فوتو: اشىق دەرەككوز
"رەسەي ۋكرايناعا باسىپ كىرۋى مۇمكىن" دەگەن ءقاۋىپ كۇشەيگەن كەزدە اقش-تىڭ مەملەكەتتىك حاتشىسى ەنتوني بلينكەن ەۋروپاعا باردى.
بلينكەن بەرليندە بريتان, فرانسۋز جانە نەمىس ارىپتەستەرىمەن كەزدەسۋدەن بۇرىن كيەۆتە پرەزيدەنت ۆلاديمير زەلەنسكييمەن كەلىسسوزدەر جۇرگىزەدى.
جۇما كۇنى ول جەنەۆادا رەسەي سىرتقى ىستەر ءمينيسترى سەرگەي لاۆروۆپەن كەزدەسەدى.
بۇعان دەيىن رەسەي ۋكرايناعا شابۋىل جاساۋ جوسپارىن بىرنەشە رەت جوققا شىعارعان.
الايدا سەيسەنبىدە اقش-تىڭ جوعارى لاۋازىمدى شەنەۋنىكتەرى ماسكەۋ "كەز كەلگەن ساتتە" ۋكرايناعا باسىپ كىرۋى مۇمكىن ەكەنىن ايتتى.
اق ءۇيدىڭ ءباسپاسوز حاتشىسى دجەن پساكي جۋرناليستەرگە رەسەي ۋكراينامەن شەكاراعا جاقىن جەردە ونداعان مىڭ اسكەر جيناۋى "وتە ءقاۋىپتى جاعداي" تۋدىرعانىن ايتتى.
ول قاقتىعىستى بولدىرماۋ ءۇشىن "ەشقانداي نۇسقا تىس قالمايدى" دەدى.
ايتا كەتەيىك, بۇعان دەيىن ؛ناتو باس حاتشىسى يەنس ستولتەنبەرگ "ەۋروپادا جاڭا قارۋلى قاقتىعىس شىعۋ ءقاۋپى بار" دەپ ؛مالىمدەگەنى جاريالانعان. ؛رەسەي جاعى اقش جانە ناتو-مەن قاۋىپسىزدىك كەلىسسوزدەرىن ء"ساتسىز" دەپ سيپاتتاپ, كەيبىر ماسەلەلەر بويىنشا كەلىسپەۋشىلىكتەر جالعاسىپ جاتقانىن ايتقان. ؛ناتو رەسەيمەن سوڭعى 30 جىلدا بۇرىن-سوڭدى بولماعان سوعىس ءقاۋپى تۋعانىن مالىمدەگەن. ۇزاماي ءال-جازيرا تەلەارناسى "رەسەي ۋكرايناعا باسىپ كىرۋ ءۇشىن سىلتاۋ دايىنداپ جاتىر" دەگەن اقپارات تاراتقان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر