ەلجان ءبىرتانوۆ جاڭا قىزمەتكە تاعايىندالدى

بۇرىنعى دەنساۋلىق ساقتاۋ ءمينيسترى ەلجان ءبىرتانوۆ qazmed مەديسينا جانە ونىمەن ساباقتاس سالالار قىزمەتكەرلەرىنىڭ كاسىپوداعىندا كەڭەسشى قىزمەتىن اتقاراتىن بولدى, دەپ حابارلايدى ؛ulysmedia.kz.

ەكس-مينيستر كاسىپوداق مۇشەلەرىمەن بىرگە مەديسينا ماسەلەلەرىمەن اينالىسپاق. ونىڭ ايتۋىنشا, سالادا كادر جانە ەڭبەكاقى پروبلەماسى ءالى دە وزەكتى.

ەسكە سالساق, وتكەن جىلدىڭ قازانىندا ەكس-مينيستر ەلجان ءبىرتانوۆ پەن ونىڭ ورىنباسارى بولعان ولجاس ابىشەۆ قىلمىستىق كودەكستىڭ 361-بابى (لاۋازىمدىق وكiلەتتiكتەردى تەرىس پايدالانۋ) بويىنشا كىنالى دەپ تانىلىپ, ءبىرتانوۆ 5 جىلعا, ولجاس ابىشەۆ 4 جىلعا باس بوستاندىعىنان شەكتەۋ جازاسىنا كەسىلگەن. ولارعا مەملەكەتتىك قىزمەتپەن اينالىسۋعا ءومىر بويى تىيىم سالىنادى. سونداي-اق ەسكەرتۋسىز مەكەن-جايىن وزگەرتۋگە بولمايدى.

ەلجان ءبىرتانوۆ پەن بۇرىنعى ۆيسە-مينيستر ولجاس ابىشەۆ دەنساۋلىق ساقتاۋ مينيسترلىگىنىڭ جۇمىس ىستەمەيتىن اقپاراتتاندىرۋ پلاتفورماسىن قابىلداپ, ىسكە قوسۋ ارقىلى قىزمەت بابىن اسىرا پايدالاندى دەگەن ايىپ تاعىلعان بولاتىن. وسى پلاتفورما بويىنشا ورىندالماعان جۇمىستىڭ قۇنى 4,5 ملن دوللار نەمەسە 1,5 ملرد تەڭگە دەپ تانىلدى.

2022 جىلدىڭ 9 قاراشادا ەلجان ءبىرتانوۆتىڭ ادۆوكاتتارى سوتقا اپەللياسيالىق شاعىم ءتۇسىردى. وتكەن جىلدىڭ سوڭىندا قازاقستاندىق دارىگەرلەر ەلجان ءبىرتانوۆتى قىلمىستىق قۋدالاۋدى توقتاتۋ تۋرالى پەتيسيا جاريالاعان. اپەللياسيالىق cوت القاسى ەلجان ءبىرتانوۆ پەن ولجاس ابىشەۆ ىسىنە قاتىستى شەشىم شىعارىپ, شىققان ۇكىمدى وزگەرىسسىز ؛قالدىرعان ەدى.