فوتو: الماتى قالاسى اكىمىنىڭ ءباسپاسوز قىزمەتى
اكادەميالىق وپەرا جانە بالەت تەاترى ماڭىنداعى سكۆەرلەردى اباتتاندىرۋ جۇمىستارى اياقتالىپ كەلەدى. اۋماقتى كوگالداندىرۋ جانە جارىقتاندىرۋ جۇمىستارى جۇرگىزىلدى.
قازىرگى كەزدە الماتى قالاسى جاسىل ەكونوميكا باسقارماسى تاريحي قالپىن ساقتاي وتىرىپ اۋماقتى ابباتاندىرۋ, كوگالداندىرۋ جۇمىستارىن اياقتادى. جۇمىستار اياسىندا شويىن ورىندىقتار, قوقىس جاشىكتەرى مەن جارىقتاندىرۋ باعانالارى ورناتىلدى. جۇمىستاردى جۇرگىزۋ بارىسىندا اۋماقتىڭ تاريحي سۋرەتتەرى قارالىپ وتىردى. نىساندى جىل سوڭىنا دەيىن اياقتاۋ جوسپارلانعان.
الايدا, نەدەلكا سۋبۇرقاعىن قالپىنا كەلتىرۋ بارىسىندا جۇمىسقا قاجەتتى بولشەكتەردى ۇرلاۋ فاكتىلەرى تىركەلدى. كەپىلدى مىندەتتەمەلەر اياسىندا مەردىگەر ۇيىم بىرنەشە رەت قاجەتتى بولشەكتەردى قالپىنا كەلتىردى. مۇنداي جاعدايلار جۇمىس ۋاقىتىن ۇزارادى, سەبەبى قاجەتتى بولشەكتەر ارنايى تاپسىرىسپەن جاسالادى.
جالپى, الماتىدا 2020 جىلدان بەرى ساياباق ايماقتارىن اباتتاندىرۋ بويىنشا كەشەندى جۇمىستار اتقارىلىپ كەلەدى. 2021 جىلى وننان استام قوعامدىق ورىننىڭ اباتتاندىرۋ جۇمىستارىن اياقتاۋ جوسپارلانعان.
وكىنىشكە وراي جاڭارتىلعان ساياباقتاردا ۆانداليزم فاكتىلەرى ءجيى تىركەلە باستادى. قالا تۇرعىندارى مەن قوناقتارىن ءوزىمىزدى ؛ قورشاعان ورتانى سىيلاپ, قوعامدىق ورىندارداعى مۇلىككە مۇقيات بولۋدى سۇرايمىز.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر