شىعىس قازاقستاندا دومبىرا كۇنى تويلانۋدا

شىعىس قازاقستان وبلىسىنىڭ قالالارى مەن اۋداندارىندا دومبىرا كۇنىنە ارنالعان بۇقارالىق ءىس-شارالار ءوتتى. شىلدەنىڭ ءبىرىنشى جەكسەنبىسىندە قازاقستاندا قازاق مادەنيەتىندە ماڭىزدى ورىن الاتىن جانە ۇلتتىق قازىنا سانالاتىن مۋزىكالىق اسپاپ كۇنى اتاپ وتىلەدى.

مەملەكەت باسشىسى قاسىم-جومارت كەمەلۇلى توقاەۆ ءوزىنىڭ مەرەكەلىك سوزىندە: ء"بىزدىڭ ەلىمىز ءۇشىن بۇل ەرەكشە مەرەكە, ونى اتاپ وتە وتىرىپ, ءبىز ءوزىمىزدىڭ بىرەگەيلىگىمىزدى نىعايتىپ, حالىقتىڭ ءوزىن-وزى تانۋىن وياتامىز. ول ۇلى دالانىڭ وزىندىك داستۇرلەرىنىڭ تامىرلانۋىنا جانە وسكەلەڭ ۇرپاق اراسىندا تۋعان مادەنيەتتى ءتۇسىنۋدى تەرەڭدەتۋگە ىقپال ەتەدى" دەگەن.

وسىعان بايلانىستى, ەلىمىزدىڭ شىعىسىندا ءبىر اپتا بويى شىعارماشىلىق ۇجىمدار, بالالار مەن ەرەسەكتەر دومبىرا كۇنىن مەرەكەلەۋگە بەلسەنە قاتىستى. وبلىستىڭ ءار بۇرىشىندا, اۋىلدىق مادەنيەت ۇيلەرىندە, كىتاپحانالاردا, ساياباقتار مەن سكۆەرلەردە دومبىرانىڭ ءۇنى ەستىلدى.

- قازاقتىڭ ءتول مادەنيەتى مەن ونەرىن دومبىراسىز ەلەستەتۋ مۇمكىن ەمەس, وسى كۇنگە دەيىن ورىندالىپ كەلە جاتقان كۇيلەردە حالقىمىزدىڭ بۇكىل تاريحى كورىنىس تاپقان. جىل سايىن حالقىمىزدىڭ رۋحى مەن مىنەزىن بەينەلەيتىن وسى اسپاپتى تانىمال ەتەتىن جاس دومبىراشىلار, ارتىستەر كوبەيىپ كەلە جاتقانى قۋانتادى. بارشاڭىزدى دومبىرا كۇنىمەن شىن جۇرەكتەن قۇتتىقتايمىن جانە ءار وتباسىعا شىعارماشىلىق, تابىس جانە اماندىق تىلەيمىن, - دەدى شقو اكىمى دانيال احمەتوۆ ءوزىنىڭ instagram پاراقشاسىندا.

التاي اۋدانى وكتيابرسكيي كەنتىندە بالالارعا ارنالعان "دومبىرانىڭ ۇلى مۇراسى" تانىمدىق-ويىن باعدارلاماسى وتكىزىلدى, وندا "اقساق قۇلان" ءمۋلتفيلمى ارقىلى بار بولعانى ەكى ىشەك كومەگىمەن سيقىرلى كۇش اشىلدى. ءىس-شارا قاتىسۋشىلارىنىڭ نازارىنا وسى مۋزىكالىق اسپاپتىڭ كوپعاسىرلىق تاريحىن اشاتىن, تانىمال حالىق كۇيشىلەرىمەن تانىستىراتىن "دومبىرا-حالىقتىڭ جانى" كىتاپ كورمەسى ۇسىنىلدى.

ىس-شارادا بالالار قازاق حالىق اسپابى - دومبىرا تۋرالى كوپتەگەن جاڭا, قىزىقتى فاكتىلەردى ءبىلدى.

سونىمەن قاتار, مەرەكە قارساڭىندا گلۋبوكوە اۋدانىنىڭ مۋزىكا مەكتەپتەرى مەن انسامبلدەرىنىڭ وقۋشىلارى اباي اتىنداعى مادەنيەت ۇيىندە ونەر كورسەتىپ, "ۇكىلى دومبىرا" ؛فەستيۆالى ءوتتى. قاتىسۋشىلار وزدەرىنىڭ دومبىرانى شەبەر مەڭگەرگەندىگىن پاش ەتتى. وسىنداي ءىس-شارالار بارلىق اۋدانداردا ءوتتى.

مەرەكەنىڭ شارىقتاۋ شەگى وسكەمەن ەتنوگرافيالىق ساياباعىنداعى كونسەرت بولدى. وبلىس ۇجىمدارى ءوز شىعارماشىلىقتارىن ۇسىندى, سونداي-اق مۇندا اتاقتى ۆيرتۋوزداردىڭ قاتىسۋىمەن شەبەرلىك سىنىپتارى ۇيىمداستىرىلدى.