جامبىل وبلىسى جاڭاتاس قالاسىنداعى ءورت سالدارىنان جاپا شەككەن وتباسىعا پاتەر بەرىلدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.

"بالالاردىڭ اتا-اناسىنا دەمەۋشىلەر ەسەبىنەن جاڭاتاس قالاسىنان 3 بولمەلى پاتەر بەرىلدى, ال سارىسۋ اۋدانىنىڭ كاسىپكەرلەرى باسپاناعا قاجەتتى جيھاز بەن تەحنيكا الىپ بەردى. قوعامدىق ۇيىمدار, دەمەۋشىلەرمەن 3 ملن تەڭگەدەن استام قارجى جينالىپ, ماتەريالدىق كومەك كورسەتىلدى" دەلىنگەن وبلىس اكىمدىگى تاراتقان حابارلامادا.

سونىمەن قاتار ؛مەملەكەتتىك قىزمەتكەرلەر ءبىر كۇندىك جالاقىسىن كومەك رەتىندە جولدايتىن بولدى.

ەسكە سالا كەتەيىك, ؛ جامبىل وبلىسى جاڭاتاس قالاسى 2 ىقشاماۋدانداعى 5 قاباتتى تۇرعىن ءۇيدىڭ ء3-شى قاباتىندا ءورت بولعان. پاتەر ىشىندە اتا-انانىڭ قاراۋىنسىز كامەلەت جاسىنا تولماعان 2015, 2016, 2017, 2019 جانە 2020 جىلدارى تۋعان 5 بالا قالعان.

ورت بولعان ۋاقىتتا ءۇيدىڭ وتاعاسى جۇمىستا بولعانى, ال اناسى دۇكەنگە شىعىپ كەتكەنى حابارلاندى. تۇتىنگە ۋلانعان بالالار جەدەل تۇردە اۋرۋحاناعا جەتكىزىلگەنىمەن, اراعا ءبىراز ۋاقىت سالىپ كوز جۇمعان.

جامبىل وبلىستىق پوليسيا دەپارتامەنتى باستىعىنىڭ ءبىرىنشى ورىنباسارى باقىت راتاەۆ ءورتتىڭ شىعۋ سەبەبىن ؛ايتقان.

 ؛

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر