فوتو: www.gov.kz
«؛الماتى مەكتەپتەرى پوستكوۆيدتىك كەزەڭدە: ءبىلىم ساپاسى, بالالاردىڭ دەنساۋلىعى جانە وتباسىنىڭ ءرولى»؛ ونلاين-فورۋمىندا سويلەگەن سوزىندە مەگاپوليس اكىمى باقىتجان ساعىنتاەۆ ءبىلىمنىڭ ساپاسى مەن ينكليۋزيۆتىلىگىن ارتتىرۋ ماسەلەسىن كوتەردى.
«؛پاندەميا بۇكىل ءبىلىم بەرۋ جۇيەسىنىڭ وسالدىعىن ايقىن كورسەتتى. سوندىقتان, وسى داعدارىس ىقپال ەتكەن يننوۆاسيالار مەن شىعارماشىلىق ءبىزدىڭ ءبىلىمىمىزدى ساپالى, ينكليۋزيۆتى جانە تۇراقتى ەتۋ ءۇشىن قولدانىلۋى ءتيىس ءارى بۇل وتە ماڭىزدى»؛, - دەپ اتاپ ءوتتى ب. ساعىنتاەۆ.
الماتى اكىمىنىڭ ايتۋىنشا, قاشىقتىقتان وقىتۋعا كوشۋدىڭ العاشقى كۇندەرىنەن باستاپ مۇعالىمدەردىڭ تەحنولوگيالىق دايارلىق ماسەلەسى نازاردا بولدى جانە جۇمىستى ۇيىمداستىرۋ تاسىلدەرىن قايتا قاراۋ قاجەتتىلىگى تۋىندادى.
«؛سوندىقتان, وتكەن جىلدان باستاپ قالاداعى ءبىلىم ساپاسىنىڭ تومەندەۋىنە جول بەرمەۋ جانە وزگەرمەلى ورتادا ونىڭ دامۋىن قامتاماسىز ەتۋ ءۇشىن ءبىز جەتەكشى قازاقستاندىق جانە حالىقارالىق ساراپشىلارمەن بىرگە «؛الماتى مەكتەپتەرى»؛ اتتى ارنايى ءۇش جىلدىق باعدارلامانى ازىرلەۋگە كىرىستىك»؛, - دەپ حابارلادى ب. ساعىنتاەۆ.
باعدارلامانىڭ ءمانى زاماناۋي تاسىلدەر, ادىستەر مەن تاجىريبەلەر نەگىزىندە مۇعالىمدەر مەن مەكتەپتىڭ باسقارۋ قۇرامىن ساپالى ءارى جاڭاشا دايارلاۋ.
«؛باعدارلاما پوستكوۆيدتىك كەزەڭدە ءبىلىم بەرۋ جۇيەسىن «؛وڭالتۋعا»؛ باعىتتالعان شارالاردىڭ ءبىرى بولىپ تابىلادى جانە ونى ىسكە اسىرۋ قاجەتتى وڭ ناتيجە بەرەتىنىنە سەنىمدىمىز»؛, - دەدى قالا اكىمى.
سونىمەن قاتار, الماتىداعى بولات وتەمۇراتوۆتىڭ قوعامدىق قورىمەن بىرگە «؛جاسىل مەكتەپ»؛ مەكتەپ فەرمەرلىگىنىڭ جوباسى ىسكە قوسىلدى. بيىلعى وقۋ جىلىنان باستاپ 16 ءبىلىم بەرۋ ۇيىمىنىڭ اۋماعىندا جىلىجايلار جىل بويى جۇمىس ىستەي باستايدى. وسىلايشا, كورشىلەس اۋماقتاردىڭ كوگالداندىرۋدى كەڭەيتۋگە بولادى, ەڭ باستىسى بۇل بالالارعا ءتۇرلى داقىلداردىڭ ءوندىرىسى تۋرالى كوبىرەك بىلۋگە مۇمكىندىك بەرەدى. بۇل بالالار ءۇشىن تانىمدىق جوبا بولىپ تابىلادى.
«؛جاڭا وقۋ جىلىندا جىلىندا اتا- انالارمەن جۇمىسقا ەرەكشە نازار اۋدارۋ قاجەت, ويتكەنى ولار وقۋ پروسەسسىنىڭ ماڭىزدى قاتىسۋشىلارى بولىپ تابىلادى. ولاردىڭ كوپشىلىگى, مۇعالىمدەر سياقتى, پاندەميا مەن قاشىقتان وقىتۋ كەزىندە قيىندىقتارعا تاپ بولدى. سوندىقتان ولارعا دا ءبىزدىڭ قولداۋىمىز قاجەت»؛, - دەدى ب. ساعىنتاەۆ.
سوندىقتان ءبىلىم باسقارماسىنا قامقورشىلىق كەڭەستەر مەن اتا-انالار كوميتەتتەرىنىڭ قىزمەتىن جانداندىرۋ, سونداي-اق مۇددەلى ورگاندارمەن بىرلەسە وتىرىپ, الەۋمەتتىك وسال جانە از قامتىلعان وتباسىلارعا قولداۋ كورسەتۋ جونىندەگى جۇمىستى كۇشەيتۋ تاپسىرىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر