الماتى وبلىسىنىڭ اكىمى زارەچنىيداعى قازاندىقتىڭ جۇمىسىن تەكسەردى

الماتى وبلىسىنىڭ اكىمى مارات سۇلتانعازيەۆ زارەچنىي اۋىلىنداعى قازاندىققا باردى. جىلۋ ورتالىعىنىڭ وكىلدەرى وبلىس اكىمىنە قازاندىق جۇمىسىن مازۋتتان تابيعي گازعا اۋىستىرۋ جوسپارلارى تۋرالى ايتىپ بەردى. سونداي-اق بولاشاقتا سۇرانىستىڭ وسۋىنە بايلانىستى كاسىپورىننىڭ جىلۋ قۋاتىن ارتتىرۋ جوسپارلانىپ جاتىر.

«؛جوبا دايىن, ساراپتامادان ءوتتى, ەگەر كەلەسى جىلى جاڭعىرتۋعا قارجىلاندىرۋ بولىنسە, 2024 جىلى جۇمىستاردى اياقتايمىز»؛, &ndash؛ دەدى جىلۋ ورتالىق وكىلدەرى.

جاڭارتۋدان كەيىن قازاندىقتاردىڭ قۋاتى 9,03 گكال/ساع-تان 13 گكال/ساع-قا دەيىن ارتادى. قۇرىلىس-مونتاجداۋ جۇمىستارىنىڭ الدىن الا سوماسى 200 ملن تەڭگەنى قۇرايدى.
ماگيسترالدىق گاز جەلىلەرىن سالۋ زارەچنىي اۋىلدىق وكرۋگىنىڭ ەكى اۋىلىندا 1 مىڭنان استام تۇتىنۋشىنى گازبەن قامتاماسىز ەتۋگە مۇمكىندىك بەرەدى.

وڭىر باسشىسى مارات سۇلتانعازيەۆ قوناەۆ تۇرعىندارىمەن كەزدەسۋدە اتاپ وتكەندەي, زارەچنىي اۋىلىنداعى ورتالىق قازاندىقتىڭ قۋاتىن ارتتىرۋ بويىنشا جوبالىق-سمەتالىق قۇجات ازىرلەۋگە بيىل جەرگىلىكتى بيۋدجەتتەن 9,9 ملن. تەڭگە ءبولىندى.

قازىرگى ۋاقىتتا قازاندىق 35 ءۇيدى (600-دەن استام پاتەر), 224 جەكە ءۇيدى جانە 5 الەۋمەتتىك نىساندى جىلۋمەن قامتاماسىز ەتەدى. ؛جىلۋ جەلىلەرىنىڭ ۇزىندىعى &ndash؛ 15,021 كم, جىلۋ جەلىلەرىنىڭ توزۋى 24% قۇرايدى.

نىساندا بارلىعى 5 قازاندىق ورناتىلعان. اح-300 جانە fx-300 dual ءتيپتى ەكى اۆتوماتتاندىرىلعان بۋ قازاندىعى, جالپى ونىمدىلىگى 0,6 توننا بۋ/ساع جانە 3 ۆۆ-3500 ءتيپتى سۋ جىلىتۋ قازاندىعى ىستەپ تۇر. سۋ جىلىتۋ قازاندىقتارىنىڭ قازىرگى جالپى ونىمدىلىگى ساعاتىنا 9,03 گكال قۇرايدى. ؛

ەستەرىڭىزگە سالا كەتسەك, قوناەۆ قالاسى قازاندىعى تابيعي گازبەن جىلىتىلاتىن ەلىمىزدەگى جالعىز وبلىس ورتالىعى.