ەگەر ادامنىڭ دەنساۋلىعى دۇرىس بولسا, ەشقانداي جاناما اسەرى بولمايدى

شىمكەنت قالاسىندا 15 قىركۇيەك كۇنى باستالعان, تۇماۋعا قارسى ەكپە ەگۋ جۇمىستارى 15 قاراشاعا دەيىن سوزىلماق. اتالعان ۆيرۋستىق اۋرۋ اعزانىڭ يممۋندىق قورعانىسىنا قاتتى اسەر ەتەدى. سونىڭ اسەرىنەن ادام اعزاسى ءتۇرلى جۇقپالى جانە تىنىس الۋ اۋرۋلارىنا بەيىم كەلەدى.

سونداي-اق, كوروناۆيرۋستىق پاندەميانىڭ ءورشىپ تۇرعانى دا بار. دەنساۋلىق ساقتاۋ مينيسترلىگى تەك كورونوۆيرۋسقا عانا ەمەس, تۇماۋعا دا قارسى ەكپە الۋدى ۇسىنىپ وتىر. ەكى ۆاكسينانى بىرىكتىرۋگە بولا ما جانە ولاردىڭ بىر-بىرىنە اسەرى قانداي؟

ەمحانالارعا تۇماۋعا قارسى ۆاكسينانىڭ ءبىر بولىگى كەلىپ قويعان. ماۋسىمدىق اۋرۋعا قارسى ەكپەنى العاشقىلاردىڭ ءبىرى بولىپ شىمكەنتتىڭ باس دارىگەرى العان.

«؛ەگەر ادامنىڭ دەنساۋلىعى دۇرىس بولسا, ەشقانداي جاناما اسەرى بولمايدى»؛ دەيدى باقىتجان پوزيلوۆ.

باقىتجان پوزيلوۆ, شىمكەنت قالالىق دەنساۋلىق ساقتاۋ باسقارماسىنىڭ باسشىسى: «؛تۇماۋعا قارسى ۆاكسينانى سوڭعى 10 جىل ىشىندە جىل سايىن الىپ وتىرامىن. مىنە, بۇگىن دە كەلدىم. مەن العان ەكپەنىڭ اتى «؛گريپپول پليۋس»؛. تۇماۋ ماۋسىمى باستالىپ جاتقاندىقتان, ونى جۇقتىرىپ الۋ ءقاۋپى جوعارى. ەكپەنىڭ الدىندا مەنى دارىگەر قاراپ, قىسىمىمدى ولشەدى. ءبىرشاما تەكسەرۋ جۇرگىزىپ, سۇراقتار قويدى. ارنايى كەلىسىم پاراعىن تولتىردىم. ەكپەنىڭ ورنى اۋىرىپ تۇرعان جوق. ماعان 30 مينۋت وسىندا وتىرۋ كەرەك, ودان كەيىن دارىگەرلەر تاعى تەكسەرەدى»؛.

تۇماۋعا قارسى ۆاكسينانى 79 جاسار زەينەتكەر قاريا دا الۋعا كەلىپتى. ءابدىعالي الىمبەكوۆ ۇزاق ءومىر ءسۇرۋ ءۇشىن مىقتى دەنساۋلىق كەرەك ەكەنىن ايتادى. ەكپە العانىمنىڭ ارقاسىندا, وتە سيرەك اۋىرامىن دەيدى اقساقال.

ەپيدەميولوگ مامانداردىڭ ايتۋىنشا, تۇماۋمەن اۋىرۋدىڭ شارىقتاۋ شەگى قازان ايىنا تۋرا كەلەدى. الدىمەن كورونوۆيرۋسقا قارسى ەگىلگەن ءجون, سودان كەيىن تۇماۋعا قارسى ۆاكسينانى الۋعا بولادى. ەڭ باستىسى, ەكى ەكپەنىڭ اراسى كەم دەگەندە 3 اپتا بولۋى كەرەك.

باقىتجان پوزيلوۆ, شىمكەنت قالالىق دەنساۋلىق ساقتاۋ باسقارماسىنىڭ باسشىسى: «؛كوروناۆيرۋسقا ارنالعان ۆاكسينا مەن تۇماۋعا قارسى ۆاكسينا ەكى ءتۇرلى. سول سەبەپتى ەكى ينفەكسياعا دا قارسى ەكپە الۋ قاجەت. كوۆيدكە قارسى ۆاكسينانىڭ ەكىنشى كومپونەنتىن العاننان سوڭ, ارادا 20-30 كۇن وتكەننەن كەيىن عانا تۇماۋعا ارنالعان ەكپەنى الۋعا بولادى. اركىم ءوزى تىركەلگەن جەكە نەمەسە مەملەكەتتىك ەمحاناعا بارىپ, ەكپەنى تەگىن الا الادى»؛.

مەديسينا قىزمەتكەرلەرى ەڭ الدىمەن زەينەتكەرلەر مەن جۇكتى ايەلدەرگە جانە سوزىلمالى اۋرۋى بار ادامدار, كوپ اۋىراتىن بالالارعا قىزمەت كورسەتەدى. تۇماۋ ەڭ ءبىرىنشى جۇيكە جۇيەسىنە, بۋىندارعا جانە تىنىس الۋ مۇشەلەرىنە اسەر ەتەدى. سونىمەن قاتار, دارىگەرلەر بالالارعا 6 ايدان باستاپ ەكپە ەگۋگە بولاتىنىن ايتتى.

«؛مەن ۆاكسينا سالعىزعاندى دۇرىس كورەمىن. بالالارىما ءارقاشان ەكپە ەكتىرەمىن جانە ونى مىندەتتى تۇردە سالعىزۋ كەرەك دەپ ويلايمىن. ەكپەنى العاننان كەيىن دە بالا اۋىرىپ قالۋى مۇمكىن, ءبىراق جەڭىل تۇردە وتەدى»؛, دەيدى قالا تۇرعىنى.

قازىرگى تاڭدا ەمحانالاردا ەكپە سالدىرۋعا كەلگەندەر سانى كوپ ەمەس. ءبىراق, دارىگەرلەردىڭ ايتۋىنشا, پاسيەنتتەر سانى كۇننەن كۇنگە ارتۋدا. ەكپە الۋ ويداعىداي ءوتۋى ءۇشىن, پاسيەنتتىڭ دەنساۋلىعى جاقسى بولۋى قاجەت. سەبەبى ەكپەگە قارسى كورسەتكىشى بار جانداردىڭ اۋرۋلارى اسقىنۋى مۇمكىن. دەگەنمەن, كوپ جاعدايدا ەكپە اسقىنۋسىز وتەدى.