جاڭا قاۋلى. قازاقستاننىڭ 9 وڭىرىندە كارانتين كۇشەيتىلدى

2 قاراشادان باستاپ شىمكەنت, الماتى قالاسى جانە پاۆلودار, قىزىلوردا, قوستاناي, جامبىل, شىعىس قازاقستان, اتىراۋ, الماتى وبلىستارىندا كارانتين شارالارى كۇشەيتىلدى.

قىزىلوردا وبلىسىنىڭ ؛باس سانيتار دارىگەرى ؛ا.ابديكايموۆانىڭ قاۋلىسىنا سايكەس كارانتيندى كۇشەيتۋگە قاتىستى تومەندەگىدەي شەۋتەۋ شارالارى قابىلداندى.

• ويىن-ساۋىق, سپورتتىق ءىس-شارالاردى, كورمەلەردى, فورۋمداردى, كونفەرەنسيالاردى, سونداي-اق وتباسىلىق, سالتاناتتى, ەستەلىك ءىس-شارالاردى (بانكەتتەر, ۇيلەنۋ تويلارى, مەرەيتويلار, ەسكە الۋ), ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە؛
• ويىن-ساۋىق مەكەمەلەرىنىڭ (كاراوكە, بيليارد, كومپيۋتەرلىك كلۋبتار, تۇنگى كلۋبتار, بوۋلينگ ورتالىقتارى, جابىق ءۇي-جايلارداعى بالالار ويىن الاڭدارى مەن اتتراكسيوندار, باتۋتتار جانە باسقالار), بۋكمەكەرلىك كەڭسەلەردىڭ قىزمەتىنە؛
• كەزەكشى توپتاردى قوسپاعاندا, مەكتەپكە دەيىنگى بالالار مەكەمەلەرىنىڭ قىزمەتىنە؛
• فۋدكورتتاردىڭ, بانكەت زالدارىنىڭ قىزمەتىنە؛
• قالالىق, قوعامدىق جاعاجايلاردىڭ, اشىق اكۆاپاركتەردىڭ قىزمەتىنە؛
• بالالاردى ساۋىقتىرۋ لاگەرلەرىنىڭ قىزمەتىنە؛
• سپورتشىلاردىڭ قازاقستان رەسپۋبليكاسىنان تىس جەرلەردە وقۋ-جاتتىعۋ جيىندارى مەن جارىستارعا قاتىسۋى ءۇشىن شىعۋىنا.

ال شىعىس قازاقستان وبلىسىنىڭ كولىكتەگى ؛باس مەملەكەتتىك ؛سانيتار دارىگەرى س. بايعابىلوۆ 2 قاراشادان باستاپ تومەندەگىدەي شارالار كۇشىنە ەنەتىنىن حابارلاعان.

• 3 تاۋلىكتەن اسپايتىن مەرزىمگە تەرىس ناتيجەسى بار covid-19-عا پتر ادىسىمەن تەستىلەۋدەن وتكەنى تۋرالى انىقتاماسى بولماسا, جولاۋشىلار (5 جاسقا دەيىنگى بالالاردى قوسپاعاندا) اۋە كەمەسىنىڭ بورتىنا وتىرعىزۋعا جىبەرىلمەيدى:
• اۋە كەمەسىنىڭ بورتىندا جولاۋشىلار مەن ەكيپاجعا ارنالعان جەكە قورعانىش قۇرالدارىنىڭ (ماسكالار), قولعا ارنالعان انتيسەپتيكتەردىڭ, دەزينفەكسيالاۋ قۇرالدارىنىڭ بولۋى؛
• اۋە كەمەسىنىڭ بورتىندا ۇشۋ كەزىندە جولاۋشىلاردىڭ ورىن اۋىستىرۋىن, ولاردىڭ دارەتحانالاردا جينالۋىن شەكتەۋ جانە بەتپەردە رەجيمىن ساقتاۋ؛
• وتىرعىزۋ جانە ءتۇسىرۋ كەزىندە جولاۋشىلار اراسىنداعى ءقاۋىپسىز قاشىقتىقتى (1 مەتر) ساقتاۋ؛
• جۇرۋ جولىندا جولاۋشىلاردىڭ ۆاگوندار اراسىندا ورىن اۋىستىرۋىن, ولاردىڭ دارەتحانادا جينالۋىن شەكتەۋ جانە بەتپەردە رەجيمىن ساقتاۋ؛
• جەكە قورعانىش قۇرالدارى (ماسكالار مەن قولعاپتار) بولعان كەزدە عانا قىزمەتكەرلەردى جۇمىسقا جىبەرۋ؛
• جۇمىس باستالعانعا دەيىن دەنە تەمپەراتۋراسىن ولشەي وتىرىپ, اۋرۋ سيمپتومدارىنىڭ بولۋىنا قىزمەتكەرلەردى تەكسەرۋدى؛

الماتى وبلىسىنىڭ باس مەملەكەتتىك سانيتار دارىگەرى ە. سىدىمانوۆ وبلىستا كارانتين شارالارىن كۇشەيتەتىن جاڭا قاۋلىسىن شىعاردى.

قاۋلىعا سايكەس:

• تاماقتانۋ ورىندارىندا ادام قابىلداۋ 50-دەن 30-عا دەيىن قىسقارتىلادى؛
• 30-دان اسا ادام قابىلدايتىن مەيرامحانا, كافە مەن اسحانالار جابىلادى؛
• تاماقتانۋ ورىندارىنىڭ جۇمىس كەستەسى وزگەرىسسىز قالدىرىلدى: ساعات 9-00-دەن 22-00-گە دەيىن؛
• سپورت نىساندارىندا دا كىسى قابىلداۋ 50-دەن 30 پايىزعا قىسقارتىلدى؛
• دەمالىس جانە مەرەكە كۇندەرى بارلىق ساۋدا ۇيلەرى مەن ساۋدا, ويىن-ساۋىق ورتالىقتارى جابىلادى. بۇل نىسانداعى ازىق-تۇلىك جانە ءدارىحانا بولىمدەرى عانا جۇمىس ىستەيدى.
• مەملەكەتتىك قىزمەت پەن كاسىپكەرلىك سالا باسشىلىعى جۇمىسشىلارىنىڭ 50-60 پايىزىن قاشىقتان جۇمىس ىستەۋگە كوشىرۋگە مىندەتتى.

شىمكەنت ؛قالاسىنىڭ باس سانيتار دارىگەرى ؛ابدىماناپ تۋلەباەۆ كارانتيندى كۇشەيتۋگە قاتىستى قاۋلىسى بۇگىننەن باستاپ كۇشىنە ەندى.

باس سانيتار دارىگەر كارانتيندىك شەكتەۋلەردى 2020 جىلدىڭ 9 قاراشاسىنا دەيىن ۇزارتۋ تۋرالى شەشىم قابىلدادى.

الماتى قالاسىنىڭ باس مەملەكەتتىك سانيتار دارىگەرى جانداربەك بەكشيننىڭ قاۋلىسىنا سايكەس بۇگىننەن باستاپ:

• دەنساۋلىق ساقتاۋ ۇيىمدارىندا, جەدەل مەديسينالىق جاردەم ماشينالارىندا, جەرگىلىكتى اتقارۋشى ورگاندار كارانتين ءۇشىن ايقىنداعان ءۇي-جايلاردا, سونداي-اق مەديسينا قىزمەتكەرلەرى ۇيدە مەديسينالىق كومەك كورسەتۋ, فوتو جانە بەينە ءتۇسىرىلىم جۇرگىزۋگە تىيىم سالىنادى؛
• قوعامدىق تاماقتانۋ ورىندارىندا كالياندى پايدالانۋعا تىيىم سالىنادى؛
• ادامدار كوپ جينالاتىن ورىنداردا كارانتين تالاپتارىن ساقتاۋ؛
• 9:00 مەن 20:00-گە دەيىن حالىققا قىزمەت كورسەتۋ ورتالىقتارى جۇمىس جاسايدى؛
• قوعامدىق كولىكتەرگە, تاكسيلەرگە, ونەركاسىپتىك اۋماقتارعا, اۋەجايلارعا, بالالار وينايتىن الاڭداردا, ازىق تۇلىك دۇكەندەرىندە, بازارلاردا ديزينفەكسيالىق جۇمىستار جۇرگىزۋ.

پاۆلودار وبلىسىندا كارانتين شارالارى 2 قاراشادان باستاپ كۇشەيتىلدى. بۇل تۋرالى وبلىستىڭ باس مەملەكەتتىك سانيتار دارىگەرى مالىمدەدى.

