• usd 424.51

  • eur 504.06

  • rub 5.8

  • cny 65.73

30 شىلدە, 06:45:25
الماتى
+19°

الماتىداعى بالۋان شولاق اتىنداعى سپورت سارايىنىڭ ماڭىندا دەموكراتيالىق پارتيا باستاماشىل توبى جانە ولاردىڭ جاقتاستارى ميتينگكە شىقتى. بەلسەندىلەر "قىمباتشىلىق پەن قىتاي ەكسپانسياسىنا" قارسىلىق ءبىلدىرىپ, تۇڭعىش پرەزيدەنت نۇرسۇلتان نازارباەۆتىڭ بيلىكتەن تولىق كەتۋىن تالاپ ەتتى.

نارازى توپ ەندى جينالعاندا الماتى قالاسى بوستاندىق اۋدانى اكىمشىلىگىنىڭ قىزمەتكەرى شاراعا رۇحسات ەتىلمەگەنىن ايتىپ, بەلسەندىلەردى تاراۋعا شاقىردى. بەلسەندىلەر بۇعان قۇلاق اسپاي, اكىمشىلىك وكىلىن سويلەتپەدى. الاڭعا ۇلكەنى-كىشىسى, ەر-ايەل بار 50-گە جۋىق بەلسەندى جينالعانى بايقالادى. ارالارىندا ارباعا تانىلعان مۇمكىندىگى شەكتەۋلى ءبىر ادام بولدى. ال فورماداعى پوليسەيلەر مەن پوليسيا ارنايى جاساعانىنىڭ سانى نارازى توپتان بىرنەشە ەسە كوپ. ؛

بەلسەندىلەر الدىمەن سپورت سارايىنىڭ سول جاعىنان باستاپ اباي داڭعىلىنىڭ بويىمەن شەرۋلەتپەن بولعان. الايدا بايتۇرسىنوۆ كوشەسىن قيىپ, اباي داڭعىلىمەن جۇرۋگە ارەكەتتەنگەندە ولاردى ارنايى جاساق العا جۇرگىزبەدى. ؛بەلسەندىلەر بايتۇرسىنوۆ كوشەسىمەن ساتباەۆ كوشەسىنە قاراي باعىت العاندا ارنايى جاساق الدىن بوگەپ, جان-جاعىنان قورشاۋعا الدى.

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

ارتىنشا بەلسەندىلەر تۇرعان ؛&ndash؛ اباي مەن بايتۇرسىنوۆ ؛قيىلىسىنا اۆتوبۋستار ءتىزىلىپ قويىلدى.

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

سىرت جاقتان قاراعان ادامعا الاڭدا نە بولىپ جاتقانى كورىنبەيدى. ۇزاماي اۋماقتا جاياۋ جۇرگىنشىلەر جولى شەكتەلدى. ينتەرنەت بايلانىسى مۇلدە ىستەمەيدى.

&diams؛الماتىداعى ميتينگ كەزىندە بەلسەندىلەردىڭ سوققىعا جىعىلعانى حابارلاندى

قورشاۋداعى بەلسەندىلەر كەزەك-كەزەك ءسوز الىپ, رۋپورمەن تالاپتارىن جەتكىزدى.

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

ولار قازاقستاندا قىتاي ەكسپانسياسى اگرەسسيۆتى تۇردە ءجۇرىپ جاتقانىن, قازاقستان اۋماعىنداعى قىتاي ينۆەستورلارى ءوندىرىس ورىندارىندا جەرگىلىكتى حالىق قۇقىعىن تاپتاپ جاتقانىن ايتتى. قىتايلىق كومپانيالارداعى جەرگىلىكتى جۇمىسشىلاردىڭ جالاقىسى قىتاي مامانداردان ەداۋىر از ەكەنىن, سونداي-اق جەرگىلىكتى جۇمىسشىلار تەك قاراپايىم جۇمىسقا الىناتىنىنا نارازىلىق تانىتتى. ولاردىڭ سوزىنشە, الماتى ؛&ndash؛ وسكەمەن اۆتوجولى قۇرىلىسىندا تەر توگىپ جۇرگەن جەرگىلىكتى جۇمىسشىلار جالاقىسىنىڭ ازايۋى سونداي جاعدايلاردىڭ ءبىرى عانا.

سونداي-اق بەلسەندىلەر قىمباتشىلىق حالىقتى تيتىقتاتىپ جىبەرگەنىن ايتىپ, باعانىڭ ىرىق بەرمەي وتىرعانىنا بيلىكتى كىنالادى. نۇرسۇلتان نازارباەۆتىڭ تۋعان كۇنىمەن تۇسپا-تۇس كەلەتىن 6 شىلدە ؛&ndash؛ استانا كۇنىن "مەرەكە دەپ سانامايمىز", "6 شىلدە قاسىرەتتى كۇن", "قازاقستان مونارحياعا اينالىپ بارا جاتىر" دەپ مالىمدەدى.

نارازى توپ بىرنەشە مارتە قورشاۋدان شىعۋعا ارەكەت جاساعانىمەن, ارنايى جاساقتان وتە المادى. سونداي ارەكەتتەردىڭ بىرنەشەۋىندە بەلسەندىلەر مەن ارنايى جاساق قاقتىعىسقا ءتۇسىپ, بەلسەندى دانايا كاليەۆا قولىن, ىرىسبەك توقتاسىن اياعىن جارالاپ الدى.

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

الاڭدا بەتتەرىن تۇمشالاپ, ۆيدەوعا ءتۇسىرىپ جۇرگەن ازاماتتىق كيىمدەگى ادامدار كوپ بولدى. بەلسەندىلەر ولاردى "ارانداتۋشىلار", "قارابەتتەر" دەپ وزدەرىنىڭ ماڭىنا جولاماۋدى تالاپ ەتتى. الايدا ول ادامدار ارەكەتتەرىن جالعاستىرۋىن توقتاتپادى. سونداي ساتتەردىڭ بىرىندە بەلسەندىلەر ەموسياعا ەرىپ بەرىپ قولىنداعى بوتەلكەلەرىن, پلاكاتتارىن بەلگىسىز ادامدارعا قاراي سەرمەپ, قاقتىعىسا جازدادى.

06.07.2021. الماتىداعى ميتينگ/فوتو: qamshy.kz

نارازى ازاماتتار "الاڭعا قيراتۋ, ءبۇلدىرۋ ءۇشىن ەمەس, ءوز پىكىرىن ءبىلدىرۋ ءۇشىن شىقتىق" دەيدى. اراسىندا بۇعان دەيىن ميتينگكە شىعۋعا وقتالعانىمەن, ۇيالىپ جۇرگەنىن, وسى جولى تاۋەكەلگە باس تىگىپ الاڭعا كەلگەنىن ايتقان, "ميتينگكە شىققانىنا بولا جۇمىستان شىعارسا, شاعارىپ جىبەرسىن" دەگەن بەلسەندىلەر دە بولدى. ولار "ديكتاتورلىق رەجيم ماڭگى تۇرمايتىنىن" اتاپ ءوتىپ, ازاماتتاردى ويىن ءبىلدىرۋ ءۇشىن الاڭعا كەلۋدەن قورىقپاۋعا, قاتارلارىنا قوسىلۋعا ۇندەدى.

06.07.2021. الماتىداعى ميتينگ/فوتو: qamshy.kz

06.07.2021. الماتىداعى ميتينگ/فوتو: qamshy.kz

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر