رەسەيدەگى كوممۋنيستىك پارتيا فراكسياسى ءباسپاسوز قىزمەتىنىڭ باسشىسى الەكساندر يۋششەنكو قىرعىزستاننىڭ ەل استاناسى بىشكەكتەگى كەڭەس اتاۋلارىمەن اتالىپ كەلە جاتقان اۋدانداردىڭ اتىن اۋىستىرۋ تۋرالى شەشىمىن "كەڭەس كەزەڭىنە تۇكىرۋ" دەپ اتادى. بۇل تۋرالى ول رەسەيلىك ؛گازەتوي.ru باسىلىمىنا ايتقان.
ول قىرعىز بيلىگىنىڭ باستاماسىنا تەرىس قارايتىنىن, قىرعىزستان كەڭەس وداعى قۇرامىندا بولعان بالتىق ەلدەرى, ۋكراينا سەكىلدى جولعا ءتۇسىپ بارا جاتىر دەپ سانايتىنىن جەتكىزگەن.
"اڭگىمە قىرعىزستان كەڭەس وداعى تۇسىندا ەكونوميكاسى مىقتى ەل بولىپ قالىپتاسىپ, سونىڭ ارقاسىندا دەربەس مەملەكەت اتانعانىندا. ونىڭ بار پوتەنسيالى كەڭەس كەزەڭىندە قالىپتاستى. سوندىقتان كەڭەس كەزەڭىنە تۇكىرۋ ؛&ndash؛ الىستى كورە الماۋ, قورلاۋ. وسىنىڭ ءبارىن جاساعان اعا بۋىندى سىيلاماۋ" دەگەن ول مۇنداي ىستەردىڭ ارتىندا اقش پەن ۇجىمداسقان باتىس ەلدەرى تۇر دەگەن پىكىردە.
"رۋسوفوبيا مەن انتيكەڭەستىك ۇستانىم رەسەيگە قارسى ارەكەتپەن قاتار ءجۇرىپ كەلەدى. بۇنى اقش پەن ۇجىمدىق باتىس ەلدەرى بۇرىنعى كەڭەس ەلدەرىنىڭ اۋماعىنا ەنگىزىپ وتىر. ەندىگى سىناق ورنى رەتىندەگى كەزەك قىرعىزستانعا كەلگەن سياقتى. ودان كەيىن ارەكەت قازاقستاندا جالعاسۋى عاجاپ ەمەس. ەل بيلىگى كەلەشەكتى بولجاپ, ۋكراينا سياقتى سىناق ەلگە اينالماس ءۇشىن جاعدايدى بىرنەشە قادامعا كورە الا ما, بۇل ؛&ndash؛ ءوز الدىنا بولەك اڭگىمە" دەيدى ؛يۋششەنكو.
بۇعان دەيىن قىرعىز پارلامەنتىنىڭ سپيكەرى نۇرلان شاكيەۆ جالپىحالىقتىق قۇرىلتايدا بىشكەكتەگى بارلىق اۋدان اتاۋىن قىرعىز تىلىنە اۋىستىرۋعا شاقىرعان. قازىرگى ۋاقىتتا بىشكەكتە ؛لەنينسكيي, پەرۆومايسكيي, وكتيابرسكيي جانە سۆەردلوۆسكيي اۋداندارى بار.
پىكىر قالدىرۋ
پىكىر