قازاقستان جارتىلاي قىتايلىق كومپانيادان 2,5 ملرد تەڭگەگە مازۋت ساتىپ الدى

بيىل 14 اقپاندا ەنەرگيتكا مينيسترلىگى 2 ملرد 542 ملن تەڭگەگە مازۋت (مۇناي قالدىعىنان الىناتىن سۇيىق وتىننىڭ ءبىر ءتۇرى) ساتىپ الدى. مەملەكەتتىك ساتىپ الۋ پورتالىنداعى مالىمەتكە قاراعاندا, 15 مىڭ توننا مازۋت تاجىكستانعا گۋمانيتارلىق كومەك رەتىندە جىبەرىلمەك. مينيسترلىك مازۋتتىڭ ءار تونناسىن 170 مىڭ تەڭگەدەن تولەگەن.

اشىق كونكۋرسسىز وتكەن تەندەر

ەنەرگەتيكا مينيسترلىگى مازۋت ساتىپ الۋ ءۇشىن اشىق كونكۋرس وتكىزبەگەن, petrosun دەگەن كومپانيامەن تىكەلەي كەلىسىمشارت جاساعان. ۆەدومستۆو تەندەردى تىكەلەي ءبىر كوزدەن ساتىپ الۋ ءتاسىلى ارقىلى وتكىزۋگە ۇكىمەتتىڭ 5 اقپانداعى ءنومىرى 62-قاۋلىسى نەگىز بولدى دەپ تۇسىندىرگەن. الايدا ۇكىمەتتىڭ رەسمي سايتىندا دا, باسقا رەسمي اشىق دەرەككوزدەردە دە اتالعان قاۋلى جوق.

ساتىپ الۋ ەسەبىندە petrosun كومپانياسىن تاڭداۋعا مەملەكەتتىك ساتىپ الۋ تۋرالى زاڭنىڭ 39-بابى, 3-تارماعىنىڭ 5-تارماقشاسى سەبەپ بولعانى جازىلعان. ال ول نورمادا «؛ساياسي, ەكونوميكالىق جانە الەۋمەتتىك تۇراقتىلىققا, ادامداردىڭ ءومىرى مەن دەنساۋلىعىنا ءقاۋىپ توندىرەتىن احۋال تۋىنداعان جاعدايلاردا تەندەردى ءبىر كوزدەن وتكىزۋگە بولاتىنى»؛ جازىلعان.

ساتىپ الۋ ەسەبىنەن ەنەرگەتيكا مينيسترلىگى petrosun كومپانياسىنا عانا تەندەرگە قاتىسۋعا ۇسىنىس تاستاعانىن اڭعارۋعا بولادى. اتالعان فيرما 15 مىڭ توننا مازۋت جەتكىزىپ بەرۋگە 2 ملرد 542 ملن تەڭگە سۇراعان. بۇل تەندەرگە بيۋدجەتتەن بولىنگەن قارجى كولەمى دە 2 ملرد 542 ملن تەڭگە بولعان. ناتيجەسىندە بولىنگەن قارجى ۇنەمدەلمەستەن تولىعىمەن جۇمسالىپ وتىر.

نەگىزى تەندەردى تىكەلەي ءبىر كوزدەن ساتىپ الۋ ءتاسىلى ارقىلى وتكىزەتىن كەزدە تاپسىرىس بەرۋشى 2-3 مەردىگەرگە ۇسىنىس تاستاپ, ەڭ تومەن باعا بەرگەنىمەن كەلىسىمشارت جاسايتىن. ەنەرگەتيكا مينيسترلىگىنىڭ نەگە تەك ءبىر كومپانيادان باعا سۇراتقانى تۇسىنىكسىز.

اتى شۋلى petrosun

ميللياردتاعان تەڭگەنىڭ تەندەرىن كونكۋرسسىز العان petrosun جشس &ndash؛قازاقستاندا جانار-جاعارمايدى كوتەرمە باعادا ساۋدالايتىن ءىرى ءارى مونوپوليستىك كومپانيانىڭ ءبىرى. كومپانيا 2012 جىلى قۇرىلعان. ءقازىر اكسياسىنىڭ 49 پايىزى «؛قازمۇنايگاز»؛ ۇلتتىق كومپانياسىنا, 51 پايىزى قىتايدىڭ cnpc كومپانياسىنا تيەسىلى. قىتايلىق كومپانيا ءوز اكسياسىن «؛كننك ينتەرناسيونال ۆ كازاحستانە»؛ دەگەن جشس ارقىلى باقىلايدى.

