قازاقستاندا جۇرگىزۋشى كۋالىگىنە ەمتيحان تاپسىرۋ ءتارتىبى وزگەرەدى

قازاقستاندا جۇرگىزۋشى كۋالىككە ەمتيحان تاپسىرۋ ەرەجەلەرى وزگەرتىلەدى. بۇدان بىلاي ازاماتتار ؛ەمتيحانداردى ؛تومەندەگىدەي رەتپەن تاپسىرا الادى.

الدىمەن تەوريالىق, سودان كەيىن پراكتيكالىق ەمتيحان تاپسىرادى.

تەوريالىق ەمتيحان تاپسىرماعان جۇرگىزۋشى كۋالىگىن العىسى كەلەتىن ادام پراكتيكالىق ەمتيحانعا جىبەرىلمەيدى.

تەوريالىق جانە پراكتيكالىق قايتالاما ەمتيحان الدىڭعى ەمتيحان كۇنىنەن باستاپ ءبىر جۇمىس كۇنىنەن كەشىكتىرىلمەي تاعايىندالادى.

تەوريالىق ەمتيحان "ازاماتتارعا ارنالعان ۇكىمەت "مەملەكەتتىك كورپوراسياسى" كەاق ايقىندايتىن تارتىپپەن وتكىزىلەدى جانە وپەراتوردىڭ قاتىسۋىمەن وتكىزىلەدى.

وپەراتور ەمتيحان تاپسىرۋشىلاردىڭ وسى قاعيدالاردا بەلگىلەنگەن تالاپتاردى ساقتاۋىن باقىلاۋدى قامتاماسىز ەتەدى.

تەوريالىق ەمتيحاندى تاپسىرۋ ءۇشىن ەمتيحان تاپسىرۋشىلار ەمتيحان كۇنىنە دەيىن ءبىر جۇمىس كۇنىنەن كەشىكتىرمەي ءوتىنىشتى "ەلەكتروندىق ۇكىمەت" پورتالى, پورتالدىڭ ينتەگراسيالىق سەرۆيستەرى ارقىلى نەمەسە مەملەكەتتىك كورپوراسياعا جۇگىنۋ ارقىلى بەرەدى.

مەملەكەتتىك كورپوراسياعا حابارلاسقان كەزدە ەمتيحان ؛تاپسىرۋشىنىڭ جەكە باسىن كۋالاندىراتىن قۇجاتتى نەمەسە سيفرلىق قۇجاتتار سەرۆيسىنەن ەلەكتروندىق قۇجاتتى ؛بولۋى ءتيىس. ؛

وپەراتور جەكە باستى كۋالاندىراتىن قۇجاتتى نە ەلەكتروندىق قۇجاتتى مەملەكەتتىك اقپاراتتىق جۇيەلەردەگى (سايكەستەندىرۋ ءۇشىن) مالىمەتتەرمەن سالىستىرىپ تەكسەرەدى.

پورتال ارقىلى جۇگىنگەن جاعدايدا ەمتيحان تاپسىرۋشىنىڭ "جەكە كابينەتىندە" نە پورتالدىڭ ءتيىستى ينتەگراسيالىق سەرۆيسىندە مەملەكەتتىك قىزمەت كورسەتۋ ءۇشىن سۇراۋ سالۋدىڭ قابىلدانعانى تۋرالى مارتەبە كورسەتىلەدى.

ەمتيحان الۋشى تەوريالىق ەمتيحاندى تاپسىرۋ ءۇشىن بوس ورىنداردىڭ بولۋىنا قاراي تەستىلەۋ كۇنىنە دەيىن ءبىر جۇمىس كۇنىنەن كەشىكتىرمەي تەوريالىق ەمتيحاندى تاپسىرۋ ورنى, كۇنى مەن ۋاقىتىن تاڭدايدى.

پيلوتتىق جوبانىڭ تولىق ماتىنىمەن مىنا جەردە تانىسۋعا بولادى.

 ؛