دارىگەرگە ەسكەرتكىش تاقتا قويىلدى

جۋالى اۋدانىندا ۇزدىكسىز 27 جىل بويى باس دارىگەرلىك قىزمەتتى ابىرويمەن اتقارعان رۋسلان مولدابەكۇلى (رايىسۇلى) جۋالى اۋدانىنداعى ىنتىماق اۋىلىندا دۇنيەگە كەلگەن. اكەسىنىڭ ءىنىسى مولدابەك اسىراپ العاندىقتان, سول كىسىنىڭ تەگىنە وتكەن.

ول الماتى مەملەكەتتىك مەديسينالىق ينستيتۋتىنىڭ پەدياتريا فاكۋلتەتىندە وقىپ, ەڭبەك جولىن الماتى قالاسىنداعى تۋبەركۋلەز عىلىمي زەرتتەۋ ينستيتۋتىنىڭ حيرۋرگيا بولىمىندە فتيزيوحيرۋرگ ماماندىعى بويىنشا باستاعان. 1981-1982 جىلدار ارالىعىندا قورداي اۋداندىق تۋبەركۋلەز اۋرۋحاناسىندا دارىگەر فتيزياتر بولىپ ەڭبەك ەتەدى. 1982 جىلدىڭ 6 مامىر ايىنان باستاپ 2010 جىلعا دەيىن العاشىندا وبلىستىق «؛تەرىس-اششىبۇلاق»؛ تۋبەركۋلەز ساناتورييىندە, كەيىن اۋداندىق تۋبەركۋلەز اۋرۋحاناسىندا باس دارىگەرلىك قىزمەتتى اتقارعان.

دارىگەرگە قۇرمەتپەن قويىلعان مەموريالدى تاقتانىڭ اشىلۋ سالتاناتىنا قاتىسقان جۋالى اۋداندىق ءماسليحاتىنىڭ ءتوراعاسى زيادحان بۇرلىباەۆ, اۋداننىڭ قۇرمەتتى ازاماتى, اكادەميك ءسابيت دۇيسەباەۆ, اۋداندىق قوعامدىق كەڭەس ءتوراعاسى ابدىكەرىم ۇركىمباەۆ, اۋدان اكىمىنىڭ ورىنباسارى انار احمەتوۆا ءسوز سويلەدى. 2022 جىلى دۇنيەدەن وتكەن رۋسلان رايىمبەكتىڭ ارىپتەستەرى مەن تۋىسقاندارى ەستەلىكتەرىن ايتتى.