18 قاراشا, 2020 ساياسات
فوتو: qamshy.kz
ەلباسى ءابۋ-دابيدىڭ تاق مۇراگەرى, بىرىككەن اراب امىرلىكتەرىنىڭ قارۋلى كۇشتەرى جوعارعى باس قولباسشىسىنىڭ ورىنباسارى شەيح مۇحاممەد بەن زايد ءال ناھايانمەن تەلەفون ارقىلى سويلەستى. بۇل تۋرالى ؛elbasy.kz سايتى حابارلادى.
اڭگىمە بارىسىندا ەلباسى مەن ءابۋ-دابيدىڭ تاق مۇراگەرى قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ءداستۇرلى دوستىق قارىم-قاتىناستاردىڭ قارقىندى دامىپ كەلە جاتقانىن اتاپ ءوتتى.
نۇرسۇلتان نازارباەۆ پەن شەيح مۇحاممەد بەن زايد ءال ناھايان جۋىردا قازاقستان رەسپۋبليكاسىنىڭ پرەمەر-مينيسترى اسقار ءماميننىڭ ابۋ-دابي قالاسىنا جاساعان جۇمىس ساپارىنىڭ ناتيجەلەرىنە نازار اۋداردى. ساپار اياسىندا قازاقستاندا ونەركاسىپ, اۋىل شارۋاشىلىعى, ەنەرگەتيكا, مۇناي حيمياسى جانە فارماسەۆتيكا سياقتى سالالاردا جاڭا ينۆەستيسيالىق جوبالاردى ىسكە اسىرۋ تۋرالى ۇكىمەتارالىق قۇجاتقا قول قويىلعان بولاتىن.
سونداي-اق تاراپتار قازىرگى ۋاقىتتا قالالىق جانە تۋريستىك ينفراقۇرىلىمنىڭ اۋقىمدى قۇرىلىسى ءجۇرىپ جاتقان تۇركىستاندى قايتا تۇلەتۋ تاقىرىبىنا توقتالدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر