امەريكا ءۇشىن سالدارى ونداعان جىلعا سوزىلاتىن كەزەڭ باستالدى

اقش رەسپۋبليكالىق پارتياسىنىڭ باسشىلىعى داۋىس بەرىپ, پارتيالىق يەرارحيادا ءۇشىنشى ورىندا تۇرعان كونگرەسس مۇشەسى ليز چەينيدى ورنىنان بوساتقان. ءبىر كەزدە ابراام لينكولن قۇرعان پارتيا ءسويتىپ وڭشىل-رەاكسياشىل, ترامپتىڭ قىلمىستىق-كوررۋپسيالىق سەكتاسىنا اينالدى دەپ جاتىر ساراپشىلار. ولار "2021 جىلعى 12 مامىردان باستاپ رەسمي تۇردە ەندى رەسپۋبليكاشىلدار پارتياسى جوق دەپ ەسەپتەۋگە بولادى" دەيدى.

سونداعى ليز چەينيدىڭ جازىعى نە؟ ونىڭ جازىعى ؛&ndash؛ ترامپتىڭ "داۋسىمدى ۇرلاپ الدى" دەگەن وتىرىگىنە قاراماستان شىندىقتى ايتۋدان تايسالماۋى. بۇگىنگى وقيعا تەك پارتيا ءۇشىن عانا ەمەس, سالدارى ونداعان جىلعا سوزىلاتىن, امەريكا ءۇشىن دە سىندارلى كەزەڭ كورىنەدى. ؛

كورىپ وتىرعانىمىزداي, قانشا دەموكراتياسى دامىعان ەل دەگەنمەن دە اق ناسىلدىلەردىڭ باسقالاردى, قارا جانە سارى ناسىلدەگىلەردى مەنسىنبەۋى, استامشىلىعى قالماي كەلەدى ەكەن. ناسىلشىلدىكتى ۋاعىزداۋشىلاردىڭ باسىندا ترامپتىڭ ءوزى تۇرعانى بەلگىلى, ال رەسپۋبليكاشىلداردىڭ باسىم بولىگى ۇساق قالالار مەن قالا ماڭىنا تۇراتىن اق ادامدار. سۇرانىس بولماسا ۇسىنىس تا بولمايدى دەگەندەي, وسىنداي ورتا ترامپتى تۋعىزىپ وتىرعانى انىق. ماسەلە ءتىپتى ترامپتىڭ جەكە باسىندا دا ەمەس, ماسەلە قازىرگى امەريكا قوعامىنا وسىنداي ادامنىڭ كەرەك بولىپ وتىرعانىندا بولىپ وتىر.

ليز چەيني كونگرەسسكە دەيىن بۋش كەزىندە مەملەكەتتىك دەپارتامەنتتە ىستەگەن, ال اكەسى كىشى بۋش كەزىندە اتاقتى ۆيسە-پرەزيدەنت بولىپتى.

بۇگىنگى وقيعادان كەيىن پارتيادا ەكىگە جارىلۋ بولاتىنى انىق, ودان ونشاقتى پايىزداي ادال ساياساتكەرلەر مەن سايلاۋشىلار ءبولىنىپ شىعىپ, جاڭا پارتيا قۇرۋى مۇمكىن. ارينە, الداعى ونشاقتى جىلدا ونداي جاڭا پارتيا كۇش تە, ساياسي سالماق تا الا المايدى, ويتكەنى رەسپۋبليكاشىلداردىڭ باسىم كوپشىلىگى ترامپتىڭ سەكتاسىن جاقتاۋدا.

بىز ءۇشىن, جالپى الەم ءۇشىن دە, اقش-تىڭ دەموكراتيالىق ەل بولىپ قالا بەرگەنى ابزال. امەريكانىڭ دەموكراتيانى دامىتۋداعى جەتەكشى ءرولىن ەشكىم دە جوققا شىعارا الماس. ول كوپتەگەن ەلدەر ءۇشىن باعىت-باعدار, الدىنداعى ماياكتىڭ قىزمەتىن اتقارعانى راس. سونىڭ ءبىرى ؛&ndash؛ ءبىزدىڭ ەل. امەريكا حالقىنا سابىر, دەموكراتيانى دامىتۋدا تەك قانا جەڭىس تىلەيمىز. ديكتاتورلىق باسقارۋ ءستيلى قانداي ناتيجەلەرگە الىپ كەلەتىنىن ايقىن ءبىلىپ وتىرعاندىقتان, "قۇدايىم, ساقتاي كور امەريكانى!" دەيمىز.

قۋانىش ەدىلحانتەگى

شولۋشى