ۇلىتاۋ وبلىسىندا شەندىلەردى قىزمەتكەرلەرىنىڭ كوزىنشە سوتتادى

جەزقازعان قالالىق سوتى ۇلىتاۋ وبلىسىنىڭ مادەنيەت, تىلدەردى دامىتۋ جانە ارحيۆ ءىسى باسقارماسى مەن تاريحي-مادەني مۇرانى ساقتاۋ ورتالىعىنىڭ باسشىلارىنا قاتىستى پاراقورلىق فاكتىسى بويىنشا ۇكىم شىعاردى. بۇل تۋرالى جەمقورلىققا قارسى قىزمەت حابارلادى.

سوت پروسەسى جەمقورلىقتىڭ الدىن الۋ, قوعامدا سىبايلاس جەمقورلىققا قارسى مادەنيەتتى قالىپتاستىرۋ ماقساتىندا اشىق فورماتتا وتكىزىلگەن.

پروسەسكە وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسىنىڭ قىزمەتكەرلەرى, سونداي-اق وبلىستىڭ, جەزقازعان, ساتباەۆ, قاراجال قالالارى, جاڭاارقا جانە ۇلىتاۋ اۋداندارىنىڭ مەملەكەتتىك قىزمەتشىلەرى ونلاين رەجيمدە قوسىلعان.

"وسىلايشا, اتالعان لاۋازىمدى تۇلعالار وبلىس اۋماعىنداعى ەجەلگى قورىمدارداعى ارحەولوگيالىق قازبالار جونىندەگى جۇمىستاردى مەملەكەتتىك ساتىپ الۋ شارتى بويىنشا اكتىلەرگە قول قويعانى جانە جالپى قامقورلىعى ءۇشىن مەردىگەر ۇيىم وكىلىمەن ءسوز بايلاسىپ, 2 ملن تەڭگە ؛كولەمىندە پارا العان. سوت ۇكىمىمەن وسى مەملەكەتتىك مەكەمەلەردىڭ باسشىلارىنا ءارقايسىسىنا 6 جىل باس بوستاندىعىنان ايىرۋ جازاسى تاعايىندالدى. "مادەني مۇرانى زەرتتەۋ جانە ساقتاۋ ورتالىعى" جشس مەردىگەر كومپانياسىنىڭ وكىلىنە 3,5 جىلعا ؛باس بوستاندىعىنان ايىرۋ جازاسى تاعايىندالدى. بارلىق سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلادى" دەلىنگەن اقپاراتتىق حابارلامادا.