12 قازان, 2021 news
فوتو: pixabay.com
ۇلتتىق بانك ءتوراعاسى ەربولات دوساەۆ قازاقستاننىڭ 13 وبلىسىندا جىلدىق ينفلياسيا جىلدام ءوسىپ جاتقانىن ايتتى.
&ndash؛ كوكونىس باعاسىنىڭ 8,7%-عا جانە جەمىس باعاسىنىڭ 2,4%-عا ماۋسىمدىق تومەندەۋىنە قاراماستان, قازاقستاندا ينفلياسيا 8,9%-عا جەتىپ, جىلدامداۋىن جالعاستىردى, ؛&ndash؛ ؛ دەدى دوساەۆ ۇكىمەت وتىرىسىندا.
ايتۋىنشا, مونەتارلىق ەمەس فاكتورلاردى تۇراقتاندىرۋ ءۇشىن بيىل قىركۇيەكتە ۇكىمەت اكىمدەرمەن بىرلەسىپ ينفلياسياعا قارسى دەن قويۋ شارالارى كەشەنىن ىسكە اسىرا باستاعان. سونىڭ ناتيجەسىندە الەۋمەتتىك ماڭىزدى ازىق-تۇلىك تاۋارلارى باعاسى تامىزداعى ەڭ جوعارى 10,4%دان قىركۇيەكتە 9,6%-عا دەيىن تومەندەگەن.
الايدا قازاننىڭ ءبىرىنشى اپتاسىنىڭ قورىتىندىسى بويىنشا باعا تاعى دا ءوسىپ, جىل باسىنان بەرى 9,9%-دى قۇرادى. الەۋمەتتىك ماڭىزدى ازىق-تۇلىكتىڭ قىمباتتاۋىنا جۇمىرتقا, تاۋىق ەتى, قىرىققابات, قانت پەن سيىر ەتى باعاسىنىڭ ءوسۋى اسەر ەتكەن.
&ndash؛ قىركۇيەكتە ديزەل وتىنىنىڭ باعاسى 3,8%-عا ءوستى, ال جەكەلەگەن وبلىستاردا 10%-دان استى. ءوندىرىستىڭ ۇلعايۋى مەن ەكسپورتتىڭ توقتاۋىنا قاراماستان, ديزەل وتىنىنىڭ تاپشىلىعى بايقالۋدا. بۇل ينفلياسيالىق قىسىمدى كۇشەيتىپ, باسقا تاۋارلارعا جاناما اسەر ەتىپ جاتىر, &ndash؛ دەدى دوساەۆ.
ۇلتتىق بانك ءتوراعاسى وتكەن ايدا 17 ءوڭىردىڭ 13-ىندە جىلدىق ينفلياسيا جەدەلدەگەنىن مالىمدەدى. التى وبلىستا ينفلياسيا 9%-دان اسقان.
دوساەۆ ينفلياسيانى "ۇستاپ تۇرۋ" ءۇشىن وڭىرلىك نارىقتاردا باعانى تۇراقتاندىرىپ, تاۋارلار تاپشىلىعىنا جول بەرمەۋ كەرەك ەكەنىن ايتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر