20 قاراشا, 2020 شىعىس قازاقستان وبلىسى
فوتو: شقو اقپارات ورتالىعى
ورتالىق كوممۋنيكاسيالار قىزمەتىندە وتكەن ءباسپاسوز كونفەرەنسياسى بارىسىندا شىعىس قازاقستان وبلىسىنىڭ اكىمى دانيال احمەتوۆ شەكارا ماڭىنداعى اۋدانداردى دامىتۋ تۋرالى ايتتى.
وبلىس ورتالىعىنان شامامەن 400 شاقىرىمداي قاشىقتىقتا قىتاي حالىق رەسپۋبليكاسىمەن شەكارالاس ورنالاسقان بەس اۋداننىڭ دامۋ قارقىنى باياۋ. وسى رەتتە, ورتالىق پەن شالعاي ايماقتاردىڭ اراسىنداعى جاعدايدى تەڭەستىرۋ ءۇشىن بارلىق دامىتۋ جولدارى مەن پروبلەمالار تەرەڭ پىسىقتالىپ, كۇرشىم, تارباعاتاي, كاتونقاراعاي, زايسان, ءۇرجار اۋداندارى حالقىنىڭ ءومىر ءسۇرۋ ساپاسىن جاقسارتۋ بويىنشا كەشەندى جوسپارلار قابىلداندى.
&ndash؛ بارلىق جوسپارلانعان ءىس-شارالاردى شەشۋ ءۇشىن قولدا بار بيۋدجەتتىك جانە بيۋدجەتتەن تىس رەسۋرستار جۇمىلدىرىلدى, مەملەكەتتىك قولداۋ قۇرالدارى ىسكە قوسىلدى. ؛باستاپقىدا 5 جىل ىشىندە جوسپارلاردى ىسكە اسىرۋعا 209 ملرد. تەڭگە باعىتتاۋ كوزدەلدى. بۇگىندە بۇل سوما «؛جۇمىسپەن قامتۋدىڭ جول كارتاسى»؛ جوبالارى ەسەبىنەن 9 ملرد تەڭگەگە ارتىپ, 218 ملرد. بولدى. ونىڭ ىشىندە 44 ملرد تەڭگە بيىلعا قاراستىرىلعان, &ndash؛ دەدى دانيال احمەتوۆ.
كەشەندى جوسپارلارعا ينفراقۇرىلىمدى جاقسارتۋ, اۋىل شارۋاشىلىعىن, كاسىپكەرلىكتى, ءبىلىم جانە دەنساۋلىق ساقتاۋ سالالارىن دامىتۋ, سونداي-اق جاڭا جۇمىس ورىندارىن قۇرۋ شارالارى ەنگىزىلگەن.
&ndash؛ ءبىزدىڭ شەكارالىق اۋماقتاردا وراسان زور قورلار مەن باسەكەلەستىك ارتىقشىلىقتار بار. ونى ءتيىمدى پايدالانۋ حالىقتىڭ ەكونوميكالىق تۇرعىدان بەلسەندى بولىگىنىڭ شەكارالىق اۋداندارعا اعىلۋىنا سەپتىگىن تيگىزەدى, &ndash؛ دەپ تۇيىندەدى ءوڭىر باسشىسى.
شقو اقپارات ورتالىعى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر