20 قىركۇيەك, 2021 news
فوتو: شىمكەنت قالاسى اكىمىنىڭ ءباسپاسوز قىزمەتى
بۇگىن شىمكەنت قالاسىنىڭ اكىمى مۇرات ايتەنوۆ كاراتەدەن توكيوداعى جازعى وليمپيادا ويىندارىنىڭ قولا جۇلدەگەرلەرى دارحان ءاسادىلوۆ پەن سوفيا بەرۋلسەۆاعا پاتەر كىلتىن تابىستادى.
سپورتتاعى جەڭىستەر ەل ابىرويى ءۇشىن قىزمەت ەتەتىنىن ايتقان قالا اكىمى مەملەكەت باسشىسى جازعى وليمپيادا ويىندارىندا جۇلدەگەر بولعان قازاقستاندىق سپورتشىلاردىڭ ەڭبەگىن ەرەكشە باعالاپ مەملەكەتتىك ناگرادا تاعايىنداعانىن اتاپ ءوتتى.
تورت جىلدىقتىڭ باستى باسەكەسىندە ەل ءۇمىتىن اقتاعان دارحان ءاسادىلوۆ پەن سوفيا بەرۋلسەۆا «؛قۇرمەت»؛ وردەنىمەن ناگرادتالعان. مەملەكەتتىك ناگرادانى قر پرەزيدەنتى قاسىم-جومارت توقاەۆتىڭ اتىنان قر مەملەكەتتىك حاتشىسى قىرىمبەك كوشەرباەۆ تابىستاعان بولاتىن.
مۇرات ايتەنوۆ جەتىستىكتەر ارقىلى كاراتە سپورت ءتۇرىنىڭ قالادا دامۋ دەڭگەيىن كورسەتكەنىن ايتىپ, وسى ەڭبەكتەرى ءۇشىن قالا تۇرعىندارى اتىنان العىس ءبىلدىردى.
ايتا كەتەيىك, سپورتشىلارعا تۇرعىن ءۇي قورىنان «؛نۇرسات»؛ شاعىن اۋدانىنان 1 بولمەلى پاتەر بەرىلدى.
كاراتە سپورتى وليمپيادا ويىندارىنا تۇڭعىش رەت ەنگىزىلگەن ەدى. دارحان مەن سوفيا &ndash؛ كاراتە تاريحىندا قازاقستاننان شىققان تۇڭعىش وليمپيادا جۇلدەگەرى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر