19 قىركۇيەك, 2021 سپورت
فوتو: qamshy.kz
بوكستان قازاقستان ايەلدەر قۇراماسىنىڭ مۇشەسى نازىم قىزايباي مەن انگەلينا لۋكاس قۇرامادان ۋاقىتشا شەتتەلۋى مۇمكىن. بۇل تۋرالى سپورت جانە دەنە شىنىقتىرۋ ىستەرى كوميتەتىنىڭ ءباسپاسوز قىزمەتى ؛حابارلادى.
بوكسشى انگەلينا لۋكاستىڭ ايەلدەر اراسىنداعى ۇلتتىق قۇراماداعى جاعدايلارعا بايلانىستى جولداعان ۇندەۋى بويىنشا قىزمەتتىك تەكسەرىس جۇرگىزۋ ءۇشىن ارنايى كوميسسيا قۇرىلعان.
كوميسسياعا تاراپتاردىڭ ءۋاجى مەن ءىستىڭ ماتاريالدارىن قاراپ, تومەندەگىدەي شارالار قابىلداۋ مىندەتى قويىلىپ وتىر:
- قازاقستان بوكس فەدەراسياسى ۇلتتىق وليمپيادا كوميتەتىمەن بىرلەسىپ, سپورت ەتيكاسىن بۇزعانى ءۇشىن ەكى بوكسشى &ndash؛ نازىم قىزايباي مەن انگەلينا لۋكاستى ۋاقىتشا شەتتەتۋ ماسەلەسىن قاراستىرۋ؛
- ؛سپورتتىق ءتارتىپتى بۇزۋ فاكتىلەرى بويىنشا وبەكتيۆتى تەرگەۋ جۇرگىزىپ, 20 قىركۇيەككە دەيىن سپورت جانە دەنە شىنىقتىرۋ ىستەرى كوميتەتىنە ۇلتتىق كوماندانىڭ باسەكەگە قابىلەتتى قۇرامىن جاساقتاۋ؛
- ايەلدەر قۇراماسى باس باپكەرىنىڭ راپورتى بويىنشا, دوپينگكە قارسى ۇلتتىق ورتالىقتىڭ ماماندارىن تارتا وتىرىپ, قۇراما كوماندا مۇشەلەرىنىڭ دوپينگ (تىيىم سالىنعان پرەپاراتتار) قولدانۋ مۇمكىندىگىنە تەكسەرۋ جۇرگىزۋ؛
- كومانداداعى پسيحولوگيالىق احۋالدى جاقسارتۋ, جانجالعا جول بەرمەۋ ءۇشىن پسيحولوگتاردى, مەدياتورلاردى تارتا وتىرىپ جۇمىس جۇرگىزۋدى ۇسىنۋ.
"مادەنيەت جانە سپورت مينيسترلىگى الداعى ۋاقىتتا وسىنداي كەلەڭسىز جاعدايعا جول بەرمەۋ ءۇشىن فەدەراسيالاردىڭ بارىنە كومانداداعى تاربيەلىك جۇمىستى كۇشەيتۋ قاجەتتىگى تۋرالى حات جولدادى. سونداي-اق ؛باس باپكەر ەرىك العابەكتىڭ ۇلتتىق قۇراماداعى باقىلاۋدى السىرەتكەنىن اتاپ ءوتۋ كەرەك. بۇل كومانداداعى سپورتتىق ءتارتىپتى جۇيەلى تۇردە بۇزۋعا الىپ كەلدى" دەپ مالىمدەمە جاسادى كوميتەتتىڭ ءباسپاسوز قىزمەتى.
ارنايى كوميسسيا قۇراماداعى بارلىق بوكسشى قىزدارعا قىزمەتتىك تەكسەرىس جۇرگىزەدى. كوميسسيا ەندى سپورتتىق ءتارتىپتىڭ قالاي بۇزىلعانىن, دوپينگ قولدانعان سپورتشىلاردىڭ بار-جوعىن انىقتايدى. سونداي-اق, ەڭبەك شارتىن بۇزعانى ءۇشىن انگەلينا لۋكاستى قانداي تارتىپتىك جاۋاپكەرشىلىككە تارتاتىنىن دا شەشەدى.
ايتا كەتەيىك, بۇعان دەيىن انگەلينا لۋكاس "ماعان نازىم قىزايباي كۇن كورسەتپەيدى, سونىڭ كەسىرىنەن ۇلتتىق قۇرامادان شەتتەتىلدىم" دەپ جاريالاعان ەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر