بۇگىن ازاماتتىق بەلسەندى دۋلات ءاعادىلدىڭ قازاسىنا 1 جىل تولىپ وتىر. بۇل ؛&ndash؛ تاۋەلسىز قازاقستان تاريحىنداعى قوعامدى كۇڭىرەنتكەن ءىرى وقيعالاردىڭ ءبىرى. رەسمي دەرەكتە بەلسەندى نۇر-سۇلتان قالاسىنداعى تەرگەۋ يزولياتورىندا "جۇرەك تالماسىنان" كوز جۇمدى دەلىنگەنىمەن, قازاعا بايلانىستى قوعامدا كۇدىك پەن كۇمان كوپ. بەلسەندىنىڭ سوڭعى مارتە ۇستالۋى مەن ونىڭ قازاسىنان كەيىن بولعان جايتتارعا بايلانىستى بيلىك كەلتىرگەن دەرەك پەن جاقىندارىنىڭ ايتقانى ەكىتۇرلى.

دۋلات ءاعادىل كىم ەدى؟

دۋلات ءاعادىل قوستاناي وبلىسى جانگەلدى اۋدانى تورعاي اۋىلىندا تۋعان. كەيىنگى جىلدارى اقمولا وبلىسى سەلينوگراد اۋدانى تالاپكەر اۋىلىنىڭ تۇرعان. ءوزىنىڭ ازاماتتىق بەلسەندىلىگىمەن, بيلىككە قارسى نارازىلىق اكسيالارىمەن بەلگىلى. الەۋمەتتىك پروبلەمالار جانە ازاماتتىق قۇقىقتى ساقتاۋ ماسەلەسىن ءجيى كوتەرەتىن. رۇحسات ەتىلمەگەن نارازىلىق شارالارىن وتكىزدى دەگەن ايىپپەن بىرنەشە مارتە اكىمشىلىك جازاعا تارتىلىپ, كەمىندە 60 تاۋلىك قاماۋدا وتىرعان. بەلسەندى 2019 جىلعى 13 قاراشادا اكىمشىلىك قاماۋدا وتىرعان سەلينوگراد اۋداندىق تەرگەۋ يزولياتورىنان قاشىپ كەتىپ, 15 قاراشادا ءوزى باس پروكۋراتۋرا الدىنا كەلگەن. ارەكەتىن "زاڭسىز قۋدالاۋعا قارسىلىعىم" دەپ تۇسىندىرگەن. كەيىن ول "سوت قاۋلىسىن ورىنداماعانى ءۇشىن" تاعى 6 تاۋلىككە سوتتالعان. 16 جەلتوقسان كۇنى نۇر-سۇلتانداعى ۋاقىتشا ۇستاۋ يزولياتورىنا 15 تاۋلىككە قامالعان. بەلسەندى بۇل جولى ۇستالۋىنا قارسىلىق رەتىندە "شەگە جۇتقان". 2020 جىلعى قاڭتاردا اعادىلگە قاتىستى "سوتتى قۇرمەتتەمەۋ, سۋديانى, سوت وتىرىسىنا قاتىسۋشىلاردى قورلاۋ" باپتارى بويىنشا قىلمىستىق ءىس قوزعالعان.

اعادىلدىڭ قازاسى

2020 جىلعى 24 اقپاندا شامامەن ساعات 21.00-دە اقمولا وبلىسى سەلينوگراد اۋداندىق پوليسيا ءبولىمىنىڭ 4 قىزمەتكەرى "سوت قاۋلىسىن ورىندايمىز" دەپ دۋلات ءاعادىلدى ۇيىنەن الىپ كەتكەن. ال ەرتەڭىندە بەلسەندىنىڭ نۇر-سۇلتانتاعى تەرگەۋ يزولياتورىندا قايتىس بولعانى حابارلاندى. رەسمي ورىندار ولىمگە جۇرەك تالماسى سەبەپ بولعانىن مالىمدەدى.

بەلسەندىنىڭ جاقىندارى ءاعادىلدىڭ دەنساۋلىعى مىقتى بولعانىن العا تارتىپ, ونىڭ جۇرەك تالماسىنان ولگەنىنە سەنبەدى. ۇيدەن كەشكى 9-داردا الىپ كەتىپ, تەرگەۋ يزولياتورىنا تۇنگى 11-دەن كەتە عانا جەتكىزىلگەنىنە كۇدىكتەنىپ, وسى اراداعى 2 ساعاتتا وعان بىردەڭە ىستەگەن بولۋى مۇمكىن دەپ ويلايدى.

ىشكى ىستەر مينيسترلىگى ءاعادىل قىلمىستىق اتقارۋ جۇيەسىنىڭ 166-1 مەكەمەسىنە 25 24 اقپاندا تۇنگى 12-گە تامان جەتكىزىلگەنىن راستادى. وعان دەيىن اقمولا اۋىلىنىڭ ەمحاناسىنا جەتكىزىلگەنىن, سول جەردە ساراپتاما جاسالىپ, ءاعادىلدىڭ قان قۇرامىندا الكوگول بار ەكەنى انىقتالعانىن ءمالىم ەتتى.

&ndash؛ نۇر-سۇلتان قالاسى سوت ساراپتاماسىندا ونىڭ دەنەسىندە ەشقانداي جاراقات بولماعانىن, دەنساۋلىعىنا بايلانىستى ەشقانداي ارىز-شاعىم تۇسپەگەنىن جەتكىزدى. بەلسەندى كامەراسىندا وزىنەن بولەك ءتورت ادام بولعان. ءاعادىل تاڭعى ساعات 6-دا تاماعىن ءىشىپ, 7-دە دارەتحاناعا كەتەدى. ودان شىعىسىمەن تىزەرلەپ وتىرىپ, ەسىنەن تانىپ قۇلاپ قالعان. كامەراداعىلار ءاعادىلدىڭ دەنساۋلىعىنىڭ ناشارلاعانى تۋرالى باقىلاۋشىعا حابارلايدى. ول العاشقى مەديسينالىق جاردەم شاقىرادى. كەلگەن جەدەل جاردەم ءاقادىلدىڭ كوز جۇمعانىن تىركەيدى. تەكسەرگەن كەزدە دەنەسىنەن زورلىق-زومبىلىق بەلگىلەرى انىقتالمادى. بۇگىندە وعان جۇرەك قان-تامىرلارىنىڭ جەتىسپەۋشىلىگى دياگنوزى قويىلىپ وتىر. بەينەكامەرا ونىڭ ۇيىقتاپ الماي, مازاسىندانىپ جۇرگەنىن كورسەتتى, &ndash؛ دەپ مالىمدەدى ىشكى ىستەر ءمينيسترىنىڭ ورىنباسارى ارىستانعالي زاپپاروۆتىڭ 25 اقپاندا.

قازادان كەيىنگى وقيعالار

26 اقپانادا ءاعادىلدىڭ قازاسى بويىنشا ىستەگى سول كەزدەگى ادۆوكات باۋىرجان ازانوۆ رەسمي ورىندار بەلسەندىنىڭ ماستىعىن راستايتىن قۇجاتتى وزىنە كورسەتپەگەنىن ايتتى. مارقۇمنىڭ جاقىندارى "ول اراق ىشپەيتى" دەيدى.

28 اقپاندا ءاعادىلدىڭ دەنەسى تۇسىرىلگەن ۆيدەو تاراپ, ۆيدەونى ءتۇسىرۋشى دەنەدە بىرنەشە جاراقات بولعانىن ايتقان. بەينەجازبادا مارقۇمنىڭ تابانىندا, ارقاسىندا جاراقات بارى, يىعىنىڭ كوگەرىپ, ساۋساعىنىڭ قارايىپ كەتكەنى كورىنگەن. نۇر-سۇلتان قالاسى پروكۋرورىنىڭ ورىنباسارى ەلدوس قەلىمجانوۆ مايىتتەگى داقتار بيولوگيالىق ءولىمنىڭ بەلگىلەرى ەكەنىن ايتىپ, "مۇنداي داق ادامنىڭ جۇرەگى توقتاعاننان كەيىن كەمىندە ءبىر ساعات وتكەننەن كەيىن پايدا بولادى" دەپ تۇسىندىرگەن.

29 اقپاندا پرەزيدەنت ق.توقاەۆ ء"اعادىلدىڭ قازاسى تۋرالى رەسمي نۇسقاعا قارسى پىكىر ايتۋ &ndash؛ شىندىققا قارسى شىعۋمەن تەڭ" دەپ, "بەلسەندى جۇرەك تالماسىنان قايتىس بولدى" دەپ سەنىمدى تۇردە ايتا الاتىنىن جەتكىزدى. پرەزيدەنت مالىمدەمەسىن كەي بەلسەندىلەر "تەرگەۋ بارىسىنا ىقپال ەتۋگە تىرىسۋ" دەپ باعالادى.

دۋلات ءاعادىلدىڭ قازاسىنان كەيىن بىرنەشە قالادا بەلسەندىلەر نارازىلىق اكسياسىنا, قارالى جيىندارعا شىقتى. الەۋمەتتىك جەلى بەلسەندى قازاسىنا بيلىكتى, جۇيەنى كىنالاعان جازبالارعا تولىپ كەتتى. اقىندار قارالى ولەڭدەر ارناپ, قوعامدى كۇڭىرەنگەن كوڭىل-كۇي باسىپ تۇردى.

وسى كەزدە, 29 اقپاندا پرەزيدەنتتىڭ قازاتومپروم كومپانياسىنىڭ ەكس-باسشىسى مۇحتار جاكىشەۆتىڭ تۇرمەدەن مەرزىمىنەن بوساتۋدى سۇراعانىنا بايلانىستى وتەتىن سوت تۋرالى مالىمدەمەسى جاريالاندى. ول جەردە پرەزيدەنت سوتتىڭ ءادىل شەشىم شىعاراتىنىنا سەنىم بىلدەرگەن. ۇزاماي 3 ناۋرىزدا وتكەن سوتتا جاكىشەۆتىڭ تالابى قاناعاتتاندىرىلىپ, ول مەرزىمىنەن بۇرىن بوساتىلاتىن بولدى. بۇل جەشىمدى ءاعادىل قازاسىنان كەيىنگى نارازى كوڭىل-كۇيدى سەيىلتۋ ارەكەتىمەن بايلانىستىرعاندار بولدى.

ساياساتتانۋشى شالقار نۇرسەيىت "اۆتوريتارلىق جۇيەدە بيلىكتىڭ ساياساتىن سىنايتىن ادامنىڭ ءبارى جاۋ. سول سەبەپتى بيلىكتەن ايىرىلىپ قالماس ءۇشىن اۆتوريتارلىق بيلىك بارلىق امالدى جاسايدى" دەپ مالىمدەگەن.

 ؛

&ndash؛ ازاماتتاردى جازىقسىز قاماۋ, قۇقىق قورعاۋ ورگاندارى ارقىلى قۋدالاۋ جانە ومىرىنە ءقاۋىپ ءتوندىرۋ ارقىلى ساياسي بەلسەندىلەردىڭ بويىنداعى جانە قوعامداعى ۇرەيدى كۇشەيتۋگە تىرىسادى. ودان قالسا اۆتوكراتيالىق/ديكتاتۋرالىق ەلدەردە بيلىكتىڭ ساياساتىنا قارسى شىققان ادامداردىڭ جۇمباق ءولىمى قالىپتى جاعداي. سوندىقتان ساياسي بەلسەندى دۋلات ءاعادىلدىڭ قازاسى مارقۇمنىڭ وتباسى مەن جاقىندارى ءۇشىن اۋىر قايعى عانا ەمەس, ازاماتتىق قوعام ءۇشىن, قازاقستاننىڭ دەموكراتياعا قاراي بەت تۇزەۋى ءۇشىن وتە ءقاۋىپتى سيگنال. ءد.اعادىلدى ۇستاپ اكەتۋ پروسەسى مەن بۇگىن "مۆد"-دان جاۋاپكەرشىلىكتى تالاپ ەتكەن ازاماتتاردى ۇستاۋ ارقىلى بيلىك ءوز ۇستەمدىگىن ساقتاپ قالۋ ءۇشىن بارىنە دايىن ەكەنىن تاعى دا ءبىر رەت دالەلدەدى, &ndash؛ دەدى ساياساتتانۋشى.

 ؛

25 مامىردا دۋلات ءاعادىلدىڭ ولىمىنە قاتىستى قوزعالعان قىلمىستىق ءىس توقتاتىلىپ, پروكۋراتۋرا ء"اعادىلدىڭ ولىمىنە اسقىنعان ميوكارد ينفاركتى سەبەپ بولدى" دەپ حابارلاعان.

دۋلات ءاعادىلدىڭ قازاسىنان كەيىن بەلسەندىلەر مارقۇم كوزىنىڭ تىرىسىندە ىرگەتاسىن قالاپ كەتكەن سەلينوگراد اۋدانى تالاپكەر اۋىلىنداعى ءۇيدى اسارلاپ سالىپ بەردى.

8 تامىزدا مارقۇمعا ارناپ اس بەرىلدى.

وسى وقيعالار بارىسىندا بەلسەندىلەردى اڭدۋ, ولاردى ۇستاۋ جالعاسىپ جاتتى. دۋلات ءاعادىلدىڭ اناسى گۇلباراش جولمۇحامبەتوۆا ۇلىنا ارناپ بەرىلەتىن اس وتەتىن 8 تامىز جاقىنداعان سايىن بەلسەندىلەردى ۇستاۋ, قاماۋ جيىلەگەنىن حابارلاعان.

ارتىنشا اسقا قاتىسقان بەلسەندىلەر شەتىنەن ۇستالىپ, قامالا باستادى. ەلدىڭ باس پروكۋرورىنىڭ ورىنباسارى مارات مۇراتۇلى "بەلسەندىلەر دۋلات ءاعادىلدىڭ اسىنا بارعانى ءۇشىن ەمەس, كارانتين ۋاقىتىندا الاڭعا شىعىپ رۇقساتسىز ميتينگ جاساعانى ءۇشىن قىلمىستىق جاۋاپكەرشىلىككە تارتىلىپ جاتقانىن" مالىمدەگەن.

2020 جىلعى 11 قاراشادا ءاعادىل وتباسىندا تاعى ءبىر اۋىر قايعى بولدى. بەلسەندىنىڭ ۇلى جانبولات ءاعادىلدى الدەكىمدەر پىشاقتاپ ءولتىرىپ كەتتى.

12 قاراشادا جانبولات ءاعادىلدىڭ ولىمىنە قاتىسى بار دەلىنگەن كۇدىكتىلەر ۇستالىپ, الەۋمەتتىك جەلىدە جانبولات اعادىلگە "توبەلەس كەزىندە ابايسىزدا پىشاق ۇردىم" دەگەن ادامنىڭ ۆيدەوسى تارادى. ۇزاماي ۆيدەوداعى ادام شىنىمەن دە كۇدىكتى ەكەنى انىقتالدى. الايدا كۇدىكتىنىڭ مۇگەدەك اناسى "بالاسىنا تانىستارى جالا جاۋىپ وتىر" دەپ سانايدى.

قازىرگى تاڭدا جانبولات ءاعادىلدىڭ قازاسىنا بايلانىستى قىلمىستىق ءىس سوتتا قارالىپ جاتىر. ىستە 6 ايىپتالۋشى, 6 جابىرلەنۋشى بار.

مەلىس سەيداحمەتوۆ

الماتى وبلىسى كەربۇلاق اۋدانى قىزىلجار اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىن بىتىرگەن. 2015-2019 جىلدارى «پرەزيدەنت جانە حالىق» گازەتىندە ءتىلشى, شەف-رەداكتور بولىپ ىستەگەن. 2019 جىلدان بەرى قامشى پورتالىندا قىزمەت اتقارادى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر