ورت قاۋىپسىزدىگى, مەكتەپتەر مەن بالاباقشالارداعى ورىن تاپشىلىعى: اقتاۋدا ءبىلىم سالاسىنداعى ماسەلەلەر تالقىلاندى

8 اقپاندا ايماق باسشىسى نۇرلان نوعاەۆتىڭ قاتىسۋىمەن كەزەكتى كەڭەيتىلگەن القا ءماجىلىسى ءوتتى. وندا ءبىلىم سالاسىنداعى ماسەلەلەر مەن ءبىلىم بەرۋ ۇيىمدارىنداعى ءورت قاۋىپسىزدىگى تالقىلاندى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

جيىنعا القا مۇشەلەرىمەن بىرگە اۋداندىق, قالالىق ءبىلىم بولىمدەرىنىڭ, وقۋ-ادىستەمەلىك ورتالىقتاردىڭ, مەكتەپتەر مەن وقۋ ورتالىقتارىنىڭ, مامانداندىرىلعان ۇيىمداردىڭ باسشىلارى, وبلىس مۇعالىمدەرى, سونداي-اق ۇكىمەتتىك ەمەس ۇيىمداردىڭ وكىلدەرى ءقاتىستى.

بىلىم باسقارماسىنىڭ باسشىسى دينارا جۇماشەۆانىڭ ايتۋىنشا, وبلىستا بالاباقشالارداعى ورىن تاپشىلىعى وزەكتى ماسەلە بولىپ تۇر. قازىرگى تاڭدا 351 مەكتەپكە دەيىنگى ۇيىمدا 41 338 بالا تاربيەلەنىپ جاتىر. 2022 جىلى 1 617 ورىندىق 21 بالاباقشا اشىلدى (اقتاۋ-14, جاڭاوزەن-3, مۇنايلى-1, ماڭعىستاۋ-1, ءتۇپقاراعان-2). سوڭعى 5 جىلدا مەكتەپ وقۋشىلارىنىڭ سانى 38 مىڭعا جەتكەن. وتكەن جىلمەن سالىستىرعاندا سەگىز مىڭعا ارتقان.

24 مەكتەپتە 9 056 ورىن تاپشىلىعى بولدى. 2022 جىلى 1 800 ورىندىق 2 مەكتەپ (اقتاۋ قالاسىنداعى 31 «؛ا»؛ شاعىناۋدانىندا 1200 ورىندىق, مۇنايلى اۋدانى, باسقۇدىق اۋىلىنداعى «؛جاڭا كەلىسىم»؛ شاعىناۋدانىندا 600 ورىندىق), 624 ورىندىق 2 قوسىمشا قۇرىلىس (اتامەكەن مەن كۇيكەن مەكتەپتەرى 312 ورىندىق) جانە 4 650 ورىندىق 12 جەكەمەنشىك مەكتەپتىڭ (اقتاۋ-8, مۇنايلى-3, ءتۇپقاراعان-1) اشىلدى.

2021 جىلى وبلىستا ءۇش اۋىسىمدى 18 مەكتەپ بولسا, 2022 جىلى اتالعان كورسەتكىش 15-كە ازايعان.

«؛جايلى مەكتەپ»؛ ۇلتتىق جوباسى ارقىلى مەكتەپتەگى ورىن تاپشىلىعى ماسەلەسىن شەشۋ جوسپارلانىپ وتىر. 2025 جىلدىڭ سوڭىنا قاراي 44 000 ورىندىق 21 مەكتەپ جانە 1 800 ورىندىق 3 باستاۋىش مەكتەپ سالىنادى.

ناقتىلاساق, 2023 جىلى 13 500 ورىندىق 15 مەكتەپتىڭ (ەكى اۋىسىمدا 27 000 ورىن) قۇرىلىسى باستالىپ, 2024 جىلى پايدالانۋعا بەرىلەدى. ال 2024 جىلى 9 400 ورىندىق 9 مەكتەپتىڭ (ەكى اۋىسىمدا 18 800 ورىن) قۇرىلىسى باستالىپ, 2025 جىلى اياقتالادى.

سونىمەن قاتار جينالىستا ماڭعىستاۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى نۇرلىبەك ايجارىقوۆ بايانداما جاسادى. ايتۋىنشا, توتەنشە جاعدايلار دەپارتامەنتى جىل سايىن ءبىلىم بەرۋ نىساندارىنىڭ ورتكە قارسى جاعدايىنا مونيتورينگ جۇرگىزەدى. وبلىس بويىنشا 535 ءبىلىم بەرۋ نىسانى دەپارتامەنت ەسەبىندە تۇر. سونىڭ ىشىندە, بىلتىر 172 نىسانعا جوسپارلى تەكسەرۋ جۇرگىزىلگەن.

تەكسەرۋ ناتيجەسىندە, 1 217 ءورت قاۋىپسىزدىگى نورمالارىن بۇزۋ فاكتىسى انىقتالدى. اتاپ ايتقاندا, اقتاۋدا &ndash؛ 260, ماڭعىستاۋدا &ndash؛ 179, مۇنايلىدا &ndash؛ 163, بەينەۋدە &ndash؛ 140, ءتۇپقاراعاندا &ndash؛ 99, جاڭاوزەن قالاسىندا &ndash؛ 74. انىقتالعان زاڭ بۇزۋشىلىقتار بويىنشا 157 تۇلعا اكىمشىلىك جاۋاپكەرشىلىككە تارتىلدى.

نۇرلىبەك ايجارىقوۆتىڭ ايتۋىنشا, ءبىلىم بەرۋ نىساندارىنداعى ءورت قاۋىپسىزدىگى سالاسىنداعى مەملەكەتتىك باقىلاۋ مەن ءورت قاۋىپسىزدىگى تالاپتارى ءالى وزگەرمەگەن. ءبىلىم بەرۋ نىساندارىندا ءورت اۆتوماتيكاسىنىڭ اقاۋى, ەۆاكۋاسيالاۋ ءۇشىن ءقاۋىپسىز جاعدايدىڭ بولماۋى, ەلەكتر جابدىقتارىن مونتاجداۋ جانە تەحنيكالىق پايدالانۋ ەرەجەلەرىنىڭ بۇزىلۋى, ءورت قاۋىپسىزدىگى بويىنشا قۇجاتتامانىڭ بولماۋى سىندى بۇزۋشىلىقتار ءجيى كەزدەسەدى.

وسى رەتتە ازاماتتىق قورعاۋ ورگاندارىنىڭ قىزمەتكەرلەرى 5 مىڭنان استام ادامعا ءورت قاۋىپسىزدىگى ەرەجەلەرىن ساقتاۋ جانە ءورت تۋىنداعان جاعدايدا ارەكەت ەتۋ بويىنشا 24 پراكتيكالىق وقۋ-جاتتىعۋى مەن 150-دەن استام نۇسقامالىق ساباق وتكىزدى. سونىمەن قاتار بالالارعا 13 ينتەراكتيۆتى ساباق, 3 اشىق ساباق, ءورت ءسوندىرۋ بولىمدەرىنە 4 ەكسكۋرسيا, 23 ەۆاكۋاسيالاۋ جاتتىعۋلارى, بالالار اراسىندا 5 جارىس ۇيىمداستىردى. وعان 2,5 مىڭنان استام بالا قاتىستى.

وبلىس اكىمى نۇرلان نوعاەۆ ەلدىڭ بولاشاعى ۇستازداردىڭ كاسىبي شەبەرلىگى مەن ادالدىعىنا بايلانىستى ەكەنىن اتاپ ءوتتى.

&ndash؛ مەملەكەت باسشىسى قاسىم-جومارت توقاەۆ ماڭعىستاۋ وبلىسىنا ساپارى بارىسىندا ءبىلىم ساپاسىن ارتتىرۋدى تاپسىردى. بۇگىنگى تاڭدا 2021-2025 جىلدارعا ارنالعان ء«؛بىلىم ۇلت»؛ ۇلتتىق جوباسى نەگىزىندە جەرگىلىكتى اتقارۋشى ورگاندار مەن ورتالىق مەملەكەتتىك ورگاندار بىرلەسىپ, بالالاردىڭ ءبىلىم الۋىنا قولايلى جاعداي جاساۋ, تاربيە بويىنشا جۇيەلى جۇمىستار جۇرگىزىلىپ, ءتيىستى شارالار اتقارىلىپ جاتىر. بالالارىمىزدىڭ بولاشاعى ءبىلىم ساپاسىنا بايلانىستى. ارينە, بۇعان قول جەتكىزۋ ءۇشىن بارلىق كۇش-جىگەر جۇمسالۋى كەرەك. مەكتەپتە بولاشاقتاعى تابىستارىمىز بەن جەتىستىكتەرىمىزدىڭ ىرگەتاسى قالانادى, &ndash؛ دەدى نۇرلان نوعاەۆ.