26 ءساۋىر, 2024 news
فوتو: اشىق دەرەككوز
جامبىل وبلىسىندا 4,7 مىڭ گەكتار جەر مەملەكەتكە قايتارىلدى. بۇل ۋچاسكەلەردىڭ كاداسترلىق قۇنى 55 ملن تەڭگەدەن اسادى. ؛
بايزاق اۋدانىنىڭ پروكۋراتۋراسى زاڭسىز بەرىلگەن 465 گەكتار جەر مەن پايدالانىلماي جاتقان 4292 گەكتار جەر تەلىمىن انىقتادى. ؛
جەرگىلىكتى اتقارۋشى ورگانعا ەنگىزىلگەن پروكۋرورلىق قاداعالاۋ اكتىسى نەگىزىندە سوتقا دەيىنگى تارتىپپەن پايدالانىلماي جاتقان جەر ۋچاسكەلەرىن تولىق قايتارۋ جايلى, ال قالعان زاڭسىز بەرىلگەن جەرلەر بويىنشا سوتقا جەردى جالعا الۋ شارتتارىن جارامسىز دەپ تانۋ تۋرالى ارىز بەرىلگەن.
جامبىل وبلىسى بويىنشا مامانداندىرىلعان اۋدانارالىق ەكونوميكالىق سوت شەشىمىمەن تالاپ ارىز قاناعاتتاندىرىلىپ, 465 گەكتار جەر مەملەكەتكە قايتارىلدى.
بۇل جەر ۋچاسكەلەرى الداعى ۋاقىتتا شارۋا قوجالىقتارىنا زاڭدا بەلگىلەنگەن تارتىپپەن بەرۋ ارقىلى شارۋاشىلىق اينالىمىنا تارتىلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر