ۇكىمەت قىمباتشىلىقتى قالاي توقتاتپاق؟

بۇگىنگى ۇكىمەت وتىرىسىندا ينفلياسيانىڭ وسۋىنە, ازىق-تۇلىك پەن مۇناي ونىمدەرى باعاسىنىڭ كوتەرىلۋىنە جول بەرمەۋ شارالارى قارالدى. پرەمەر-مينيستر باعالاردى تۇراقتاندىرۋ بويىنشا سالالىق ۆەدومتسۆولاردىڭ ۇسىنىستارىن تىڭداپ, ءبىرقاتار تاپسىرما بەردى.

اتاپ ايتقاندا:

&diams؛باسەكەلەستىكتى قورعاۋ جانە دامىتۋ اگەنتتىگىنە مونوپولياعا قارسى شارا قولدانۋ جانە دەلدالدىق سحەمالاردى تەكسەرۋ بويىنشا جۇمىستى كۇشەيتۋ تاپسىرىلدى.

&diams؛ وڭىرلەردىڭ اكىمدىكتەرىنە ۇستەمە باعا مەن شەكتى باعانى باقىلاۋ جۇمىسىن كۇشەيتۋ, قارجى مينيسترلىگىنە ساۋدا جانە ينتەگراسيا مينيسترلىگىمەن بىرلەسىپ, ناقتى تاۋارلاردى يمپورتتاۋ نەمەسە ءوندىرۋ كەزىنەن باستاپ ولاردى ساتۋعا دەيىن مىندەتتى تۇردە ەلەكتروندىق شوت-فاكتۋرالاردى جازىپ بەرۋ بويىنشا پيلوتتىق جوبانى جۇرگىزۋ ماسەلەسىن پىسىقتاۋ تاپسىرىلدى, بۇل الىپ-ساتۋدىڭ ءاربىر دەڭگەيىندە ۇستەمە باعاعا مونيتورينگ جۇرگىزۋگە مۇمكىندىك بەرەدى.

&diams؛ ىشكى نارىقتى قامتاماسىز ەتۋ ءۇشىن اۋىل شارۋاشىلىعى مينيسترلىگىنە اۋىل شارۋاشىلىعى ونىمدەرىن ءوندىرۋ مەن تۇتىنۋ كولەمىن ەسەپتەپ, قاجەت بولعان جاعدايدا سىرتقا ساتۋ بويىنشا شەكتەۋلەر قويۋ تاپسىرىلدى.

&diams؛ ەنەرگەتيكا مينيسترلىگىنە ءبىر اي ىشىندە مۇناي ونىمدەرىن ءوندىرۋ جانە ساتۋ قۇرىلىمىن رەفورمالاۋ بويىنشا زاڭنامالىق تۇزەتۋلەردى دايىنداۋ تاپسىرىلدى.

&diams؛ باسەكەلەستىكتى قورعاۋ جانە دامىتۋ اگەنتتىگىنە يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ, كومىر باعاسىن وتكەن جىلعى دەڭگەيدە ساقتاپ قالۋ ءۇشىن زاڭعا سايكەس شارالار قابىلداۋ تاپسىرىلدى.

&diams؛ يندۋستريا جانە ينفراقۇرىلىمدىق دامۋ مينيسترلىگىنە تولىق جۇمىس ىستەمەي تۇرعان نەمەسە توقتاپ تۇرعان تاماق ونەركاسىبى كاسىپورىندارىنا مونيتورينگ پەن تالداۋ جۇرگىزىپ, ولاردىڭ تولىقتاي جۇمىس ىستەۋى ءۇشىن شارالاردى ىسكە اسىرۋ تاپسىرىلدى.

&diams؛ ۇلتتىق ەكونوميكا مينيسترلىگىنە مەملەكەتتىك ورگاندارمەن بىرلەسىپ, وسى جىلعى 1-اقپانعا دەيىن ۇكىمەتكە ينفلياسيانى باقىلاۋ جانە تومەندەتۋ جونىندەگى شارالار كەشەنىن ەنگىزۋ تاپسىرىلدى.