جاڭا قاۋلى. قازاقستاننىڭ 5 وبلىسىندا كارانتين كۇشەيتىلەدى

پاۆلودار, قىزىلوردا, سولتۇستىك قازاقستان, جامبىل, اقمولا وبلىستارىندا كارانتيندىك شەكتەۋ شارالارى كۇشەيتىلدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.

پاۆلودار وبلىسىنىڭ باس سانيتار دارىگەرى ب. اليەۆ 30 جەلتوقساندا كارانتين شارالارى تۋرالى قاۋلىسىنا وزگەرىستەر مەن تولىقتىرۋلار ەنگىزدى.

قاۋلى 2020 جىلدىڭ 31 ؛ جەلتوقسانىندا ساعات 00:00-دەن باستاپ كۇشىنە ەنەدى.

اتالعان قاۋلىعا سايكەس:

• سپورتتىق ءىس-شارالاردى, وتباسىلىق, ويىن-ساۋىق, ۇجىمدىق, كورپوراتيۆتىك, سالتاناتتى ؛ ءىس-شارالار جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنادى؛
• ويىن-ساۋىق مەكەمەلەرىنىڭ (كاراوكە, بيليارد, قورقور بولمەلەرى, كومپيۋتەر كلۋبتارى, ويىن كلۋبتارى, بۋكمەكەر كەڭسەلەرى ت.ب.) ؛قىزمەتىنە تىيىم ؛سالىنادى؛
• كەزەكشى توپتاردى قوسپاعاندا, مەكتەپكە دەيىنگى بالالار مەكەمەلەرىنىڭ قىزمەتىنە تىيىم سالىنادى؛
• 30-دان اسپايتىن ادامنىڭ قاتىسۋىمەن جەكە, توپتىق دايىندىقتى قوسپاعاندا, تەاترلاردىڭ قىزمەتى توقتاتىلادى؛
• 30%-دان اسپايتىن تولىمدىلىقتى جانە ءبىر كەلۋشىگە كەمىندە 5 شارشى مەتردى قامتاماسىز ەتكەن جاعدايدا, ۋاقىتىن شەكتەمەي, الدىن الا جازىلۋ بويىنشا جەكە جانە توپتىق جاتتىعۋلارعا سپورت كەشەندەرى مەن سپورت نىساندارى, ونىڭ ىشىندە فيتنەس-ورتالىقتارىنىڭ, جاتتىعۋ زالدارى مەن سپورتتىق-ساۋىقتىرۋ ورتالىقتارىنىڭ قىزمەتىنە رۇقسات بەرىلەدى؛
• 2020 جىلدىڭ 31 جەلتوقساننان باستاپ 2021 جىلدىڭ 5 قاڭتارىنا دەيىن جاڭا جىلدىق ەرتەڭگىلىكتەر, مەرەكەلىك كورپوراتيۆتىك شارالار ۇيىمداستىرۋعا جانە وتكىزۋگە تىيىم سالىنادى؛
• 2 مەتر اراقاشىقتىقتى ساقتاي وتىرىپ, اشىق مۇز ايدىندارىنىڭ جۇمىسىنا رۇقسات بەرىلەدى.

قىزىلوردا وبلىسىنىڭ باس سانيتار دارىگەرى ا.ابديكايموۆا كارانتين شارالارى تۋرالى №25 قاۋلىسىنا وزگەرىستەر ؛ەنگىزگەنىن مالىمدەدى.

جاڭا قاۋلى بويىنشا 2020 جىلدىڭ 2 جەلتوقسانىنان 2021 جىلدىڭ 05 قاڭتارىنا دەيىن قوعامدىق تاماقتانۋ ورىندارىندا, ويىن-ساۋىق وبەكتىلەرىندە, كاسىپورىنداردا, مەكەمەلەر مەن كەڭسەلەردە ۇجىمدارمەن ۇيىمداستىراتىن جاڭا جىلدىق ءىس-شارالاردى وتكىزۋگە تىيىم سالىنادى. ؛

قاۋلى 2020 جىلدىڭ 26 جەلتوقسانىنان باستاپ كۇشىنە ەندى.

