2020 جىلى بولعان ەڭ قورقىنىشتى ساتتەر (فوتو)

2020 جىل ادامزات ءۇشىن وڭايعا سوقپادى. كوروناۆيرۋس, پاندەميا, كارانتيننەن بولەك ءورت, جارىلىس, داعدارىس جانە ت.ب جاعىمسىز جاعداي ورنادى. qamshy.kz اقپارات اگەنتتىگى ءوتىپ بارا جاتقان جىلى الەمدە بولعان ەلەۋلى وقيعالاردى شولىپ ءوتتى.

 ؛يرانداعى ۇشاق جارىلىسى

جىل باستالىسىمەن, ياعني 3 قاڭتاردا يراندا كيەۆكە بەت العان ۋكراينالىق boeing ؛737-800 ۇشاعى جارىلىپ 176 ادام مەرت بولدى. تەگەران كىنالىلەردى جازالاۋعا ۋادە بەردى.

كوروناۆيرۋس پاندەمياسى

قىتايدىڭ ۋحان قالاسىندا بەلگىسىز اۋرۋ بەلگىلەرىمەن ادامدار اۋرۋحاناعا تولاسسىز ءتۇسىپ جاتتى. اۋرۋ قىتايدىڭ باسقا دا قالالارىنا تارادى. قىتاي بەلگىسىز ۆيرۋس تۋرالى مالىمدەدى. اۋرۋ تۋرالى 2019 جىلدىڭ قاراشا-جەلتوقسان ايلارىندا بەلگىلى بولعان. الايدا ۆيرۋس تۋرالى ءلام-ميم دەپ جاق اشۋعا قاتاڭ تىيىم سالىندى. قاڭتاردىڭ 20-دا اۋىرعاندار سانى كۇرت ءوسىپ, باسقا ەلدەردە دە ۆيرۋس جۇقتىرعانداردىڭ بار ەكەنى انىقتالدى. وسى ۋاقىتقا دەيىن بەلگىسىز بولىپ كەلگەن ۆيرۋستى covid-19 دەپ اتاي باستادى. 20 قاڭتاردى دۇنيەجۇزىلىك دەنساۋلىق ساقتاۋ ۇيىمى (دسۇ) الەم بويىنشا كوروناۆيرۋس تارالعانىن حابارلادى. اقپاندا بىرنەشە ەلدە 80 مىڭ ادام كوروناۆيرۋس جۇقتىرتتى. 11 ناۋرىزدا دسۇ كوروناۆيرۋس پاندەمياسى تۋرالى حابارلادى. سوڭعى مالىمەتتەرگە سايكەس, الەمدە 1.7 ميلليون ادام كوروناۆيرۋستان قايتىس بولدى. 76 ميلليون ادام كوروناۆيرۋسپەن اۋىردى.

بەيرۋتتاعى جارىلىس

4 تامىزدا ليۆان استاناسى بەيرۋتتا قويما ورتەنىپ, سونىڭ سالدارىنان جارىلىس بولدى. 2750 تونناعا جۋىق امياك سيليتراسى جارىلدى. جارىلىستا 200 ادام كوز جۇمدى, 7 مىڭ ادام جاراقات الدى. قويما جانىنداعى ۇيلەر, عيماراتتار قيراپ, شىعىن كولەمى 15 ميلليون دوللارعا باعالاندى. 300 مىڭ ادام باسپاناسىنان ايىرىلدى.

 ؛

فرانسياداعى تەررور

16 قاراشادا پاريج ماڭىندا مەكتەپ ءمۇعالىمى سامۋەل ءپاتيدى 18 جاستاعى ەتنيكالىق شەشەن ابدۋلاح انزوروۆ ءولتىرىپ كەتتى. ول تاريح ءمۇعالىمىن پايعامبار مۇحاممەد (س.ع.س) كاريكاتۋراسىن وقۋشىلارعا كورسەتكەنى ءۇشىن «؛جازالاۋدى»؛ ۇيعارعان. ءمۇعالىم ساباقتا كاريكاتۋرا جاريالانعان charlie hebdo جۋرنالى تۋرالى, كاريكاتۋرا جاريالانعاننان كەيىن رەداكسياعا جاسالىنعان شابۋىل تۋرالى ايتىپ بەرگەن.

31 قاراشادا ليونداعى گرەك شىركەۋىندە بەلگىسىز ەر ادام 52 جاستاعى ءدىن قىزمەتكەرىنە وق اتتى. فرانسيادا 2012 جىلدان بەرى 300 ادام تەراكت سالدارىنان مەرت بولدى.

 ؛تاۋلى قاراباق قاقتىعىسى

قىركۇيەك جانە قاراشا ارالىعىندا تاۋلى قاراباح قاقتىعىسى بولدى. ازەربايجاندا ول رەسمي تۇردە وتان سوعىسى دەپ اتالادى. ال ارمەنيادا ەكىنشى ارساح سوعىسى  ؛دەپ اتالادى. ەكى ەل اراسىنداعى قاقتىعىس 27 قىركۇيەكتە باستالدى.ازەربايجان 2783 ساربازىنان ايىرىلدى. ارمەنيانىڭ 2718 ساربازى قازا تاپتى. 10 قاراشادا تاۋلى قاراباق ءۇشىن سوعىستى توقتاتۋ تۋرالى شەشىم قابىلداندى.

 ؛بەلارۋستەگى كوتەرىلىس ؛

بەلارۋستەگى پرەزيدەنت سايلاۋىندا الەكساندر لۋكاشەنكو جەڭىسكە جەتكەننەن كەيىن ەل بويىنشا ميتينگتەر باستالدى. بەلورۋس حالقى پرەزيدەنت سايلاۋىنىڭ ءادىل ءوتۋىن تالاپ ەتتى. جەرگىلىكتى قۇقىق قورعاۋ ورگاندارىنىڭ مالىمەتىنە سايكەس, 30 مىڭ ادام ۇستالدى.

اۋسترالياداعى ءورت

اۋسترالياداعى ءورت سالدارىنان 1 ميلليارد جانۋار ءولدى. 2019 جىلدىڭ ماۋسىم ايىنان 2020 جىلدىڭ اقپانىنا دەيىن جالعاسقان ورتتە 28 ميلليون گەكتار جەر ورتەنىپ, 27 ادام قايتىس بولدى, 2 مىڭ ءۇي تۇرۋعا جارامسىز بولىپ قالدى.  ؛

 ؛