15 قازان, 2020 الەۋمەت
فوتو: qamshy.kz
الماتى قالاسى مەدەۋ اۋدانىنىڭ تۇرعىندارى قوناق ءۇيدىڭ كوروناۆيرۋسقا شالدىققانداردى ەمدەيتىن كلينيكاعا اينالعانىنا قارسى. سەبەبى, ۆيرۋس جۇقتىرىپ الامىز با دەپ قورقادى. ونىڭ ۇستىنە قوناق ءۇي ادام كوپ تۇراتىن جەردە ورنالاسقان.
تۇرعىندار باس سانيتاردىڭ ءوزى سانيتارلىق تالاپتاردى ورىنداماي جاتقانىن, ولاردىڭ بۇل ارەكەتتەردىڭ تالاپقا دا, زاڭعا دا ساي ەمەس ەكەنىن ايتادى. قامشى ءتىلشىسى اشىنعان جۇرتتىڭ بازىناسىن تىڭداپ, وزدەرىمەن سۇحباتتاسقاننان كەيىن, ماسەلەگە قاتىستى الماتىنىڭ باس سانيتار دارىگەرى جانداربەك بەكشيننەن ؛پىكىر الماق بولدى. باسىندا تۇتقانى كوتەرمەي, ارتىنشا ءوزى قوڭىراۋ شالعان باس سانيتار "تۇرعىندارعا ءبارىن تۇسىندىردىك, ەش ماسەلە جوق, دابىرا قىلىپ جۇرگەن سەندەرسىڭدەر (جۋرناليستەر) دەپ دۇرسە قويا بەرگەن. ارتىنشا, "كور دە تۇر, ەرتەڭ كوروناۆيرۋس جۇقتىرساڭ, وسى كلينيكاعا جاتقىزبايمىز" دەپ تۇتقانى قويا سالعان. بەكشيننىڭ بۇنىسى قاي ساسقانى؟! قىزمەتتىك ەتيكا قايدا؟ مەملەكەتتىك قىزمەتكەرگە وسى قىلىق جاراسا ما؟ ءتۇسىنۋ قيىن...
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر