازاقستاندىق اۆتوبيزنەس اسسوسياسياسىنىڭ مالىمەتىنە سۇيەنسەك, مامىر وسى جىلداعى ەڭ ناتيجەلى ءارى تابىستى اي بولىپ وتىر. رەسمي ديلەرلەر 4661 جەڭىل اۆتوكولىك, 602 بىرلىك اۋىر كوممەرسيالىق تەحنيكا ساتقان. جىل باسىنان بەرى 21 586 سۋ جاڭا تەمىر تۇلپار ءوز يەسىن تاپسا, بۇل ءدال وسى ۋاقىتتاعى وتكەن جىلعى كورسەتكىشتەن 40 پايىزعا ارتقان.
ساتىلىمى جوعارى اۆتوكولىكتەردىڭ وندىعىندا toyota كوش باستاپ تۇر. جىل باسىنان بەرى 1204, ال مامىردا 595 وسى ماركاداعى اۆتوكولىكتى سالوننان جاڭا يەلەرى الىپ كەتتى. اتالمىش ماركانىڭ ساتىلىمداعى بەلسەندىلىگى camry 70-كە سۇرانىستىڭ كوپتىگىنە بايلانىستى. ءقازىردىڭ وزىندە قازاقستاندىق نارىقتا toyota-نىڭ تاپشىلىعى بايقالادى. ساراپشىلار بۇل دەفيسيت كەم دەگەندە جازدىڭ اياعىنا دەيىن سوزىلادى دەيدى.
ساتىلىم كورسەتكىشى بويىنشا رەسەيلىك lada granta ەكىنشى ورىندا كەلەدى. بۇل ايدا 365 lada-عا جاڭا قوجايىن تابىلدى.
ال ءۇشىنشى ورىنعا hyundai accent جايعاستى. مامىردا جالپى سانى 302 hyundai accent ماركالى اۆتوكولىك ساتىلىپ كەتكەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر