فوتو: olympic.kz
قازاقستاندىق بوكسشى ساكەن بيبوسىنوۆ توكيو وليمپياداسىنداعى جەڭىستى جولىن جالعاستىرۋدا, دەپ حابارلادى olympic.kz سايتى. ؛
52 كەلىگە دەيىنگى سالماقتا ونەر كورسەتەتىن بوكسشى 1/8 فينالدا فرانسۋز بيلال بەننامدى ؛5:0 ؛ەسەبىمەن جەڭگەن.
 ؛&ndash؛ جەكپە-جەك وڭاي بولعان جوق. قارسىلام وتە مىقتى بوكسشى. بۇعان دەيىن ەكەۋىمىز ەكى مارتە رينگتە كەزدەسكەنبىز. ەسەبىمىز ؛&ndash؛ 1:1. كەيىنگى جارىستا مەن وعان جول بەرگەن ەدىم. سوندىقتان وسى جولى كەتكەن ەسەمدى قايتارۋعا شىقتىم. جەكە باپكەرىمنىڭ جوسپارىن دۇرىس ورىنداپ جەڭىسكە جەتتىم. ەلدى ارى قاراي قۋانتۋ ءۇشىن بار كۇش-جىگەرىمىزدى سالامىن.
جەكە باپكەرىممەن قارسىلاسىمدى ءجىتى زەرتتەدىك. ول جالعىز سوققى كوپ جاسايدى, سوندىقتان قارىمتا سوققىلار جاساۋ كەرەك بولدى. جاقىن قاشىقتىقتا تۇرماۋ, جىلدام جۇدىرىقتاسۋ دەگەن جوسپار قويىلدى. سونى ورىنداپ شىقتىم. ؛
وليمپيادادا ءبارى بار كۇش-جىگەرىن سالىپ جاتىر. سوندىقتان وڭاي بولىپ جاتقان جوق. سوڭعى راۋندتا شارشادىم, ءبىراق ارتىمدا 18 ميلليون حالىق سەنىم ارتىپ وتىرعاندىقتان بار-كۇش جىگەرىمدى سالدىم. كەلەسى قارسىلاسىم ەسكوباردىڭ جەكپە-جەكتەرىن كورىپ ءجۇرمىن. ءبىراق شارشى الاڭدا كەزدەسكەن جوقپىز. جەكە باپكەرىممەن جوسپار قۇرىپ, جەڭىسكە جەتىپ ەلدى قۋانتامىز, &ndash؛ ؛ دەدى بوكسشى.
ساكەن بيبوسىنوۆ شيرەك فينالداعى قارسىلاسى يسپانيالىق گابريەل ەسكوبار. قوس بوكسشى 3 تامىز كۇنى جارتىلاي فينالدىق جولدامانى ساراپقا سالادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر