فوتو: qamshy.kz
indriver نەگىزىن قالاۋشىسى &ndash؛ ياكۋتيالىق كاسىپكەر ارسەن تومسكيي. 30 قىركۇيەكتە كاسىپكەر almau ستۋدەنتتەرىمەن كەزدەسۋ وتكىزدى. بۇعان "ياكۋتيادان كرەمنيي القابىنا دەيىن" كىتابىنىڭ قازاقشاعا اۋدارىلۋى سەبەپ بولدى.
indriver كومپانياسى 2012 جىلى قۇرىلعان. 10 جىلدا ءتۇرلى كەدەرگىلەرگە تاپ بولىپ, ولاردى جەڭە ءبىلدى. بۇل تۋرالى كاسىپكەردىڭ ءوزى جاستارعا ايتىپ بەردى:
"ادامدى دىتتەگەن جەرىنە جەتكىزىپ سالعانعا اركىم ءارتۇرلى باعا قوياتىن. ءبىز سيفرلىق تەڭسىزدىكتى جويعىمىز كەلدى. سوندىقتان جولاۋشىعا قالاعان باعاسىن ۇسىنىپ, بارار جەرىنە ارزانىراق تولەپ جەتۋگە مۇمكىندىك ۇسىندىق. پيارعا اقشا بولگەن ەمەسپىز. سەرۆيستى ءوزىمىز قولدان كەلگەنشە جارنامالايتىنبىز. تاكسي قىزمەتىنىڭ قىمباتتاۋى, ادامداردىڭ تاڭداۋ جاساۋعا مۇمكىندىك الۋى بىزگە تەگىن جارناما بولدى. ونىمەن قويماي نازار اۋدارتۋ ءۇشىن نەشە ءتۇرلى جارنامالىق اكسيا وتكىزەتىنبىز. ايتپاقشى, ماسشتابقا شىعۋدى قازاقستاننان باستادىق. سەبەبى قازاقستانعا قوناق بولىپ كەلگەنىمدە كوشەدە تۇرىپ-اق تاكسي ۇستايتىن الماتىلىقتاردى كورىپ تاڭقالدىم. ەگەر بۇل نارىقتا وسسەك, ودان سايىن داميمىز, وسە الماساق قۇريمىز دەپ بەكىندىم. باستاپقىدا الدىمىزدان كەدەرگى شىقتى. الدەكىمدەر تابىس تاپقىمىز كەلسە, ەلۋ پايىزىن ءبولىسۋ كەرەگىن ايتىپ ەسكەرتتى. كەلىسپەدىك. ارمەن قاراي قارسىلاسا بەردىك. اقىر اياعىندا ولار قاسارۋىمىزدان شارشاپ, ءبىزدى جايىمىزعا جىبەردى".
بۇگىنگى تاڭدا indriver-دىڭ الماتىلىق كەڭسەسى بار. ول جاقتا 600-گە جۋىق ادام جۇمىس ىستەيدى. ارسەن تومسكيي الداعى ۋاقىتتا بۇل سان وسەدى دەپ وتىر.
indriver-دىڭ نەگىزىن قالاۋشىسى الماتىدا ستۋدەنتتىك زەرتحانالار اشقانىن ايتىپ بەردى. يدەياسى بار تالانتتى جاستار زەرتحاناعا قوسىلىپ, ءارتۇرلى جوبالار جاساي الادى. مىسالى, ءبىر توپ جاس كەكەشتەرگە ارنالعان ءموبيلدى قوسىمشا جاساماق. ارسەن تومسكيي قۇندىلىعىنا سايكەس كەلەتىن جوبالاردى بارىنشا قولدايتىنىن دا تىلگە تيەك ەتتى.
ياكۋتيالىق كاسىپكەر indriver-دىڭ قازاقستانداعى قىزمەت كورسەتۋ ساپاسىن وندىق شكالا بويىنشا التىعا باعالايدى ەكەن. الداعى ۋاقىتتا قىزمەت كورسەتۋ ساپاسى جوعارىلايدى دەپ سەندىردى.
جازيرا بايدالى ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر