• usd 424.85

  • eur 504.21

  • rub 5.84

  • cny 65.86

05 جەلتوقسان, 05:57:32
الماتى
+5°
ازاماتتىق بەلسەندى, دەموكراتيالىق پارتيا باستاماشىل توبىنىڭ جەتەكشىسى جانبولات ماماي ءوزىنىڭ ۇستىنەن قىلمىستىق ءىس قوزعالعانىن ءمالىم ەتتى.
 ؛
"مەنىڭ ۇستىمنەن قىلمىستىق ءىس قوزعالدى. ؛جاڭا عانا الماتى پوليسياسىنان حابارلاسىپ, ماعان قارسى 378 باپ بويىنشا قىلمىستىق ءىس قوزعالعانىن جازدى. ؛بۇگىن, 26 قازان كۇنى ساعات 16-00 الماتى پوليسيا دەپارتامەنتىنە شاقىردى" دەيدى بەلسەندى.
 ؛
قىلمىستىق كەدەكستىڭ 378-بابىندا "بيلىك وكiلiن قورلاۋ" بويىنشا جاۋاپكەرشىلىككە تارتۋ كوزدەلگەن.
 ؛
باپتىڭ 1-تارماعىندا "بيلىك وكiلiن ءوز قىزمەتتiك مiندەتتەرiن اتقارۋ كەزiندە نەمەسە ولاردى اتقارۋىنا بايلانىستى قورلاۋ &ndash؛ ؛سەكسەن ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە سەكسەن ساعاتقا دەيىنگى مەرزىمگە قوعامدىق جۇمىستارعا تارتۋعا نە جيىرما تاۋلىككە دەيىنگى مەرزىمگە قاماققا الۋعا جازالانادى", 2-تارماعىندا "جاريا تۇردە نەمەسە بۇقارالىق اقپارات قۇرالدارىن نەمەسە تەلەكوممۋنيكاسيالار جەلىلەرىن پايدالانا وتىرىپ جاسالعان ءدال سول ىس-ارەكەت ء&ndash؛ ؛بىر ءجۇز الپىس ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءبىر ءجۇز الپىس ساعاتقا دەيiنگi مەرزiمگە قوعامدىق جۇمىستارعا تارتۋعا نە قىرىق تاۋلىككە دەيىنگى مەرزىمگە قاماققا الۋعا جازالانادى" دەلىنگەن.
 ؛
جانبولات ماماي وپپوزيسيالىق ۇستانىمداعى ازاماتتىق بەلسەندى. دەموكراتيالىق پارتيا دەپ اتالاتىن ساياسي كۇش قۇرعىسى كەلەدى. بۇل ماقساتتا ادىلەت مينيسترلىگىنە ىنتالى توپتى تىركەگەن. الايدا پارتيا قۇرىلتايىن وتكىزبەك بولعانىندا جاقتاستارى قامالىپ, سوعان قارسىلىق رەتىندە ميتينگ ۇيىمداستىرعان. بەلسەندى نەسيە امنيستياسىن تالاپ ەتىپ, جەردى شەتەلدىكتەرگە جالعا بەرۋ, قازاقستاندىقتارعا ساتۋ, قىتاي ەكسپانسياسىنا قارسىلىق, ساياسي تۇتقىندارعا بوستاندىق سەكىلدى ماسەلەلەردى كوتەرىپ بىرنەشە رەت ميتينگ ۇيىمداستىرعان. ولاردىڭ كەيبىرىنە بيلىك تاراپىنان رۇحسات بەرىلسە, كەيبىرىنە رۇحسات بەرىلمەگەن. ميتينگتەر كەزىندە الدەنەشە رەت بىرنەشە جاقتاسى ۇستالعان. كەي نارازىلىق اكسيالارىندا بەلسەندىلەر قىستى كۇنى دالادا ساعاتتاپ پوليسيا قورشاۋىندا تۇرعان.
"قامشى" سىلتەيدى
ىلمەك سوزدەر: جانبولات ماماي

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر