ء"؛بىر اۋىلدىڭ 20 جىگىتى كىرىپ كەتتىك"؛. قارجى پيراميداسى مەن جەلىلىك ماركەتينگ قۇرباندارىنىڭ اڭگىمەسى
  • usd 468.56

  • eur 497.56

  • rub 7.3

  • cny 67.18

20 شىلدە, 14:56:54
+35°

قارجى مونيتورينگ اگەنتتىگىنىڭ مالىمەتىنشە, وتكەن جىلى 29 قارجى پيراميداسى جويىلىپ, ؛الاياقتىق سحەمالاردى جارنامالايتىن 13 000 ينتەرنەت سىلتەمە مەن اككاۋنت بۇعاتتالعان. قۇزىرلى ورگانداردىڭ كۇرەسىنە قاراماستان, الاياقتار ادامداردى قۇرىعىنا ءتۇسىرۋدىڭ ءسانتۇرلى جولىن ويلاپ تابۋعا شەبەر. تومەندە پيراميداعا الدانىپ, جەلىلىك ماركەتينگتىڭ مانيپۋلياسياسىنا ءتۇسىپ, قارىزعا باتقان كەيىپكەرلەردىڭ وقيعاسى باياندالادى. كەيىپكەرلەردىڭ ءوتىنىشى بويىنشا ولاردىڭ ەسىمدەرى ماقالادا اتالمايدى.

"كولىگىمدى ساتىپ پيراميداعا كىردىم"

«؛ستۋدەنتتەردىڭ كوپشىلىگى جول-پۇل تابۋ ماقساتىندا كافە-رەستورانداردا وفيسيانت بولىپ جۇمىس ىستەيتىنى بەلگىلى. كارانتين ۋاقىتىندا جۇمىس ورىندار جابىلىپ, جاعداي قيىنداپ كەتتى. ءبىراق كارانتين اياقتالعاندا ءبىر دوسىمىز كولىگىن جاڭالاپ, ءوزى دە وزگەرىپ كەتكەنىن بايقادىق. بۇرىندارى كوپتىڭ اراسىنان كوزگە تۇسە بەرمەيتىن ول دوللارلاپ اقشا ۇستايتىن, تەك كلاسسيكالىق كيىم كيەتىن ادەت شىعاردى. وعان قىزىققان مەن جۇمىسىندا ورىن بولسا شاقىرۋىن ءوتىندىم. ول سوزگە كەلمەستەن بىردەن جۇمىسىنا اپاردى. بارا سالىسىمەن ءوز تالىمگەرىمەن تانىستىرىپ, جۇمىس ءتارتىبىن ءتۇسىندىردى. تۇرمىستىق جاعدايىممەن تانىسقان تالىمگەر وسىعان دەيىنگى ادامداردىڭ جەتكەن جەتىستىگىن كورسەتىپ, تىنباي جۇمىس جاساعان جاعدايدا, ءبىر ايدا جاڭا كولىك الۋعا بولاتىنىنىن ايتتى. كابينەتتەردە جاڭا كولىك العان, شەتەلگە شىققان ادامداردىڭ سۋرەتتەرى ءىلىنىپ تۇراتىن. كىرىس كىرۋ ءۇشىن كەز-كەلگەن بيزنەسكە ينۆەستيسيا قۇيۋ كەرەگىنە ءتۇرلى دالەلدەر كەلتىرىپ, ۇلكەن قارجى اكەلەتىن بۇل جۇمىسقا قانشا قۇيا الاتىنىمدى سۇرادى. جۇمىسقا كىرۋ ءۇشىن بەس ءتۇرلى كارتانىڭ بىرەۋىن ساتىپ الۋىم كەرەك ەكەن, كارتا قۇنى 1 ميلليون تەڭگەدەن باستاپ, 5 ميلليون تەڭگەگە دەيىن وسە بەرەدى. بۇل كارتالار ارىپتەستەرىمنىڭ اراسىنداعى دارەجەم مەن الاتىن تابىسىمنىڭ پايىزىنا اسەر ەتەتىنىن ايتتى. ءوزىم قاتارلى جىگىتتەردىڭ جارقىراپ جۇرگەنىن كورسەتكەن ول جۇمىس ىستەۋ مەنىڭ دە قولىمنان كەلەتىنىنە سەندىردى. اقشانىڭ استىندا قالاتىنىما سەنىمدى بولعان مەن قولىمداعىنىڭ ءبارىن بەرۋگە دايار ەدىم. سوندىقتان سول كۇنى استىمداعى كولىگىمدى ساتىپ, "جۇمىسقا ورنالاستىم". اپتا سايىن بىزگە جەتىستىككە جەتكەن ادامدار كەلىپ, لەكسيا وتكىزىپ تۇراتىن. جۇمىس العا باسپاي جاتقان كۇننىڭ وزىندە لەكتورلار بىزگە ۇنەمى موتيۆاسيا بەرىپ وتىردى. تالىمگەرلەر كورۋگە تاپسىراتىن ۆيدەولار ارقىلى دا ءبىز كوپ اقشا شىعاراتىنىمىزعا سەنىمدى ەدىك.

&ndash؛ سىزدەر قانداي جۇمىس ىستەدىڭىزدەر؟

&ndash؛ ءبىز ءارتۇرلى سايتتارعا, الەۋمەتتىك جەلىلەرگە جارناما بەرىپ, ادامداردى جۇمىسقا شاقىردىق. العاشىندا جارناما اقشاسىن كومپانيانىڭ ءوزى تولەپ ءجۇردى. جۇمىس ىزدەۋشىلەر ىسكەرلىك كەزدەسۋگە كەلگەندە كلاسسيكالىق ۇلگىدە كيىنىپ, كۇتىپ الاتىنبىز. تالىمگەرلەر بىزگە جۇمىس ىزدەۋشىمەن سويلەسۋ جولدارىن ۇيرەتتى. كەلگەن ادامدى سەندىرۋ ءۇشىن ونىمەن قانداي قاشىقتىقتا وتىرىپ سويلەسۋ كەرەكتىگىنە دەيىن تۇسىندىرەتىن. وزىمىزگە سەنىمدى سويلەۋدى, سۇحباتتاسۋشىنى كولدەنەڭ وتىرعىزىپ, كوزىنە تىكە قاراۋدى تالاپ ەتتى. «؛وزىڭنەن كەيىن كىرگەن ادام سەنەن كەيىنگى جوعارى جالاقىنى الاتىندىقتان, ءبىرىنشى ءوز تانىستارىڭدى, تۋىستارىڭدى كىرگىز. قوماقتى قاراجات بوتەن بىرەۋدىڭ قالتاسىندا كەتكەنشە, ءوز تانىستارىڭدى جارىلقا»؛ دەيتىن. سوندىقتان ءوز تانىستارىمىزدى شاقىرىپ, ءبىر اۋىلداعى 15-20 عا جۋىق جىگىت تۇگەل پيراميداعا كىرىپ كەتتىك. ولار ارتىمنان ادام تىركەگەن سايىن جانە وزىمنەن كەيىنگىلەر دە ادام اكەلگەن سايىن تابىسىم ارتاتىنىنا سەندىردى. ءبىز وسى جۇيەمەن ادامداردى كومپانياعا كىرگىزىپ, اقشا قۇيعىزۋمەن اينالىستىق. ءبىر اۋىلدان كەلگەن ءبىزدى ەكى توپقا ءبولىپ, ارامىزدا باسەكەلەستىك پەن الاۋىزدىق ءورشي ءتۇستى. بۇل ؛&ndash؛ كومپانياعا ۇلكەن تابىس اكەلگەنىنە سەنىمدىمىن.

&ndash؛ الدانعانىڭىزدى قاي كەزدە ءتۇسىندىڭىز؟

&ndash؛ ول جەردە ءجۇرىپ الدانعانىڭدى ءتۇسىنۋ قيىن. تالىمگەرلەر مەن لەكتورلار ۇنەمى سەندىرىپ وتىرادى. باسقالاردى الداپ جاتقان كەزدە ءوزىم دە الدانعانىمدى ءتۇسىندىم. سەبەبى ءبىز ايتاتىن ايلىق مولشەرىن ەڭ جوعارىدا وتىرعان ادامنان باسقا ەشكىم الىپ كورمەگەن. جاعدايى ونسىز دا قيىن ادامدار الدىما كەلگەندە ار-ۇياتىم مازالاي باستادى. ۇيدەگىلەر قاسىمدا جۇرگەن دوستارىمنىڭ جۇمىسقا كىرەم دەپ نەسيەگە باتقانىن ەستىپ, ءارى مەنىڭ كولىكسىز جۇرگەنىمە قاتتى كۇمانداندى. اقىرى جۇمىسىمدى تەكسەرىپ, پيراميدادان شىعارىپ الدى. ءبىراق پيراميداعا سالعان اقشامنىڭ ءبىر تەڭگەسىن دە شىعارا المادىم.

"جەلىلىك ماركەتينگكە كىرەم دەپ ەكى نەسيە الدىم"

"اقىلى بولىمدە وقىدىم. سوندىقتان قوسىمشا تابىس كوزىن ىزدەۋگە تۋرا كەلدى. ينستاگامنان "ادمينستراتور كومەكشىسى" دەگەن ۆاكانسيانىڭ جارناماسىن كورىپ, حابارلاسىپ, ايتقان جەرگە باردىم. مەنى كلاسسيكالىق كيىمدەگى, ءبىر-بىرىن اتى-جونىمەن عانا اتايتىن ءبىر توپ ادام قارسى الىپ, جۇمىس بارىسىن ءتۇسىندىردى. كومپانيا تاۋار ساتۋمەن جانە تاۋار ساتاتىن ادامداردى جيناۋمەن اينالىساتىنىن ايتتى. ۋادە ەتىلگەن جوعارى جالاقى, تازا جەر, ىڭعايلى جۇمىس كەستەسى مەنى قىزىقتىرا ءتۇستى. مەن بارعان كۇنى سالانىڭ ۇزدىگى ترەنينگ وتكىزىپ جاتىر ەكەن. ترەنينگ كەزىندە ساتۋشىدان بولەك ءبىر ايەل وسى كومپانيا دارىلەرىنىڭ ارقاسىندا اناسى قاتەرلى ىسىكتەن ايىعىپ كەتكەنىن ايتىپ, العىسىن ءبىلدىردى. ول بارلىعىمىزدى وسى ونىمدەردى ساتىپ الۋعا, ساتۋعا ۇگىتتەدى. ال لەكتور بەس جۇلدىز دەڭگەيىنە كوتەرىلگەندە كومپانيا ءۇي, ودان تومەندەرگە كولىك, شەتەلگە جولداما سىيلايتىنىن ايتىپ, مەنى ودان ءارى قىزىقتىرا ءتۇستى. شىققان سوڭ مەنى جۇمىسقا شاقىرعان ادام ءوزىن مەنىڭ تالىمگەرىم اتاپ, ارى قاراي بىرگە جۇمىس جاساۋعا شاقىردى. الايدا ول ءۇشىن مەن كومپانيانىڭ تاۋارلارىن ساتىپ الۋىم كەرەك ەكەن. تاۋارلاردىڭ جالپى قۇنى شامامەن 500 مىڭ تەڭگەدەن باستالادى. قولىمدا ونداي اقشا جوق. نەسيە الايىن دەسەم, جاسىم 21-گە تولماعان. نەسيە بەرىلمەيتىنىن ايتقانىمدا, ءبولىپ تولەۋ ارقىلى ايفون ساتىپ السام, تەلەفوندى قايتا ساتىپ, اقشا جاساۋعا كومەكتەسەتىنىن ايتتى. سولاي بانكتەن ەكى تەلەفون ساتىپ الىپ, الا سالىسىمەن اتاكەنتتە باردىق. تالىمگەرىمنىڭ تانىستارى ول جەردە دە بار ەكەن, ولار بىردەن ەكى تەلەفوندى ساتىپ الىپ, اقشاسىن قولىما ۇستاتتى, ال مەن ول اقشانى جۇمىسقا اپاردىم. بۇنىڭ بارلىعى تەز بولعانى سونشالىق, مەنىڭ ويلانۋعا دا ۋاقىتىم بولمادى.

&ndash؛ ارى قاراي نە ىستەدىڭىز؟

&ndash؛ كەلەسى كۇنى تاۋار ساتۋمەن جانە جۇمىسقا ادام شاقىرۋمەن اينالىستىم. تاۋار ساتۋ ترەنينگتەگىدەي وڭاي بولماي شىقتى. ادامداردىڭ كوپشىلىگى دارىگەردىڭ تاعايىنداۋىنسىز دارى-دارمەك قابىلداي بەرمەيتىنىن جانە ۆيتامين كەرەك ەمەسىن ايتۋمەن بولدى. كومپانيا ماعان باسقا جۇمىس جاساۋعا تىيىم سالدى, قولىمداعى بار اقشامەن سايتتارعا جارناما بەرىپ, قاعازعا شىعارعان جارنامالارىمدى بازاردا تاراتتىم. مەن تالىمگەرلەردىڭ بىتپەس موتيۆاسياسىنىڭ, ترەنينگتەرىنىڭ ارقاسىندا يلليۋزياعا سەنۋمەن بولدىم.

&ndash؛ قانداي جارناما بەردىڭىزدەر؟

&ndash؛ كەڭسەگە وفيس-مەنەدجەر, ادمينستراتور كومەكشىسى, رەسەپشيونيست كەرەك. جالاقى 200 مىڭنان جوعارى" دەپ جارناما بەرەتىنبىز. راسىندا دا ايىنا ءبىر رەت رەسەپشندە وتىرىپ, كەلۋشىلەردى تالىمگەرلەرگە ءبولىپ ؛ وتىرامىز. ادمينستراتور كومەكشىسى دەگەنى تالىمگەرگە كومەكتەسۋ. ال وفيس-مەنەدجەر رەتىندە كليەنتتەرگە حابارلاسىپ, تاۋار ساتامىز نە جۇمىسقا شاقىرۋمىز كەرەك. ءبىر قاراعاندا ءبارى دۇرىس سياقتى. ءارى ترەنينگتەر ءجيى بولعاندىقتان, گيپنوزدالعانداي بولىپ ءجۇردىم. ارينە جەلىلىك كومپانيالار اراسىندا ادال جۇمىس ىستەيتىندەر بار. ءبىراق ولاردىڭ تاۋارلارى قاتتى قىمبات ەمەس, ءارى ءا دەگەندە قوماقتى قاراجات سالۋدى سۇرامايدى. ەگەر قوماقتى قاراجاتقا تاۋار ساتىپ الىپ, ونى ساتا الاتىنىڭىزعا سەنىمدى بولساڭىز, جەلىلىك ماركەتينگپەن پايدا تابۋعا بولادى. ءبىراق تاۋار الۋشى وتە سيرەك بولعاندىقتان, كليەنت بازاسى تۇراقسىز. كومپانياعا ادام تىركەۋدەن باسقا جول قالمايدى. ءبىراق وزىڭنەن كەيىن كىرگەن ادامنىڭ نەسيەگە, يا قارىزعا العان تاۋارى ساتىلماي قالسا, مەن اقشا تاپقانمەن مەنەن كەيىنگىلەر قۇردىمعا كەتەتىنىن ءتۇسىنۋ كەرەك. بىرەۋدىڭ كوز جاسىنا قالۋدان قورىقتىم.

&ndash؛ الدانعانىڭىزدى قاي كەزدە ءتۇسىندىڭىز؟

&ndash؛ تالىمگەرىم جۇمىس ىزدەپ كەلگەن ادامدار ترەنينگكە قاتىسپاي تۇرىپ «؛سەتەۆوي»؛ دەپ ايتۋعا تىيىم سالاتىن. اقشا سالۋ كەرەگىن كىرگەن ادام پسيحولوگيالىق تۇرعىدان دايىن بولدى-اۋ دەگەن كەزدە ايتۋدى تالاپ ەتتى. سودان كۇدىكتەنە باستادىم. بازاردا قاعاز تاراتىپ جۇرگەندە ساتۋشى اپاي قىزىن جۇمىسقا الۋىمدى ءوتىندى. اپايدىڭ سۋىق كۇندە سامسا ساتىپ وتىرعانىنا قاراپ, جانىم اشىپ كەتتى. جۇمىسقا شاقىرا تۇرا ونىڭ قىزىنىڭ بىزگە كەلگەنىن قالامادىم. سول كەزدە الدانعانىمدى ءتۇسىندىم.

&ndash؛ سودان جەلىلىك ماركەتينگپەن اينالىسۋدى دوعاردىڭىز با؟

&ndash؛ اكەلى قۇربىلارىممەن كەڭەستىم. ولار بىردەن الدانعانىمدى ءتۇسىنىپ, شىعارىپ الۋعا بارىن سالدى. تالىمگەرىمە جۇمىستان شىعاتىنىمدى ايتقاندا, ول ۇزىلدى-كەسىلدى قارسى بولدى. ءوزىنىڭ تالىمگەرىن, ودان باسقا دا تالىمگەرلەردى شاقىرىپ, بارلىعى مەنى الىپ قالۋعا تىرىستى. ءتىپتى, ءبىرى ء"سىز ءقازىر شىعىپ كەتسەڭىز ءبىر جىلدان كەيىن باسىڭىزدا نەسيەدەن باسقا ەشتەڭە بولمايدى. بىزدە قالعاندا جاعدايىڭىز جاقسى بولار ەدى. مەن, مىندەتتى تۇردە, ءبىر جىلدان سوڭ سىزگە حابارلاسىپ, جاعدايىڭىزدى سۇرايمىن" دەدى. مەن سوندا دا كونبەي, جۇمىستان شىعىپ كەتتىم.

&ndash؛ ءبىر جىلدان كەيىن حابارلاستى ما؟

&ndash؛ ول مەنى ۇمىتىپ كەتەتىن شىعار دەپ ويلاعام. الايدا ول حابارلاسىپ, جاعدايىمدى سۇرادى. مەن قارىزدارىمنان قۇتىلىپ, ساتۋ بولىمىندە جەتەكشى دەڭگەيىنە دەيىن جەتكەنىمدى ايتتىم.

&ndash؛ قاراپايىم ادام قارجى پيراميداسىن قانداي بەلگىلەرگە قاراپ تاني الادى؟

&ndash؛ ولار كوبىنە بيزنەس ورتالىقتارىندا وتىرادى ءارى ادامنىڭ كوپتىگىنەن ول جەردە ابىر-سابىر بولىپ جاتادى. كلاسسيكالىق كيىمدە ءجۇرىپ, ءبىر-بىرىن تەك اتى-جونىمەن اتايدى. جوعارىدا ايتقان جارناما بويىنشا بارعاندا ترەنينگ, لەكسيالارعا قاتىستىرا باستاسا كۇدىكتەنۋ كەرەك. "التىن كۆادرات", "بينارلى جۇيە", "بەس جۇلدىزدى ارىستان", "بريلليانت ديرەكتور" سىندى ۇعىمداردى ەستىسەڭىز بىردەن قاشىڭىز.

ايىم نۇرساپا

ايىم نۇرساپا

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر