سۋبسيديا: جىلقىعا نەگە 100 مىڭ, شوشقاعا – 8 ملن تەڭگە؟

اتاكاسىپ ءتورت تۇلىكتىڭ ءبىرى سانالماسا دا, ەلىمىز شوشقا ءوسىرۋ ىسىنە اسا دەن قويىپ وتىر. اگروونەركاسىپ كەشەنىن دامىتۋدىڭ 2017-2021 جىلدارعا ارنالعان باعدارلاماسىندا شوشقا ەتىن ءوندىرۋدى 133 مىڭ تونناعا جەتكىزۋ جوسپارلانعانى سونىڭ ءبىر ايعاعى. وسى ورايدا شوپان, اۋىل شارۋاشىلىعى سالاسىنىڭ ساراپشىسى الماسبەك سادىرباەۆ "جىلقىنىڭ ايعىرىنا بولىنەتىن مەملەكەتتىك سۋبسيديا 100 مىڭ تەڭگە, اتالىق شوشقاعا ءبىر انالىق شوشقانى ۇرىقتاندىرعانى ءۇشىن 40 مىڭ تەڭگە بولىنەدى.

ال ءبىر اتالىق شوشقا ەكى ءجۇز باس شوشقانى شىعاراتىنىن ەسەپتەسەك, ءبىر اتالىق شوشقاعا 8 ؛000 000 تەڭگە بولىنەدى ەكەن. ال شوشقا جىلىنا ەكى رەت ۇرىقتاناتىنىن ەسكەرسەڭىز 8 000 000 تەڭگەنى ەكى ەسەلەڭىز. سوندا ءبىر شوشقانىڭ اتالىعىنا جىلىنا 16ملن بولىنەدى. شوشقانى بۇلاي قولدايتىن مەملەكەت الەمدە جوق. مال وسىرسەڭ شوشقا ءوسىر, سۋبسيدياسى ونىڭ كول كوسىر... " دەيدى.

راسىندا دا, شوشقا وسىرۋگە دەگەن وسىنشالىقتى مەملەكەتتىك قولداۋدى كورگەن باسقا دا شارۋالار تالپاق تاناۋ وسىرۋگە قۇمارتارى انىق. ؛ سوندىقتان بىلتىردان بەرى شوشقا وسىرۋگە قاتىستى ماماندار اراسىندا تارتىس تولاستاماي وتىر.

ەكونوميست نۇرلان ءارىپجانۇلىنىڭ ايتۋىنشا, ەكونوميكالىق ولشەمگە سالساق تۇتىنۋشىسى تابىلىپ تۇرعاندا پايدالانىپ ۇلگەرۋ ءۇشىن شوشقا ءوندىرىسىن توقتاتپاۋىمىز كەرەك.

&ndash؛ ءبىز شوشقانى كوبەيتىپ ءوزىمىز جەيىن دەپ جاتقان جوقپىز. قىتاي تۇتىنۋشى رەتىندە بىلتىردان بەرى ەكونوميكامىزعا پايدا اكەلىپ وتىر. ەندەشە سونى نەگە پايدالانباسقا؟! بۇل جەردە باستىسى ەكونوميكالىق ءتۇسىم. ەكونوميكالىق ولشەمگە سالساق تۇتىنۋشىسى تابىلىپ تۇرعاندا پايدالانىپ ۇلگەرۋ ءۇشىن شوشقا ءوندىرىسىن توقتاتپاۋىمىز كەرەك, ؛&ndash؛ دەدى ول.

ال الەۋمەتتانۋشى نۇربولات ايەكەشوۆ ء"تورت تۇلىك مالدىڭ ءسۇتىن, تەرىسىن ءتيىمدى پايدالانساق, ۇتىمدى كاسىپ سول بولار ەدى" دەگەن پىكىردە.

&ndash؛ جەرىمىزدىڭ 70 پايىزى جايىلىم ەكەنىن ەسكەرسەك, ءتورت تۇلىك مالدى قولداپ, ونىڭ ەتىن ارزانداتۋ ارقىلى حالىقتى قولجەتىمدى ونىممەن قامتاماسىز ەتۋگە جول اشىلار ەدى. ءقازىر شىنى كەرەك, ەتتىڭ ؛قىمباتتاعى سونشالىق, كوپشىلىكتىڭ تۇسىنە كىرەتىن بولىپ ءجۇر. قىستى سوعىمسىز قارسى الاتىن قازاق كوبەيىپ بارادى. ويتكەنى ەت باعاسى جىل وتكەن سايىن شارىقتاپ بارادى. ءتورت تۇلىك مالدىڭ ءسۇتىن, تەرىسىن ءتيىمدى پايدالانساق, ۇتىمدى كاسىپ سول بولار ەدى. ەگەر شوشقا ءونىدىرىسى سونشالىقتى كوپ تابىس اكەلەتىن بيزنەس بولسا, ونى سۋبسيديالاپ نە كەرەك؟ نەگە ءبىز ءوزى دوڭگەلەپ تۇرعان كاسىپكە مەملەكەت تاراپىنان كومەك بەرۋىمىز كەرەك؟ ودان ءوزىمىزدىڭ اتاكاسىبىمىزدى دامىتايىق. ءوز حالقىمىز ەتسىز وتىرعاندا, كورشىمىز ءۇشىن شوشقا باققان نە ءسانىمىز؟!, ؛&ndash؛ دەدى.

وسىلايشا, قوعامداعى كوپشىلىك پىكىرى ەكىگە جارىلىپ وتىر. ال, ءسىز نە دەيسىز؟!