قاۋلىعا سايكەس:

• قۇجاتتا عيمارات ىشىندەگى قوعامدىق تاماقتانۋ ورىندارىنا (اشىق اۋادا قىزمەت كورسەتۋدى قوسپاعاندا) ساعات 08.00-دەن 22.00-گە دەيىن جۇمىس ىستەۋگە رۇقسات بەرىلەدى. بۇل رەتتە, نىساننىڭ تولىمدىلىعى 30 ورىننان اسپاۋى, الەۋمەتتىك ارا قاشىقتىق جانە ۇستەلدەر اراسىنداعى 2 مەتر قاشىقتىق, ءبىر ۇستەل باسىنا 4-6 ادامنان وتىرعىزۋ تالاپتارى ساقتالۋى ءتيىس.
• ۇجىمدىق, سالتاناتتى, وتباسىلىق, جانە باسقا دا ءىس-شارالارعا تىيىم سالىنادى.
• ازىق-تۇلىك دۇكەندەرىنىڭ جۇمىس ۋاقىتى ساعات 22.00-گە دەيىن عانا رۇقسات بەرىلەدى.
• فيتنەس-ورتالىقتاردىڭ, جاتتىعۋ زالدارى مەن سپورتتىق-ساۋىقتىرۋ ورتالىقتارىنىڭ قىزمەتتەرى 30 پايىزدىق تولىمدىلىقپەن ساعات 08.00-دەن 20.00-گە دەيىن جۇرگىزىلەدى.
• ساۋدا ورتالىقتارىنىڭ, ساۋدا ۇيلەرىنىڭ, ساۋدا جەلىلەرىنىڭ جۇمىس ۋاقىتى ساعات 18.00-گە دەيىن عانا بولادى.

اتىراۋ وبلىسىنىڭ باس سانيتار دارىگەرىنىڭ ورىنباسارى گ. يرباتىروۆا ؛قاۋلىسى 2 قاراشادان باستاپ كۇشىنە ەندى.

"اتىراۋ وبلىسى تۇرعىندارى اراسىندا كوروناۆيرۋس ينفەكسياسىنىڭ الدىن-الۋعا قاتىستى شارالار تۋرالى" ؛باس مەملەكەتتىك سانيتار دارىگەرىنىڭ 2020 جىلعى 20 قازانداعى № 69 قاۋلىسىنا وزگەرىستەر ەنگىزىلدى.

جامبىل وبلىسىنىڭ باس مەملەكەتتىك سانيتار دارىگەرى س. اليباەۆانىڭ قاۋلىسىنا سايكەس مىنا تالاپتار ەنگىزىلدى.

• 65 جاستان اسقان ادامدارعا ۇيدەن شىقپاۋ؛
• الەۋمەتتىك قاشىقتىقتى ساقتاي وتىرىپ, 3 ادامنان اسپايتىن توپتارمەن نەمەسە ساياباق, ويىن-ساۋىق ورتالىقتارىنا بارۋعا تىيىم سالىنادى؛
• كولىكتەردە جەكە قورعانىس قۇرالدارىنىڭ بولۋى؛
• فۋدكورتتاردىڭ, بانكەت زالدارىنىڭ قىزمەتتەرىنە تىيىم سالىنادى؛
• قوعامدىق تاماقتانۋ ورىندارىندا كالياندى پايدالانۋعا تىيىم سالۋ.

قوستاناي وبلىسىنىڭ باس سانيتار دارىگەرى ۆ. نەچيتايلو كارانتين شارالارىن كۇشەيتۋ تۋرالى قاۋلىسى بۇگىننەن باستاپ كۇشىنە ەندى.

قاۋلىعا سايكەس:

• قوعامدىق تاماقتانۋ ورىندارىندا 30 ورىننان اسپايتىن, جۇمىس رەجيمى 10:00-دەن 23:00-گە دەيىن ورناتا وتىرىپ, ۇجىمدىق ءىس-شارالار وتكىزۋگە تىيىم سالىنادى؛ ؛
• اشىق اۋادا اتتراكسيونداردىڭ قىزمەتىنە رۇقسات بەرۋ؛
• كارانتيندىك تالاپتاردى ساقتاپ, 30 ادامنان اسپايتىن وقۋ-جاتتىعۋ جيىندارىن قايتا باستاۋ.