بىلتىر قاراشادا الماتى سوتى petrosun كومپانياسىنا 542,9 ملن تەڭگە ايىپپۇل سالعان. سەرىكتەستىك «؛بەنزين مەن ديزەل وتىنىن ساتۋدى نەگىزسىز شەكتەدى»؛ دەپ ايىپتالعان.

ال 2022 جىلى قاڭتار وقيعاسىنان كەيىن الماتى پروكۋراتۋراسى petrosun كومپانياسىن «؛اۆتوگاز باعاسىن نەگىزسىز كوتەردى»؛ دەپ ايىپتاپ, ؛ «؛مونوپوليستىك قىزمەتتى تەرىس پايدالانۋ»؛ بابى بويىنشا قىلمىستىق ءىس قوزعاعان. سوتقا دەيىنگى تەرگەۋ كەزىندە كومپانيا مەملەكەتكە 2,2 ملرد تەڭگەنى ءوز ەركىمەن وتەگەن.

وسى وقيعاعا دەيىن كومپانيانىڭ 49 پايىز اكسياسى قازاقستاننىڭ ەكس-پرەزيدەنتى نۇرسۇلتان نازارباەۆتىڭ كۇيەۋ بالاسى, ميللياردەر تيمۋر قۇلىباەۆ پەن ونىڭ بيزنەس سەرىكتەرىنە تيەسىلى ەدى. 2022 جىلدىڭ شىلدەسىندە قۇلىباەۆ پەن ونىڭ كومانداسى petrosun كومپانياسىنداعى ۇلەسىن مەملەكەتكە بار بولعانى 1 تەڭگەگە ساتتى.

قازاقستانداعى ەڭ باي ادامداردىڭ ءبىرى سانالاتىن تيمۋر قۇلىباەۆتىڭ جىل سايىن ميللياردتاپ پايدا اكەلىپ وتىرعان بيزنەسىن مەملەكەتكە نە سەبەپتى سۋ تەگىن بەرە سالعانى ءالى كۇنگە دەيىن جۇمباق. ەكس-پرەزيدەنتتىڭ كۇيەۋ بالاسى بۇل جونىندە جاريا مالىمدەمە جاساعان ەمەس.

«؛بىلتىرعى مەن بيىلعى-اي»؛

ەنەرگەتيكا مينيسترلىگى تۋرا ءبىر جىل بۇرىن, ياعني, 2023 جىلدىڭ اقپانىندا دا petrosun كومپانياسىنان مازۋت ساتىپ العان. ول كەزدە دە تەندەر تىكەلەي ءبىر كوزدەن ساتىپ الۋ ءتاسىلى ارقىلى وتكەن. ءبىر جىل بۇرىن دا مازۋتتى تاجىكستانعا جىبەرۋ ءۇشىن ساتىپ العان.

بىلتىرعى مەن بيىلعى تەندەردىڭ ايىرماشىلىعى مازۋت مولشەرى مەن باعاسىندا. بيىل 15 مىڭ توننا, بىلتىر 5 مىڭ توننا ساتىپ العان. بىلتىر مينيسترلىك مازۋتتىڭ ءار تونناسىنا 120 مىڭ تەڭگەدەن تولەگەن. ال بيىل باعا 41 پايىز ءوسىپ, ءار تونناسىن 170 مىڭ تەڭگەدەن العان. ؛

تاجىكستان &ndash؛ قازاقستان ءجيى گۋمانيتارلىك كومەك بەرەتىن ەل. رەسمي مالىمەتكە قاراعاندا, 2006-2023 جىلدار ارالىعىندا قازاقستان تاجىكستانعا جالپى سوماسى 46 ملن دوللار كومەك كورسەتكەن.

گۋمانيتارلىق كومەك رەتىندە مازۋت وتىنىن جىبەرۋ داستۇرگە اينالعان دەۋگە دە بولادى. باق-تاعى اقپاراتقا قاراعاندا, قازاقستان تاجىكستانعا 2017 جىلى 1000 توننا, 2018 جىلى 10 مىڭ توننا, 2019 جىلى 5 مىڭ توننا, 2022 جىلى 10 مىڭ توننا مازۋت جىبەرگەن.