ال, سولتۇستىك قازاقستان وبلىسىنىڭ باس سانيتار دارىگەرى ا. كۇشباسوۆ ؛2020 جىلدىڭ 11 جەلتوقسانداعى № 38 قاۋلىسىندا:

• ويىن-ساۋىق, سپورتتىق ءىس-شارالار, كورمەلەر, فورۋمدار, كونفەرەنسيالار, سونداي-اق وتباسىلىق, مەرەيتويلىق ءىس-شارالاردى (بانكەتتەر, ۇيلەنۋ تويلارى, مەرەيتويلار, ەسكە الۋ شارالارى) وتكىزۋگە تىيىم سالىنادى؛
• جاڭا جىلدىق كەشتەر مەن مەرەكەلىك كورپوراتيۆتىك ءىس-شارالارعا تىيىم سالىنادى؛
• ويىن-ساۋىق مەكەمەلەرىنىڭ (كاراوكە, بيليارد, كومپيۋتەرلىك كلۋبتار, تۇنگى كلۋبتار, بوۋلينگ ورتالىقتارى, بالالار ويىن الاڭدارى مەن جابىق اتتراكسيوندار, باتۋتتار جانە باسقالارى), بۋكمەكەرلىك كەڭسەلەردىڭ, كاليان بارلارىنىڭ, اكۆاپاركتەردىڭ قىزمەتى توقتاتىلادى؛
• قوعامدىق تاماقتانۋ وبەكتىلەرىنىڭ جۇمىس ۋاقىتى 08.00-دەن 22.00-گە دەيىن ىستەيدى؛

قاۋلى 2020 جىلدىڭ 26 جەلتوقسانىندا ساعات 00:00-دەن باستاپ كۇشىنە ەندى.

جامبىل وبلىسىنىڭ باس سانيتار دارىگەرى ن. مۋليكوۆا ؛ 2020 جىلدىڭ 28 جەلتوقسانداعى № 41 قاۋلىسىنا وزگەرىستەر مەن تولىقتىرۋلار ەنگىزدى. ؛

اتالعان قاۋلىعا سايكەس, باس سانيتار دارىگەردىڭ ءبىرقاتار قاۋلىسىنىڭ كۇشى جويىلادى.

سونداي-اق تاراز قالالىق جانە جامبىل وبلىسىنىڭ اۋداندىق باس سانيتار دارىگەرلەرى ەپيدەميولوگيالىق جاعدايعا بايلانىستى كارانتيندىك شارالاردى قاتاڭداتۋ تۋرالى شەشىم قابىلداۋعا قۇقىلى.

اقمولا وبلىسىنىڭ باس سانيتار دارىگەرى ايناگۇل مۋسينا ؛كارانتيندىك جاڭا شەكتەۋ شارالارى ؛30 جەلتوقساندا ساعات 7:00-دەن باستاپ كۇشىنە ەنەتىنىن ەسكەرتتى.

جاڭا قاۋلىعا سايكەس: ؛

• سالتاناتتى جانە وتباسىلىق ءىس-شارالاردى وتكىزۋگە تىيىم سالىنادى (بانكەت, توي, ەسكە الۋ, تۋعان كۇن, مەرەيتوي, شىعارىپ سالۋ, قۇدالىق)؛
• كوپشىلىك جينالاتىن ءىس-شارالارعا بارۋعا تىيىم سالىنادى؛
• جەرلەۋ ءىس-شارالارىن جۇرگىزۋ كەزىندە كەمىندە 2 مەتر اراقاشىقتىقتى ساقتاي وتىرىپ, كەمىندە 30 ادامنان ارتىق ادام جينالماۋى كەرەك؛
• سپورتتىق ءىس-شارالاردى وتكىزۋگە, كورمەلەر, فورۋمدار, كونفەرەنسيالار, سونداي-اق وتباسىلىق, ەسكە الۋ شارالارىن (بانكەتتەر, ۇيلەنۋ تويلارى, مەرەيتويلار, ەسكە الۋ كۇندەرى) ۇيدەگى جانە باسقا دا كوپتەگەن ادامدار جينالاتىن ءىس-شارالاردى وتكىزۋگە تىيىم سالىنادى؛
• جاڭا جىلدىق ەرتەڭگىلىكتەرىن, مەرەكەلىك كورپوراتيۆتەردى ۇيىمداستىرۋعا جانە وتكىزۋگە 2020 جىلدىڭ 30 جەلتوقسانىنان باستاپ 2021 جىلدىڭ 5 قاڭتارىنا دەيىن تىيىم سالىنادى.