دەپۋتات ماجىلىستە "؛وتباسى بانكتىڭ"؛ قۋلىعىن اشكەرەلەدى

دەپۋتات ماجىلىستە 2024 جىلى 15 اقپاننان باستاپ "وتباسى بانكى" كەڭىنەن قولدانىسقا يە ارالىق زايم شارتتارىن وزگەرتكەنىن ەسكە سالدى, دەپ حابارلايدى qamshy.kz.

"بانك مۇنى ەل ازاماتتارىن اقشا جيناۋعا, وندا دا ساۋاتتى ۇنەمگە ىنتالاندىرۋ ءۇشىن جاسالعانىن اتاپ ءوتتى. بۇل ارادا تۇتىنۋشى پاتەر قۇنىنىڭ 50%-ىن بىردەن اۋدارسا دا (دەپوزيتتەگى جيناعى بولسا دا) نەسيەنىڭ جىلدىق سىياقى مولشەرلەمەسى ءبۇتىن پاتەر قۇنىنا, ياعني 100 پايىز سوماعا ەسەپتەلەتىندەي نەسيە شارتتارى جاسالعان. سوندىقتان بۇل ارادا مىنانداي زاڭدى ساۋال تۋىندايدى: ەل ازاماتتارىنا ءوز اقشاسىن قارىزعا, وندا دا ۇستىنە پايىز قوسىپ بەرۋ, سونداي-اق پاتەر باعاسىنا بۇتىندەي بانك كوميسسياسىن ءىلۋ قانشالىقتى ادىلەتتى", دەيدى ول پرەمەر-مينيستر اتىنا جولداعان دەپۋتاتتىق ساۋالىندا.

ارينە, بانك سالىمشىلارى بۇعان نارازى. ءبىراق بانكتەن بۇل رەتتە ناقتى جاۋاپ جوق, تەك تۇتىنۋشى الدىن الا تولەگەن سوما زايمعا كەپىل رەتىندە دەپوزيتتە جاتاتىنىن ايتىپ, ءسوز بۇيداعا سالادى. ؛

"بۇل قارجىلىق ايلا-شارعى, ارينە. ءبىز ونى سولاي دەپ سانامايمىز. ءبىز نەسيە شارتتارى بويىنشا دەپوزيتكە تاعايىندالاتىن جىلدىق پايىزدىق مولشەرلەمە كولەمى نەبارى 2%-دى قۇرايتىنىن كورىپ وتىرمىز, ال مەملەكەتتىك سىيلىقاقى 200 ايلىق ەسەپتىك كورسەتكىشتەن اسپايتىن شەكتەۋلى سوماعا عانا ەسەپتەلەدى (200 اەك- 738 400 تەڭگە). دەگەنمەن 2023 جىلى قازاقستانداعى ءىرى بانكتەر اراسىندا مەنشىكتى كاپيتالدان تۇسكەن پايدا ۇلەسىنىڭ ارتۋى بويىنشا "وتباسى بانكى" كوش باستاپ تۇرعانى بەلگىلى. ءوسىم 87,9% نەمەسە 107,5 ميلليارد تەڭگەنى قۇرايدى. ءبىراق, بۇل ءوسىم قاراپايىم سالىمشىلاردىڭ جاعدايىنا ەش اسەرى جوق", دەپ ءتۇسىندىردى دەپۋتات. ؛

ول تۇتىنۋشىلاردىڭ تومەن ستاۆكادا دەپوزيتتە جيناعان اقشاسىنان بانكتىڭ ميللياردتاپ تابىس تاۋىپ, ونى ءوز قالاۋىنا قاراي  ؛پايدالانۋى ادىلەتسىزدىك دەپ سانايدى. بۇل &ndash؛ تازا مونوپوليا.

دەپۋتات دەپوزيت جانە يپوتەكالىق زاەمعا قاتىستى ءادىل باسەكەلەستىك ورناتۋ ءۇشىن ەكىنشى دەڭگەيلى بانكتەرگە ءتۇرعىنۇي جيناعى بويىنشا ليسەنزيا بەرۋ مۇمكىندىگىن قاراستىرۋدى ۇسىنادى.