فوتو: قارجى مونيتورينگى اگەنتتىگى
قارجى مونيتورينگى اگەنتتىگى قاتارىندا ەكس-پرەزيدەنت نۇرسۇلتان نازارباەۆتىڭ ءىنىسى بولات نازارباەۆقا جاقىن ادام بار دەلىنگەن قىلمىستىق توپتى تەرگەۋ بارىسى تۋرالى جاريالادى.
اگەنتتىك بىرنەشە كومپانيانى رەيدەرلىك جولمەن باسىپ الۋ فاكتىسى بويىنشا سوتقا دەيىنگى تەرگەۋ بارىسىندا زارداپ شەگۋشىگە كەلتىرىلگەن شىعىن كولەمى 18 ملرد تەڭگەدەن استام قاراجاتتى قۇرايتىنىن انىقتاعان.
"14 شىلدەدە ر.باباەۆ, ت.تاناشەۆ, ءد.ابيجانوۆ جانە ا.التىباساروۆقا قاتىستى سوت قاماۋعا الۋدى سانكسيالادى. قوسپاەۆ, شالين جانە يماشەۆ حالىقارالىق ىزدەۋگە جاريالاندى.
مۇلىكتى انىقتاۋ جانە تىيىم سالۋ شارالارى قابىلداندى. جوعارىدا اتالعان ازاماتتاردىڭ $9 ملن جۋىق قۇرايتىن قاراجاتى, زەرگەرلىك بۇيىمدارى, كۇدىكتىلەر مەن ولارعا قاتىستى تۇلعالاردىڭ 154 جىلجىمايتىن مۇلىك وبەكتىسى (102 پاتەر, 6 جەر ءۇي, 28 تۇرعىنۇيگە جاتپايتىن عيماراتتار, 11 جەر تەلىمى, ساۋدا نىساندارى, ەكى گاراج, ءتورت اۆتوتۇراق) 19 پرەميۋم كلاستاعى كولىك تاركىلەندى" دەلىنگەن اقپاراتتا.
تاركىلەنگەن كولىكتەر اراسىندا 2018-2022 جىلدار ارالىعىندا شىققان rolls royce, ؛ mercedes-benz, bmw, tesla, toyota land cruiser, land rover, lexus, subaru, hyundai. سەكىلدى كولىكتەر بار.
اگەنتتىك مالىمەتىنشە, توپ مۇشەلەرىنىڭ رەيدەرلىك ارەكەتىنەن زارداپ شەككەن ازاماتتاردان ارىزدار ءالى دە كەلىپ ءتۇسىپ جاتىر. اگەنتتىك سونداي-اق ؛بولات نازارباەۆتىڭ وڭ قولى دەلىنگەن ؛ ؛ەلدوس قوسپاەۆتىڭ جانە باسقا دا تۇلعالاردىڭ ارەكەتىنەن زارداپ شەككەن كاسىپكەرلەردى قما-عا نەمەسە اۋماقتىق دەپارتامەنتتەرگە حابارلاسۋعا شاقىرادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر