قازاقستاندى اسىراپ وتىرعان 50 كومپانيانىڭ 2020 جىلعى تابىسى ايتارلىقتاي ازايعان

2020 جىلى پاندەمياعا بايلانىستى كەي كاسىپورىندار قاشىقتان جۇمىس ىستەۋ كوشىپ, قاشىقتان جۇمىس ىستەي المايتىن كومپانيالار قىزمەتىن تولىعىمەن توقتاتقان. بۇل ؛شارالار الەمدىك ەكونوميكانىڭ ءوسۋ قارقىنىنا تەرىس اسەر ەتىپ, كوپتەگەن كومپانيالاردىڭ قىزمەتىن جۇرگىزۋدە قيىندىقتار تۋدى. ؛

قازاقستاندا شاعىن جانە ورتا بيزنەستى قولداۋ ءۇشىن ؛سالىقتىق ىنتالاندىرۋ, ارزانداتىلعان كرەديتتەر مەن ولاردىڭ مەرزىمىن ۇزارتۋ, اكىمشىلىك جۇكتەمەنى ازايتۋ, بيزنەس-احۋالدى جاقسارتۋ, بيزنەس ماسەلەلەرىن جەدەل شەشۋ سەكىلدى ؛بىرقاتار شارالار ەنگىزىلدى. 700 مىڭنان استام كاسىپكەرلىك سۋبەكتىنى قامتىعان بۇل شارالار ءجىو-نىڭ 1%-1,3% مولشەرىندەگى سالىق تۇسىمدەرىنەن ايرىلۋىنا اكەلىپ سوقتى.

وتكەن جىلى مەملەكەتتىك بيۋدجەت 8,6 ترلن تەڭگەگە تولىقتى. 2019 جىلمەن سالىستىرعاندا ونىڭ كولەمى 655,3 ملرد تەڭگەگە كەم.

بۇل رەتتە سالىقتاردىڭ 46%-ىن قالىپتاستىراتىن ەلۋ ءىرى سالىق تولەۋشىدەن 3,9 ترلن تەڭگە تولەندى, بۇل 2019 جىلعا قاراعاندا 32,3%-عا از.

2020 جىلى بيۋدجەت ءتۇسىمىنىڭ نەگىزگى سوماسىن ءداستۇرلى تۇردە مۇناي جانە ىلەسپە گاز وندىرۋمەن اينالىساتىن كاسىپورىندار قۇراعان. ولاردىڭ ۇلەسىنە ەلۋ ءىرى سالىق تولەۋشىلەردىڭ بارلىق تولەمدەرىنىڭ 59%-ى نەمەسە 2,3 ترلن تەڭگە تيەسىلى. وتكەن كەزەڭمەن سالىستىرعاندا وسى كومپانيالار تولەگەن سالىق كولەمى رەكوردتىق 46,6%-عا تومەندەدى.

رەيتينگتە مۇناي سالاسىنداعى كومپانيالاردان كەيىن جايعاسقان مەتاللۋرگيا سالاسىنىڭ سالىق تۇسىمدەرى جالپى ءتۇسىمنىڭ 12,5 پايىزىن نەمەسە 493,3 ملرد تەڭگە قۇرايدى. ؛

رەيتينگتە مۇنان سوڭ تەمەكى سالاسى جايعاسقان. وعان ءۇش ءىرى كومپانيا ەنگەن. ولار 271,5 ملرد تەڭگە سالىق تولەدى.

تاۋ-كەن ءوندىرۋ ونەركاسىبى جانە كارەرلەردى قازۋ كومپانيالارى سالىق تولەمدەرى بويىنشا ەڭ ءىرى ءتورت سالانىڭ قاتارىنا ەنگەن. ولاردىڭ بيۋدجەتى 200,9 ملرد تەڭگەنى قۇراعان.

رەيتينگكە سونداي-اق مۇناي وڭدەۋ سالاسىنىڭ, تەلەكوممۋنيكاسيا, بانك سەكتورى, لوگيستيكا, سپيرتتىك ىشىمدىكتەر ءوندىرىسى, ينجەنەريا وكىلدەرى كىرگەن.

 ؛

 ؛