• usd 424.85

  • eur 504.21

  • rub 5.84

  • cny 65.86

03 جەلتوقسان, 09:27:41
الماتى
+7°

پرەزيدەنت ق.توقاەۆ قازاقستان حالقىنا ارناعان جولداۋى بارىسىندا قازاقستانداعى ەتنوسارالىق قارىم-قاتىناس پەن ءتىل ماسەلەسى تۋرالى ايتا كەلىپ, "ورىس ءتىلى قازاقستانداعى رەسمي ءتىل" دەپ سوزدەن ءسۇرىندى.

ول ەلدەگى ۇلتارالىق كەلىسىمدى ساقتاۋ ماڭىزدى ەكەنىن جەتكىزىپ, ۇلتارالىق ۇيلەسىمدىلىكتى دامىتۋ ەلدىڭ باستى باعىتتارىنىڭ ءبىرى بولىپ قالا بەرەتىنىن مالىمدەدى.

&ndash؛ بۇنى قازاقستاندىقتاردىڭ باسىم كوپشىلىگى قولدايدى. ءبىز كونستيتۋسيا بويىنشا ءبىرتۇتاس ەلمىز. پىكىر ءارۋالدىعىن قولدايمىز. ءبىراق راديكاليزمنىڭ كەز كەلگەن ءتۇرىن قاتاڭ ايىپتايمىز. ادامدى تىلىنە, ناسىلىنە قاراپ كەمسىتۋگە جول بەرمەيمىز. قازاق ءتىلىنىڭ ءورىسى شەكتەلىپ وتىر دەگەنگە نەگىز جوق. قازاقستاندا ءبىر عانا مەملەكەتتىك ءتىل بار. ال ورىس ءتىلى رەسمي ءتىل ستاتۋسىنا يە. زاڭ بويىنشا وعان شەكتەۋ قويۋعا بولمايدى, ؛&ndash؛ دەگەن ول جاستار ورىس ءتىلىن ۇيرەنسە, ۇتىلمايتىنىن جەتكىزدى.

 ؛

پرەزيدەنت ايتقانداي, كونستيتۋسيا بويىنشا قازاقستاندا ءبىر عانا مەملەكەتتىك ءتىل بار. ول ؛&ndash؛ قازاق ءتىلى. ال ورىس تىلىنە بايلانىستى كونستيتۋسياداعى 7-باپتىڭ 2-تارماعىندا "مەملەكەتتىك ۇيىمداردا جانە جەرگىلىكتى ءوزىن-وزى باسقارۋ ورگاندارىندا ورىس ءتىلى رەسمي تۇردە قازاق تىلىمەن تەڭ قولدانىلادى" دەلىنگەن. الايدا بۇل ورىس ءتىلى قازاقستاندا رەسمي ءتىل دەگەندى بىلدىرمەيدى.

 ؛

سوڭعى ۋاقىتتا ءتىل ماسەلەسى قوعامدا قىزۋ تالقىعا ءتۇسىپ جاتىر. جۋىردا ء"تىل مايدانى" قوزعالىسى بەلسەندىلەرىنىڭ قازاقشا قىزمەت كورسەتۋدى تالاپ ەتكەن ارەكەتتەرىنە بايلانىستى رەسەيدىڭ ءبىرقاتار ءباسپاسوز قۇرالدارى "قازاقستاندا ورىس تىلىنە قىسىم جاسالىپ وتىر" دەپ اقپارات تاراتتى.

ۇزاماي پرەزيدەنت اكىمشىلىگى ءتوراعاسىنىڭ ءبىرىنشى ورىنباسارى داۋرەن اباەۆ بەلسەندىلەردىڭ ارەكەتىن "ۇڭگىر ءپاتريوتيزمى" دەپ اتادى. كەي ساياساتتانۋشىلار اباەۆ مالىمدەمەسىن ماسكەۋ بيلىگىنە مۇنداي ارەكەتتەر قازاقستان بيلىگى تاراپىنان ۇيىمداستىرىلىپ وتىرماعانىن ۇعىندىرۋعا تىرىسقانىمەن تۇسىندىرەدى.

ارتىنشا ؛تىل مايدانى قوزعالىسىنىڭ جەتەكشىسى قۋات احمەتوۆتىڭ ۇستىنەن باس پروكۋراتۋرا قىلمىستىق كودەكستىڭ ؛174-بابى (الەۋمەتتiك, ۇلتتىق, رۋلىق, ناسiلدiك, تەكتىك-توپتىق نەمەسە دiني الاۋىزدىقتى قوزدىرۋ) بويىنشا ؛قىلمىستىق ءىس قوزعاپ, بەلسەندى بىرەر كۇن بۇرىن قازاقستاننان كەتۋگە ءماجبۇر بولعان. ول ءقازىر ۋكراينا استاناسى كيەۆتە.

سونداي-اق قازاقستاندا جاڭا وقۋ جىلى قارساڭىندا قازاق اتا-انالار بالاسىن ورىس سىنىبىنا, ورىسشا ءبىلىم بەرەتىن مەكتەپكە بەرىپ جاتقانى تۋرالى اڭگىمەلەر الەۋمەتتىك جەلىدە جيىلەگەن. اڭگىمەنى ستاتيستيكالىق دەرەكتەر دە راستاعان. سوڭعى 5 جىلدا قازاق مەكتەپتەرىندە وقيتىن بالا سانى 18 پايىزعا, ورىس مەكتەپتەرىندە وقيتىن بالا سانى 20 پايىزعا ارتقان.

بىرنەشە ساراپشى مۇنىڭ سەبەبىن "بيلىك باسىنداعىلار قازاق ءتىلىن تالاپ ەتۋشىلەرگە دەگەن كوزقاراسىن "ۇڭگىردەگى ۇلتشىلدار" دەپ اشىق ءبىلدىرىپ وتىرعان كەزدە, جۇرت قازاق ءتىلىنىڭ بولاشاعىنا سەنبەيتىنىمەن بايلانىستىرادى.

"قامشى" سىلتەيدى
ىلمەك سوزدەر: جولداۋ ءتىل ماسەلەسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر