جامبىل وبلىستىق پوليسيا دەپارتامەنتى باستىعىنىڭ ءبىرىنشى ورىنباسارى باقىت راتاەۆ ءورتتىڭ شىعۋ سەبەبىن ايتتى.

&ndash؛ ءورت فاكتىسى بويىنشا قىلمىستىق كودەكستىڭ 292-بابى 3-بولىگى بويىنشا سوتقا دەيىنگى تەرگەۋ باستالدى. سوت-ساراپتاما ورتالىعى ماماندارىنىڭ الدىن-الا مالىمەتى بويىنشا, ءولىم ۋلى گازدان ۋلانۋدان, ال ءورتتىڭ اشىق وت كوزى تۇتانعىش ماتەريالدىڭ, ياعني توسەك-ورىن جابىندارىنىڭ بەتىنە تيگەنىنەن بولعان. ءورتتىڭ سەبەپتەرى بارلىق قاجەتتى ساراپتاما ناتيجەسى بويىنشا جاريالانادى, ؛&ndash؛ ؛دەدى باقىت راتاەۆ.

توتەنشە جاعدايلار دەپارتامەنتىنىڭ باستىعى ەرمەك مومباەۆ ورت-تەحنيكا زەرتحاناسىنىڭ الدىن الا زەرتتەۋ مالىمەتتەرىن جاريالادى.

&ndash؛ ءورت بەس قاباتتى تۇرعىن ءۇيدىڭ ءۇشىنشى قاباتىنداعى ءۇش بولمەلى پاتەردە بولدى. وت بالالار بولمەسىندە تۇتانعان. جالىن 16 شارشى مەتر اۋماقتى قامتىدى. جىلجىمالى ورت-تەحنيكالىق زەرتحانامەن زەرتتەۋ جۇرگىزۋ كەزدە وقيعا ورنىندا جانعان سىمدار مەن ەلەكتر جابدىقتارى, پەش نەمەسە باسقا دا قوسىمشا جىلىتۋ قۇرالدارى تابىلمادى, ءۇي ورتالىق جىلىتۋعا قوسىلعان, &ndash؛ ؛دەپ ايتتى تجد باسشىسى.

ارنايى كوميسسيانىڭ ءتوراعاسى, جامبىل وبلىسى اكىمىنىڭ ورىنباسارى ۇلان جازىلبەك زارداپ شەككەن وتباسىنا بارلىق قاجەتتى كومەك كورسەتىلەتىنىن اتاپ ءوتتى.

&ndash؛ وقيعانىڭ ءمان-جايىن انىقتاۋ ءۇشىن وبلىس اكىمىنىڭ وكىمىمەن كوميسسيا قۇرىلدى, ونىڭ قۇرامىنا جەرگىلىكتى اتقارۋشى ورگانداردىڭ, پروكۋراتۋرانىڭ, پوليسيا دەپارتامەنتىنىڭ, تج دەپارتامەنتىنىڭ جانە باسقا دا جاۋاپتى مەملەكەتتىك ورگانداردىڭ وكىلدەرى كىردى.

كەشە كوميسسيا مۇشەلەرى قايعىلى وقيعا ورنىنا بارىپ, جۇمىس جۇرگىزۋدە. ءبىزدىڭ تاراپىمىزدان بارلىق قاجەتتى كومەك كورسەتىلەدى, پسيحولوگيالىق كومەكتى جانە جەرلەۋ ءراسىمىن ۇيىمداستىرۋعا قول ۇشىن بەرەمىز, &ndash؛ دەپ اتاپ ءوتتى ۇلان جازىلبەك.

ونىڭ ايتۋىنشا, بالالاردىڭ اكەسى جۇمىستا بولعان, ال اناسى دەكرەتتىك دەمالىستا (مەكتەپتە ءمۇعالىم).

سونىمەن قاتار اكىم ورىنباسارى ءورت كەزىندە باسقا دا زارداپ شىككەن ادامدار جوعىن اتاپ ءوتتى. ؛

ەسكە سالا كەتەيىك, كەشە جامبىل وبلىسى ؛جاڭاتاس قالاسى 2 ىقشاماۋدانداعى 5 قاباتتى تۇرعىن ءۇيدىڭ ء3-شى قاباتىندا ءورت بولعان. ؛پاتەر ىشىندە اتا-انانىڭ قاراۋىنسىز كامەلەت جاسىنا تولماعان 2015, 2016, 2017, 2019 جانە 2020 جىلدارى تۋعان 5 بالا قالعان. ءورت بولعان ۋاقىتتا ءۇيدىڭ وتاعاسى جۇمىستا بولعان, ال اناسى دۇكەنگە شىعىپ كەتكەنى حابارلاندى. تۇتىنگە ۋلانعان بالالار جەدەل تۇردە اۋرۋحاناعا جەتكىزىلگەنىمەن, اراعا ءبىراز ۋاقىت سالىپ كوز جۇمعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر