فوتو: اشىق دەرەككوز
قاراعاندى قالاسىندا ەكى قاباتتى تۇرعىن ۇيدە گاز باللونى جارىلدى, دەپ حابارلادى وبلىستىق توتەنشە جاعدايلار دەپارتامەنتى.
؛
21 قاڭتار كۇنى كەشكى ساعات 18:51-دە ششورس كوشەسىندەگى ەكى قاباتتى تۇرعىن ۇيدە بەس ليترلىك گاز باللونى جارىلعان. سونىڭ سالدارىنان بىرنەشە پاتەرگە زاقىم كەلگەن. اعاش توبەلەر مەن ارقالىقتار ءىشىنارا وپىرىلعان.
؛
"رەسمي مالىمەتكە سايكەس, گاز جانعان جوق. ءبىراق كۋاگەرلەردىڭ سوزىنە قاراعاندا, قۇتقارۋشىلار كەلگەنشە وتتىڭ جالىنى كورىندى. توتەنشە جاعداي كەزىندە 1970 جىلى تۋعان ەر ادام مەن 1971 جىلى تۋعان ايەل ادام زارداپ شەكتى. ەكەۋى دە كۇيىپ قالدى. قازىرگى كەزدە قاراعاندى قالاسىنىڭ وبلىستىق مەديسينالىق ورتالىعىنا ەمدەلىپ جاتىر. وقيعا ورنىنا 8 تەحنيكا مىنگەن 36 ءورت ءسوندىرۋشى باردى. قۇتقارۋشىلار قۇلاۋ ءقاۋپى بار قۇرىلىس بولشەكتەرىن دەمونتاجداۋ بويىنشا جۇمىس جۇرگىزدى. تۇندە وسى كىرەبەرىس تۇرعىندارىن جاتاقحاناعا ورنالاستىرۋعا شەشىم قابىلداندى. وقيعانىڭ ءمان-جايى انىقتالىپ جاتىر" دەلىنگەن دەپارتامەنت حابارلاماسىندا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر