نۇرىمبەتوۆ: جالاقىنى ارتتىرۋ قاراستىرىلادى

مۇگەدەك ادامدارعا بەرىلەتىن جاردەماقىلار قايتا قارالاتىن بولادى. بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ حابارلادى.

مينيستردىڭ ايتۋىنشا, ۇكىمەت تاراپىنان الەۋمەتتىك قىزمەتكەرلەردىڭ جالاقىسىن ارتتىرۋ ماسەلەسى قاراستىرىلىپ جاتىر.

&ndash؛ الەۋمەتتىك جۇمىستا الەۋمەتتىك قىزمەتكەرلەرگە نەگىزگى ءرول بەرىلەدى. وسىعان بايلانىستى يۋنيسەف پەن ەلباسى قورىنىڭ قولداۋىمەن بۇگىندە 12 مىڭ الەۋمەتتىك قىزمەتكەردى تەستىلەۋ جانە وقىتۋ باستالدى. ۇكىمەت تاراپىنان الەۋمەتتىك قىزمەتكەرلەردىڭ جالاقىسىن كەزەڭ-كەزەڭمەن ارتتىرۋ ماسەلەسى قاراستىرىلۋدا. جاڭا الەۋمەتتىك كودەكستە الەۋمەتتىك قىزمەتكەرلەردىڭ مارتەبەسىن ارتتىرۋعا باعىتتالعان نورمالار جەكە ايقىندالاتىن بولادى, ؛&ndash؛ دەدى نۇرىمبەتوۆ.

مينيستر مۇگەدەك ادامداردى الەۋمەتتىك قورعاۋ ماسەلەسى بويىنشا زاڭ جوباسىنداعى تولىقتىرۋلاردى اتاپ ايتتى.

&ndash؛ ۇلتتىق جوسپار شەڭبەرىندە مينيسترلىك ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەسى بويىنشا زاڭ جوباسىن ازىرلەدى. زاڭ جوباسى 80-نەن استام نورماتيۆتىك-قۇقىقتىق اكتىگە وزگەرىستەر ەنگىزۋدى كوزدەيدى. مۇگەدەكتىگى بار ادامداردىڭ قۇقىقتارى مەن الەۋمەتتىك قولداۋدى قامتاماسىز ەتۋگە قاتىستى nur otan پارتياسىنىڭ سايلاۋالدى تۇعىرناماسىندا كورىنىس تاپقان وننان استام تۇجىرىمدامالىق تولىقتىرۋلاردى قامتيدى.

ونىڭ ىشىندە:

&ndash؛ مۇگەدەك ادامداردى جۇمىسقا ورنالاستىرۋ جونىندەگى كۆوتانى ورىندامايتىن جۇمىس بەرۋشىلەردىڭ وتەماقى جارنالارىن ەنگىزۋ؛

&ndash؛ بارلىق ءبىرىنشى توپتاعى مۇگەدەك جاندارعا كۇتىم جاسايتىن ادامدارعا جاردەماقى ەنگىزۋ؛

&ndash؛ 7 جاستان 16 جاسقا دەيىنگى بالالاردى مۇگەدەك توپتارى بويىنشا ءبولۋ, جاردەماقى مولشەرىن قايتا قاراۋ؛

&ndash؛ مۇگەدەكتىكتى جانە اسىراۋشىسىنان ايىرىلۋ بويىنشا جاردەماقىلاردى بىرگە الۋ قۇقىعىن بەرۋ؛

&ndash؛ ءى-ىى توپ مۇگەدەكتىگى بەلگىلەنگەن جاعدايدا 18 جاستان اسقان بالالار ءۇشىن تۇرعىن ءۇي كەزەگىن ساقتاپ قالۋ سياقتى ماڭىزدى الەۋمەتتىك نورمالار بار. زاڭ جوباسى بارلىق ساتىلاردان ءوتتى ؛ جانە جاقىن ارادا پارلامەنتكە ەنگىزىلەتىن بولادى, &ndash؛ دەدى مينيستر ۇكىمەت وتىرىسىندا.