فوتو: kremlin.ru
رەسەي پرەزيدەنتى ۆلاديمير پۋتين ءىشىنارا موبيليزاسيالاۋ (مەملەكەتتىك قارۋلى كۇشتەردى بەيبىتشىلىك جاعدايدان سوعىس جاعدايىنا كوشىرۋ) تۋرالى قاۋلىعا قول قويدى, دەپ حابارلادى ؛تاسس ؛اگەنتتىگى.
"قورعانىس مينيسترلىگى مەن باس شتابتىڭ رەسەي فەدەراسياسىندا ءىشىنارا موبيليزاسيالاۋ تۋرالى ۇسىنىسىن قولداۋ قاجەت دەپ سانايمىن" دەدى پۋتين. ؛
پۋتين موبيليزاسيالاۋ 21 قىركۇيەكتەن, ياعني بۇگىننەن باستالاتىنىن ءمالىم ءوتتى. ؛
اسكەري قىزمەتكە قارۋلى كۇشتەر قاتارىندا قىزمەت ەتكەن, اسكەري وپەراسيالارعا قاتىسقان تاجىريبەسى بار ازاماتتار شاقىرىلماق.
بيىلعى 24 اقپاندا ۋكرايناعا باسىپ كىرگەن رەسەي اسكەرى قىركۇيەك ايىنان بەرى شەگىنىپ كەلەدى. رەسمي كرەمل سوعىستا 5937 ساربازىن جوعالتقانىن ايتادى. ۋكراينا دەرەكتەرىندە بۇل مالىمەت الدەقايدا كوپ. الايدا سوعىس تەك ۇرىس دالاسىندا عانا ەمەس, اقپارات ايدىنىندا دا ءجۇرىپ جاتقاندىقتان قوس تاراپتىڭ مالىمەتىن تاۋەلسىز تەكسەرۋ قيىن. دەسە دە رەسەي اسكەرگە قوسىمشا ادام تارتا باستاعانىنا قاراعاندا سوعىساتىن جاۋىنگەر تاپشى بولىپ وتىرعان بولۋى مۇمكىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر