فوتو: tengrinews.kz
21 مامىردا شىمكەنتتە فۋتبول ويىنى كەزىندە قاتتى سوققان جەلدەن ستاديون شاتىرى ۇشىپ بارىپ ستاديون ىشىنە قۇلاعان. ۇزاماي الەۋمەتتىك جەلىدە شىمكەنتتىك جانكۇيەردىڭ ءۇيىندى اراسىنان قازاقستان تۋىن الىپ شىققان ۆيدەوسى تاراعان. بۇگىندە ۆيدەونىڭ الەۋمەتتىك جەلىدەگى قارالىمى 2 ميلليوننان اسىپ, كوپشىلىك بەيمالىم جانكۇيەردىڭ كىم ەكەنىن بىلگىسى كەلگەن.
ۆيدەوداعى جىگىتتىڭ ءاتى-جونى نۇركەن ناماز ەكەنى انىقتالدى. ؛ماچ كەزىندە ستاديوندا مىڭعا جۋىق جانكۇيەر بولعان. ءبىر توپ شاتىر قيراندىسىنىڭ استىنان قازاقستان تۋىن بايقاعان. ءورت ءسوندىرۋشى بولىپ جۇمىس ىستەيتىن نۇركەن ناماز شاتىر قالدىقتارى ءوزىن باسىپ قالۋ قاۋپىنە قاراماستان ءۇيىندى استىنان قازاقستان تۋىن الىپ شىعادى. ول مۇنداي قادامعا كەز كەلگەن قازاقستاندىق ويلانباستان بارۋى كەرەك دەر سانايدى. ؛
&ndash؛ جەل ۇشىرىپ شاتىر مىنا جەرگە كەلىپ قۇلادى. مىنا جىرتىقتار سودان قالعان. تۋدى كورگەن سوڭ الىپ شىعۋ كەرەك بولدى. تۋ ءبىزدىڭ قاستەرلەگەن ەڭ ماڭىزدى دۇنيەلەرىمىزدىڭ ءبىرى. ءبىزدى وسى ارقىلى تانيدى. ءبىز وسىنى كورىپ وستىك. تۋ ءاردايىم جوعارى تۇرۋى كەرەك, &ndash؛ دەيدى نۇركەن ناماز otyrar ؛سايتىنا بەرگەن سۇحباتىندا.
شاتىردىڭ قۇلاۋىنا بايلانىستى شىمكەنت پوليسياسى "ساپاسىز قۇرىلىس" بابى بويىنشا سوتالدى تەرگەۋدى باستاعان. توتەنشە جاعدايدان ەشكىم زارداپ شەككەن جوق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر